Rick Warren se Daaglikse OordenkingsVoorbeeld

God sê jy is vergifnis werd

Wanneer dinge in jou lewe begin skeefloop, gaan jy vanselfsprekend dink: "Nou kry God my voor stok, ek weet dit! Ek het gister (of verlede jaar of twintig jaar gelede) daardie ding gedoen waaroor ek so skaam is en nou gaan ek daarvoor boet."

Is dit regtig hoe God sy kinders behandel? Beslis nie! Volgens Jesaja, hou God nie ons sonde teen ons nie. As ons ons sonde bely, vergewe en vergeet Hy daarvan en sal nooit ons verlede teen ons hou nie.

As jy 'n Christen is, moet jy baie goed aandag skenk aan Efesiërs 1:4-5: "So het Hy, nog voordat die wêreld geskep is, ons in Christus uitverkies om heilig en onberispelik voor Hom te wees. In sy liefde het Hy ons, volgens sy genadige beskikking, toe ook al daarvoor bestem om deur Jesus Christus sy kinders te wees."

Besef jy wanneer God na jou kyk, sien Hy jou deur Jesus Christus? Toe Jesus aan die kruis gesterf het, het Hy vir al jou sonde betaal sodat jy vergewe en jou sonde vergete is.

Daarom is dit GOEIE NUUS om 'n Christen te word. Ek gee my lewe aan Jesus en Hy neem dit, vergewe my en dan gee Hy my 'n nuwe kans. Hy sê: "Ek kyk nou na jou as foutloos. Jy staan voor My, bedek deur my liefde."