Gewilde Bybelverse vanaf LUKA 6

Deel

Hananani, mi ta hananiwa; va ta mi nyika exifuveni hi mpimo lowukulu, lowu congiweke, lowu hlunguhliweke, lowu halakaka; hikuva ku ringanisa loku mi ringanisaka van'wana hakona, mi ta ringanisiwa hakona na n'wina.”

Munhu lonene u humesa leswinene exumeni lexinene lexi nga embilwini ya yena; munhu lowo biha u humesa leswo biha exumeni lexo biha xa mbilu ya yena; hikuva nomu wu vulavula hi leswi mbilu yi teleke swona.

Kambe n'wina, rhandzani valala va n'wina, mi endla vanhu swinene, mi lomba mi nga tshembi ku ta tlheriseriwa, kutani ku hakeriwa ka n'wina ku ta va lokukulu; mi ta va vana va La nge henhlahenhla, hikuva yena u ni tintswalo eka lava nga khensiki ni ka lavo biha.

Kutani sweswi mi va ni nsovo kukotisa leswi, Tata wa n'wina, na yena a nga ni nsovo.

“Kambe mi nga avanyisi leswaku mi nga ti avanyisiwa; mi nga vekeli van'wana milandzu, leswaku na n'wina mi nga ti vekeriwa milandzu; tsetselelanani, kutani mi ta tsetseleriwa.

“Kambe ndzi ri eka n'wina lava ndzi yingisaka: Rhandzani valala va n'wina, mi endla swinene eka lava mi vengaka. Mi katekisa lava mi rhukanaka, mi khongelela lava mi pfukelaka matimba.

Leswi mi rhandzaka leswaku vanhu va mi endlisa xiswona, va endliseni xiswoleswo na n'wina.

La ku phakataka rhama, u n'wi kangatela ni rin'wana; la ku tekelaka nguvu, u nga n'wi aleli ni xingubyana. Nyika un'wana ni un'wana la kombelaka eka wena; ni loko munhu a ku tekela swa wena, u nga tshuki u swi kombela eka yena.

“A ku na murhi lowunene lowu vekaka mihandzu leyo biha, ni loko wu ri murhi lowo biha lowu vekaka mihandzu leyo nandziha.

Kunene, murhi wun'wana ni wun'wana wu tiviwa hi mihandzu ya wona. Hikuva makuwa ma nga ka ma nga khiwi emitweni, ni vana va vhinya, va nga ka va nga khiwi eswigatlwini.