Gewilde Bybelverse vanaf SPREUKE 19

Deel

Baie planne is in 'n man se hart, maar die raad van die HERE, dié sal bestaan.

Wie hom ontferm oor die arme, leen aan die HERE; en Hy sal hom sy weldaad vergelde.

Die verstand van 'n mens maak hom lankmoedig, en dit is vir hom 'n eer om die oortreding te vergewe.

Luister na raad en neem tug aan, sodat jy in die vervolg wys kan wees.

Die vrees van die HERE is tot die lewe; en versadig bring 'n mens die nag deur, sonder om deur 'n onheil besoek te word.

Wie verstand verkry, het sy lewe lief; hy wat insig bewaar, sal die goeie vind.

Tugtig jou seun, want daar is hoop; maar laat dit nie in jou opkom om hom dood te maak nie.

'n Valse getuie bly nie ongestraf nie, en hy wat leuens uitstrooi, kom om.