Rick Warren se Daaglikse OordenkingsVoorbeeld

Die diepte van God se liefde

Daar is geen plek waarheen jy kan gaan waar God se liefde nie teenwoordig is nie. Jy sal nooit van God se liefde geskei word nie.

Niks — geen omstandigheid, geen situasie — kan jou skei nie, want God se liefde is oral: "... geen hoogte of diepte of enigiets anders in die skepping kan ons van die liefde van God skei nie, die liefde wat daar is in Christus Jesus ons Here" (Romeine 8:39).

As jy 'n teenmiddel vir eensaamheid wil hê, hier is dit: jy sal nooit van God se liefde geskei word nie. Die feit is dat ons geliefdes verloor. As jy getroud is, sal een van julle eerste doodgaan. En jy sal daaroor treur.

As jy 'n Christen is, sal jy nooit eensaam wees nie, want jy het toegang tot God se liefde. Ek praat nie van godsdiens nie; ek praat van 'n verhouding met Jesus Christus. Sy liefde duur vir ewig en sy liefde is oral.