Gewilde Bybelverse vanaf Matyu 5

Deel

Te, yoba lam ere gaglsre, degigl gagl mina atne edekrikwa ba lam beyemo mina padigl, nogugl yeigo, yoba mudu yugugl meglkwa i, abuglagemo kanigwa. Kuno yegl mere ene mabuno wakai bogl, abuglage mere yegl meglbi, yoba pere kandre, ene Neno heven ibo moglkwa i, kagie kade tenaiglmiwe dugwa.

Ene erme makandigle meglkwa i, ene abuglage mere yegl meglkwa. Taun ta muglo meglbi mina ibo ta yenan, taun i teke yeikran, yoba taun i kanaiglkwa keme paugwa.

Yoba ye deno muduno ta pe sugwa meglkwa i, gun yenaiglkwa paugwa. I siragl pre ye God kanaiglkwa.

Yoba ta mabuno du eramnedi pre kidan gogl, nigl mere yegl geglkwa i, gun yenaiglkwa paugwa. I siragl pre okuo mabuno du ye meglmara kau sinan, ye aragan eraiglkwa.

Ka i digo, prikwa ba na ene di teiga i, ene kudano ikne ta moraiglkwa i, deno muduno tedre, yoba ene ere kide ere tenaiglkwa i pre kamage ere teo.

Yoba ta God gumuglo mina goduglme munedi prikwa i, gun yenaiglkwa paugwa. I siragl pre God yoba kingno morabara dumo i, ye inaiglkwa.

Yoba ta yoba pere deno muduno swara yenaiglmedi erikwa i, gun yenaiglkwa paugwa. I siragl pre yoba i, ye God gagiglma meglmiwe dinaiglkwa.

Yoba ta erme kai ere meglkwa i, gun yenaiglkwa paugwa. I siragl pre God ye deno muduno wida di padigl tenabuka.

Yoba tau ye mabuno du erimara yoba ye ere kide ere teigwa i, gun yenaiglkwa paugwa. I siragl pre God yoba kingno morabara dumo i, ye pre yenabuka.

Yoba ta yoba pere mitno geglkwa i, gun yenaiglkwa paugwa. I siragl pre God ye ama mitno gorabuka.

Ana ene na duglo boraiglkwa pre yoba ka tenaiglkwa mo, ere kide ere tenaiglkwa mo, ka kibi kogl ka kide kane kane ta ene di beglbi, ene gun yenaiglkwa paugwa. Okna ibo God kamo kep yoba kuno yegl ere teigwa pre ene heven ibo topo podo inamnedi gun yedre, grigle dio di, Jisas yegl dugwa.

Yoba ta mogl atne edigwa i, gun yenaiglkwa paugwa. I siragl pre ye dumo makan mudu inaiglkwa.

Jisas yegl didre, ama yegl dugwa, Ene erme makandigle meglkwa i, ene mudi mere yegl meglkwa. Ba mudi kuglomo ta dudinan, ene siragl mere kuglomo ere ikne edinaiglme? Mudi yegl mere kogonmo okuo ta paikrabuka ba yoba pia si makan mina edidre, egre kwagl paraiglmiwe dugwa.

Yegl pre ene Neno heven ibo du moglmere mere yegl, ene ama du kaima moraiglkwa pamiwe di, Jisas yegl dugwa.

Ene owo dinaiglkwa panan, ene owo keme dio. Mo, ene mane dinaiglkwa panan, mane keme dio. Ba ene kano si gigle dinagledi taragl tau kagno daiglbi, yagl kide ene nomane togwa mere yegl pamiwe dugwa.

Jisas yegl didre, ama yegl dugwa, Ka ta okna digwa i, yegl digwa, Yoba ta yoba pere gumuglo ere kide eran, ene ye ama gumuglo ere kide ere tenaiglkwa paugwa. Mo, ye yoba pere sigie ta si buko dinan, ene ye ama sigie ta si buko dinaiglkwa pamiwe digo, ene prikwa. Ka i digo, ene prikwa ba na ene di teiga i, yoba ta ene ere kide ere tenaiglkwa i, ene si kegl dinamnedi erekrio. Yoba ta ene sibi, paunano koglo beglbi, ene kan ake tedre, koglo ama teo.

Ene gumugln koglo, ogon wo kra paugwa i, ene tadaglme eratnedi eran, ene gumugln i, pogl ede, kide kodo! I siragl pre ene ogon nagn bage swara ta u kide enan, tadaglme ta erekitn, i wakai panabuka ba ene ogon nagn mudu ede doga kade enan, kide panabuka. Te ene ogon wo i, yage sinatnedi eran, ene ogon i si keglu sidre, kide kodo! I siragl pre ogon nagn bage swara ta u kide enan, tadaglme ta erekitn, i wakai panabuka ba ogon nagn mudu ede doga kade enan, kide panabiwe di, Jisas yegl dugwa.