Bid Vir Jou Olifant - Bid Moedige GebedeVoorbeeld

Om dit Eerstehands te Hoor

As jy God vertrou om jou enigste Raadgewer te wees kan jy verseker weet dat jy die regte paaie vir jou lewe sal kies.

Dit is die waarheid: Jesus het nie die kruisdood gesterf sodat Hy voortaan deur iemand anders of deur 'n boek of fliek met jou kan praat nie. Hy het gely sodat jy Hom intiem kan leer ken. Die sondeval het die kommunikasie tussen God en die mens verbreek, maar Jesus het gekom om dit te herstel. Hy het gekom sodat Hy direk en kragtig met jou kan praat. Die Bybel stel dit baie duidelik in Hebreërs 4:16: "Kom ons gaan dan met vrymoedigheid na die genadetroon, sodat ons barmhartigheid en genade ontvang en so op die regte tyd gered kan word." Dit sê nie dat ons na die troon moet gaan en agter 'n menslike tussenganger moet skuil nie.

Dit is so 'n mooi en aangrypende vers. God sit op 'n genadetroon. Dit bied aan jou wat jy nodig het en laat jou toe om genade te ontvang. As jy wonder waarheen genade uit jou lewe verdwyn het, wees verseker dat jy dit by God se troon kan vind.