Herken God se Stem // Leer om Hom te OntmoetVoorbeeld

Hoe om Vreesloos te Wees (te Midde van Jou Pyn)

Heilige Gees wat in ons teenwoordig is, dit is wat ons hoor:

Ek weet wat gesê is, was moeilik om te hoor. Ek weet jou hart was seer toe jy dit hoor. Ek het daardie hart van jou sag gemaak. As dit seermaak, wanneer die harde woord kom, is dit nie 'n slegte ding nie. Dit wys dat jou hart nie verhard het nie; dit wys jy het My binnegelaat; dit wys jy het My by jou laat bly.

Laat My toe om te bly.

Wat moet ons met die pyn doen? Wat moet ons doen wanneer die situasie aanmekaar dieselfde bly? Wat moet ons doen wanneer dit voel asof niks beter word nie, wanneer jy oortuig is, jy is vasgevang en dit voel of die ommekeer nooit sal kom nie? “Wat nou? vra jy. "Hoe moet ek voortgaan?" pleit jy.

Ek weet jy is gefrustreerd. Jy wil hê die situasie moet heelgemaak word — en dit is goed om na My toe te kom, om hulp te vra. Maar luister nou, my kind. Wanneer die pyn kom, moet jy aan My vashou. Onthou dat jy nie op die onbekende hoef te steun, sonder om te weet watter kant toe nie.

Draai. Draai om, my kind. Ek is hier. 

Draai. Draai om, my kind. Ek is hier by jou.

Weet jy Ek is lief vir jou? Dit is hierdie liefde wat jou oë op my gerig hou. Hier is dalk nie 'n maklike oplossing nie — kan jy jou dit verbeel? Daar is dalk nie 'n skielike verandering in hierdie situasie nie ... en dit kan in orde wees. 

Is jy reg daarmee?

Ek is jammer dat jy in pyn is. Maar Ek sorg vir jou hart. Laat Ek omsien na jou hart. Gee dit vir My. Hou op om jou te bekommer oor die oplossing met hierdie persoon en fokus eerstens op waar Ek in die volgende oomblik van konfrontasie is. Oefen om na My te soek wanneer jy weer met die persoon praat. Doen dit in die oomblik, nie daarna nie. Oefen om na My te luister wanneer jy wonder wat om te sê. Doen dit in die oomblik wat jy gekonfronteer word. Ek is by jou, die Heilige Gees in jou. 

Ek is lief vir jou, vreeslose kind.

Oefening:

Hoe gaan ons voort? Wanneer dit seer is? Wanneer 'n argument groter as 'n argument voel ... Wanneer iemand ons seermaak ... Wanneer ons dinge gesê het wat ons nie bedoel het nie ... of dinge wat ons wel bedoel het, maar ons is spyt daaroor ... Wanneer woorde diep gesny het ... Wanneer ons sukkel met vergifnis ... om onsself of ander te vergewe. 

Hoe weet ons wat om volgende te doen? ... wat om te sê?

Hoe bly ons in 'n verhouding — en vind die wil en die moed om lief te hê — wanneer ons gefrustreerd is ... oorweldig ... bang oor wat kan kom?

Dit is goeie vrae ... belangrike vrae. Maar die groter vraag is dit: Hoe verhoed ons dat ons harte verhard? Dit is regtig maklik om in oorlewingsmodus te gaan, om beheer te neem en onsself te beskerm, om ons harte te sluit vir die seer, om dit van God af te sluit.

Dit is presies nou wat ons Hom die nodigste het.

Kom ons wend ons dadelik na God. Kom ons vertrou saam op sy goedheid, sy krag, sy vermoëns, sy gewilligheid om in te gryp. Kom ons maak ons harte oop en vra Hom om beskerming, in plaas daarvan om dit self te probeer doen. Kom ons gee die situasie oor aan Hom. Laat dit volkome aan Hom oor — al die pyn, die frustrasie; die chaos en al die seer.

Hou dit uit na Hom toe. En wag. Wag vir sy reaksie. Kyk en luister na wat Jesus doen. Dit is op sy reaksie wat ons wag. Dit is wat ons nou nodig het.

Jesus, ek het U lief. Ek vertrou U. U is meer as in staat om hierdie pyn te hanteer. U is goedhartig. U is wys, en U is goed. U het my lief. U ken my beter as wat ek myself ken. U wil die beste vir my hê. Daarom vertrou ek op U. Ek vertrou u oplossings. Ek vertrou u Weg. Ek luister daarna. Help my om U te sien, om u weg te sien, en help my om my hart oop te hou ...

Ervaar die Rush-potgooi — en ontmoet die Heilige Gees in jou moderne lewe.