Gewilde Bybelverse vanaf Romanos 12

Deel

Pi̧jä̧ jähuä hueönämä cu̧ja̧cuä̧tu̧cuä̧'. Cuamöcuädätucu pärou icuätucui, Dios jareö cuamöcuädätucu iyätucuacu. Ja̧'hua̧nö̧ jȩcu̧'ä̧tu̧cuo̧mȩnä̧, cu̧huo̧juä̧chi̧'ä̧cuo̧tö̧jä̧ Diosrö pä̧huä̧ rö̧jö̧ adiunä jö̧'i̧nä̧, öjö'cönä jö̧'i̧nä̧, yoräteunä jö̧'i̧nä̧.

Ja̧'hua̧nö̧ ja̧'a̧ttö̧ ttö chö̧jä̧hua̧tö̧, Dios ujuturu re rö̧jö̧nä̧ toa'attö, pä'ösä ucuturu: Sacrificios päi'önä ttiya'a jä̧'i̧nö̧'a̧nö̧ iyäcuähuätucui Diosrö ji̧nä̧ cua̧'cua̧rä̧i̧. Churutä pä̧huä̧ rö̧jö̧tä̧ jȩpä̧tu̧cui̧, chutä esehuäcua'a̧nö̧ ucuturu. Adiu amöcuädätömä, ja̧'hua̧nö̧ jȩttö̧'a̧nö̧ ja̧'a̧.

Eseunu ka̧cuä̧tu̧cui̧, esetönö tta̧cu̧huä̧rä̧tu̧cua̧. Ubara ttucuhuätucuomenä, cuami 'qui'ächi'ö ka̧cuä̧tu̧cui̧. Diosrö ucuocu ka̧cuä̧tu̧cui̧ 'cuäopönä.

Surojö cu̧ru̧hua̧ päi'önämä jȩcu̧'ä̧cuä̧huä̧'. Adihuä juäinä jȩpö̧, surojö jarodi'i.

Korotö korotönörö repe'ätucui cuamönä cu̧jä̧hua̧tö̧rö̧ repecuhuätucu ta'anö. Ucuotönö ka̧cuä̧tu̧cui̧ korotö korotöcu.

Adiu repe'ätucui korotö korotönörö. Surojö cua̧'cua̧ cu̧huȩnä̧rä̧tu̧cuä̧'. Adiunätä ka̧cuä̧tu̧cui̧.

O'ca juiyönä jȩcu̧'ä̧tu̧cu̧mä̧ jȩpä̧tu̧cui̧, korotöcu eseunu cu̧ja̧cuä̧tu̧cuä̧cua̧'a̧nö̧.

Adihuä chö̧jä̧hua̧tö̧, micuä päi'önä jȩcu̧'ä̧tu̧cuä̧', ucuturu suronä jȩpä̧tö̧rö̧. Ja̧'a̧tä̧ topätucui. Tta̧'ä̧rä̧tu̧cui̧ Diostä ro̧ȩpä̧cua̧'a̧nö̧ jitörö. Huȩyu̧cuä̧ Huȩnȩ päa'a: “Ttömä ro̧ȩcuä̧ ru̧hua̧sä̧. Ttötä ro̧dȩpä̧cua̧sä̧, pä'ö Tu̧ru̧hua̧mä̧.”

Adiu aditätucui, ötäcuähuä juiyönä. Cu̧ru̧hua̧tu̧cu̧ Cristo hueömä, cuami iso'quitucunä eseunu aditätucui.

Dios ttörö ppädina'attö, o'ca toi'önä ucuturu ji'äusä, ttömä korotöttö'inä abonänö huo̧jua̧sä̧ pä'ö cuamöcuädätucuä'. Ucututä cuamönätucu adiu cua̧'cua̧ ku̧nu̧ amöcuädätucui esetäcuähuä Dios iyinömä.

Ucuturu suronä jȩpä̧tö̧rö̧, suronä jȩcu̧'ä̧tu̧cuä̧' juhua'a yabonömä. O'ca toi'önä ttä'ca jo̧mȩ adiu jȩpä̧tu̧cui̧.

Ji̧nä̧ yo̧mȩtȩ amöcuädö ka̧cuä̧tu̧cui̧ korotö korotöcu. Korotöttö'inä abonänö adihuä i̧sa̧sä̧ pä'ö päcuhuätucuä'. Usurä isotö ttamöcuädö'a̧nö̧ amöcuädätucui. Korotöttö'inä abonänö huo̧jua̧sä̧ pä'ö cuamöcuädätucuä'.

Ja̧'hua̧ta̧nö̧ Huȩyu̧cuä̧ Huȩnȩ päa'a: “Ucu cua̧bo̧i̧ya̧rö̧ ppäi rö̧jö̧ttö̧mä̧, ucua iyirö. Ajiya ahua a̧di̧ rö̧jö̧ttö̧mä̧, ahua iyirö. Ucu ja̧'hua̧nö̧ jȩcu̧'o̧mȩnä̧mä̧, dä'ä ttu̧huä̧cua̧.”

Diosrö ucuocuätucui ucuturu suronä jȩpä̧tö̧rö̧. Jahuätörö ji'äu, jä'epätucui Diosrö adiu ppädatö pä'ö, suronämäcö̧. Esehuätörö, eseunu topätucui. Ajuähuätörö, ajuäunu topätucui.

Ppä'ädätucui Jesucristorö esetätörö recuä rö̧jä̧u̧ru̧. Ucuturu do'ächätörö, adiu ppä'ädätucui.

Ujutumä ya̧tȩtä̧ ja̧'a̧nä̧, tidepämä rö̧ȩnä̧ jähuä ja̧'a̧. Tidepä jö̧ a̧'u̧cuä̧ adita'a. Ja̧'hua̧ta̧nö̧ ujutu recuätö ta'anä, ji̧nä̧ ji̧yȩtȩ huotöjä Cristonä. Ja̧'hua̧nö̧mä̧ i̧mi̧cu̧nä̧ amöcuädocotöjä.