Ìyìn: Àṣàrò nínú Orin DáfídìÀpẹrẹ

Kíni ó sọ?

Onísáàmù ń fẹ́ láti wà nínú ilé Ọlọ́run alààyè, ẹni tí ó ń bù kún àwọn tí ó gbẹ́kẹ̀lé E. Ó bẹ Ọlọ́run pé kó mú àwọn èèyàn Rẹ̀ padà bọ̀ sípò, kó fi ìfẹ́ tí kì í kùnà hàn sí wọn, kó sì gbà wọ́n là.

Kí ló túmọ̀ sí?

Sáàmù ti òní ń fún wa ní òye nípa bí àwọn ènìyàn Ọlọ́run ṣe yẹ kí wọ́n máa fèsì sí ìwà Rẹ̀. Tí a bá ka àwọn orí yìí láti ẹ̀yìn wá fún wa ní ìrísí tó yàtọ̀. Òǹkọ̀wé Sáàmù 85 mọ rírì ìdáríjì Olórun, ìfẹ́ rẹ̀, àti ìṣòtítọ́ rẹ̀, àmọ́ ó tún mọ̀ pé òdodo Ọlọ́run ń béèrè ìdájọ́ lórí ẹ̀ṣẹ̀. Ìmúpadàbọ̀sípò nílò ìrònúpìwàdà. Ni báyìí, ẹ jẹ́ ká wo Sáàmù 84. Nígbà tí áwọn ènìyàn Ọlọ́run ń gbé ìgbésí ayé wọn láti ṣe ohun tó wu Ọlọ́run dípò kí wọ́n máa ṣe ohun tó wù ara wọn, ó máa ń wù wọ́n gan-an láti jọ́sìn nínú ilé Rẹ̀. Gbígbé Ọlọ́run ga pẹ̀lú àwọn olùjọsìn ẹlẹgbẹ́ rẹ̀ mú kí onísáàmù náà ní ẹ̀mí tó jí pépé, ó sì fún un lókun láti gbẹ́kẹ̀ lé Olúwa. Jíjẹ́ onígbọràn sí Ọlọ́run tó jẹ́ olódodo àti ẹni mímọ́ túmọ̀ sí gbígbé lábẹ́ ìbùkún Rẹ̀ dípò lábẹ́ ìbínú Rẹ̀.

Báwo ni kí n ṣe dáhùn?

Awújo wa ti din Ọlọ́run ku sí ẹni tó ní àwọn ànímọ́ bíi ìfẹ́, àánú àti inú rere. Ó ti di ohun ìtẹ́wọ́gbà fún àṣà láti ṣẹ̀dá irú Ọlọ́run tí ó fẹ láti gbàgbó níwọ̀n ìgbà tí o bá ti fi àyè gbà ojú-ìwòye ẹlomiran. Àmọ́ ṣá o, ifára dà yìí kò dé ọ̀dọ̀ àwọn tó ń ṣe ẹ̀sìn Júù àti ti Krìstẹ́nì. Ìṣòro tó wà nínú èròǹgbà yìí ni pé Ọlọ́run kì í yí padà. Bí Ó ṣe jẹ́ mímọ́ tí Ó sì jẹ́ olódodo lónìí náà Ó wà ní àtijọ́. Ṣé gbogbo ànímọ́ Ọlọ́run ló wà nínú ojú tí o fi ń wo Ọlọ́run, àbí àwọn ànímọ́ tó wù ọ́ nìkan? Gbígbé ní ìtẹríba sí ẹni tí Ọlọ́run jẹ́ lóòótọ́ ni yóò jẹ́ kí o fẹ́ láti wá ojú rere Rẹ̀, wàá sì máa yin Í pẹ̀lú àwọn onígbàgbọ́ yòókù. Bí o ṣe ń ka Bíbélì, bẹ Ọlọ́run pé kí Ó tún èrò òdì ti o ní nípa rẹ̀ ṣe.