Hoe om swaarkry en lyding te hanteer预览

Wanneer Christene vir hulle geloof vervolg word, raak dit Jesus self

“Ek is Jesus, wat jy vervolg” (Handelinge 9:5 AFR20).

Voordat die apostel Paulus tot geloof in Jesus gekom het, was hy besig om Christene te vervolg. Eendag toe hy op pad was om gelowiges te arresteer, het daar skielik 'n baie helder lig uit die hemel om hom geskyn en het hy 'n stem vir hom hoor sê: “Saul, Saul! Waarom vervolg jy my?” Toe Paulus vra wie hierdie persoon is, was die antwoord: “Ek is Jesus, wat jy vervolg”. Natuurlik het Paulus Jesus nie letterlik gevange geneem of doodgemaak nie. Hy het dit aan Christene gedoen, nie aan Christus nie! Vir Jesus is dit basies dieselfde. Hy is soos 'n pa wat diep geraak word wanneer sy kinders aangeval word. Wanneer gelowiges vervolg word, sê Jesus Hy word self vervolg.

In Matteus 25 sê Jesus dat enige goeie dinge wat ons vir sy mense doen, ons ook vir Hom doen. Enigiets wat ons weier om vir enige van sy mense te doen, weier ons om vir Hom te doen – soos om die hongeres iets te gee om te eet en die siekes en gevangenes te besoek.

As jy sleg behandel word, wees verseker dat dit Jesus baie pla. Hy sien waardeur jy gaan, en Hy gee om!