Ìyìn: Àṣàrò nínú Orin DáfídìÀpẹrẹ

Kí ni ó sọ?

Onísáàmù náà bẹ Olúwa pé kí ó fún òun ní òye kí ó sì yí ọkàn òun padà sí àwọn òfin Ọlọ́run. Ó ṣe ìgbọràn sí àwọn àṣẹ Ọlọ́run, ó sì rí ìtùnú nínú àwọn ìlérí àti òfin Rẹ̀.

Kí ni ó túmọ̀ sí?

Ẹni tí ó kọ Sáàmù 119 pàtàkì kíka Ọ̀rọ̀ Ọlọ́run. Ìfẹ́ tí ó ní l'áti mọ ohun tí ó wà nínú Bíbélì kọjá níní òye nípa Ọlọ́run nìkan; ohun tí ó fẹ́ ni wí pé kí ó ní òye ohun tí Ìwé Mímọ́ túmọ̀ sí kí ó bàa lè máa fi ohun tí ó wà nínú rẹ̀ sí ìlò ní gbogbo apá ìgbésí ayé rẹ̀. Bí ó ti ń b'ọ̀wọ̀ fún òfin Ọlọ́run, ó yí padà kúrò nínú lílépa àwọn nǹkan tí ó jẹ́ ti ara rẹ̀, ó sì fẹ́ l'áti gbé ìgbésí ayé rẹ̀ fún àwọn nǹkan tí ó n'íye l'órí títí láé. Bí ó tilẹ̀ jẹ́ wí pé ṣíṣe ìgbọràn sí Ọlọ́run kò mú kí àwọn ìṣòro rẹ̀ d'ópin, ìtùnú tí o rí nínú àwọn ìlérí Ọlọ́run fún-un ní ìrètí tí ó wà pẹ́ títí.

Bàwo ni kí n ṣe dáhùn?

Kí ni ó sún ọ l'áti ka ìwé ìfọkànsìn yìí? Ṣé o fẹ́ yan'jú ìṣòro kan, kí o rí ìtùnú, tàbí kí o tú bọ̀ sún mọ́ Ọlọ́run? Bí ó tilẹ̀ jẹ́ wí pé gbogbo nǹkan wọ̀nyẹn dára, ẹsẹ̀ Bíbélì tí a kà l'ónìí ń fún wa ní ìṣírí wí pé kí a máa ka Ọ̀rọ̀ Ọlọ́run, kí a sì máa fi í s'ílò. Ìyípadà á bẹ̀rẹ̀ síí wáyé nínú ìgbésí ayé rẹ bí o ṣe ń ní óye Ìwé Mímọ́, tí ò ń kọ'bi ara sí ìkìlọ̀ rẹ̀, tí o sì ń ṣè ìgbọràn sí àwọn àṣẹ rẹ̀. Ìyọrísí rẹ̀ á wá dà bíi ìgbà tí wọ́n ń ju kẹ̀kẹ́ domino sí'wá s'ẹ́yìn - ìwọ á túbọ̀ sún mọ́ Ọlọ́run, ìwọ á mọ bí o ṣe lè yan'jú onírúurú ìṣòro, ìwọ á rí ìtùnú àti ìrètí àti bẹ́ẹ̀ bẹ́ẹ̀ lọ. Bẹ Ọlọ́run wí pé kí Ó fún ọ ní òye àti ìrètí ayérayé bí o ṣe ń ka Ọ̀rọ̀ Rẹ̀ tí o sì ń k'ẹ́kọ̀ọ́ rẹ̀, kí o sì máa fi òtítọ́ tí ó ṣí payá s'ílò. Bíbélì kíkà kìí wulẹ̀ ṣe àṣà tí ó dára nìkan, ó ń yí ènìyàn padà.