Ìyìn: Àṣàrò nínú Orin DáfídìÀpẹrẹ

Kí ni ó sọ?

Sáàmù 87 yin Jerúsálẹ́mù gẹ́gẹ́ bíi ìlú tí Ọlọ́run fẹ́ràn. Ẹni tí ó kọ Sáàmù 88 ké pe Ọlọ́run pé kí Ó gbà á lọ́wọ́ àìsàn tó fẹ́ gbẹ̀mí rẹ̀.

Kí ni ó túmọ̀ sí?

Àwọn sáàmù wọ̀nyí yàtọ̀ pátápátá sí ara wọn. Sáàmù àkọ́kọ́ fi tayọ̀tayọ̀ sọ pé Jerúsálẹ́mù ni olú ìlú ayé, ó sì jẹ́ ohun tí àwọn ènìyàn tí wọ́n bí níbẹ̀ fi ń yangàn, àwọn kan sì sọ pé sáàmù 88 ni sáàmù tí ó ń bani nínú jẹ́ jù lọ. Ẹsẹ tó gbẹ̀yìn orí kọ̀ọ̀kan ni ó jẹ́ kí a mọ̀ ìyàtọ̀ tí ó wà láàárín wọn. Sáàmù 87 parí pẹ̀lú Ọlọ́run gẹ́gẹ́ bíi orísun ayọ̀ onísáàmù náà, Sáàmù 88 sì parí pẹ̀lú òkùnkùn gẹ́gẹ́ bíi ọ̀rẹ́ onísáàmù náà. Ó dà bíi pé àìsàn kan tí ó lè gbẹ̀mí rẹ̀ ti bá a fínra ní èyí tí ó pọ̀ jùú lọ nínú ìgbésí ayé rẹ̀, bóyá àrùn ẹ̀tẹ̀ ni. Síbẹ̀, ìgbàgbọ́ nínú Ẹni Gíga Jù Lọ, Ẹni tí Ó dá Jerúsálẹ́mù sílẹ̀, ni ìpìlẹ̀ àdúrà rẹ̀.

Bawo ló ṣe yẹ kín dáhùn?

Àwọn ọmọlẹ́yìn Kristi náà máa ń ní ẹ̀dùn ọkàn tí ó pọ̀ gan-an. Àìsàn tí ó lè gbẹ̀mí ènìyàn, ikú ọmọ, àti àìrí iṣẹ́ ṣe fún àkókò gígùn máa ń ṣẹlẹ̀ sí àwọn tí ó jẹ́ onígbàgbọ́ àti àwọn tí kìí ṣe onígbàgbọ́. Àmọ́ gẹ́gẹ́ bí ìyàtọ̀ tí ó wà nínú àwọn sáàmù tí a kà ní òní ṣe rí, bẹ́ẹ̀ náà ni ó ṣe yẹ kí ìyàtọ̀ wà nínú ọ̀nà tí Kristẹni kan gbà ń kojú ìjìyà yàtọ̀ síra. Ǹjẹ́ o ní ìpìlẹ̀ ìgbàgbọ́ tí ó ń mú ọ kúnlẹ̀ níwájú Olúwa? Dúró nísinsìnyí, kí o sì bá Ọlọ́run sọ̀rọ̀ láì fi ọ̀rọ̀ sí ábẹ́ ahọ́n sọ nípa ipò yòówù kí ó má kó ìdààmú bá ọ. Kódà nígbà tí ó jẹ́ pé òkùnkùn nìkan lo rí, Olúwa lè jẹ́ ìrètí àti orísun ìdùnnú rẹ.