Ìyìn: Àṣàrò nínú Orin DáfídìÀpẹrẹ

Kíni o sọ?

Orúkọ Olúwa ní ọlánlú ju èyíkéyìí tí ó wà ní orí ilẹ̀ lọ, tí ìyìn yẹ fún. Bí a bá ṣe àkíyèsí títóbi ẹ̀dá Ọlọrun - kíni ìdí rẹ̀ tí Ó fi ògo, ọlá, àti itọju fún èníyàn?

Kíni o túmọ̀ sí?

Bí ó tilẹ̀ jẹ́ pé kíún ni Dáfídì rí nínú àrágbá yamúyamù àgbáálá ayé wa yìí, ó ní ìmọ̀lára pé òun kò já mọ́ nǹkan kan nígbà tí ó wo ayé tí ó yí i ká tí ó sì ń ṣe àṣàrò nípa Ọlọ́run tí Ó dá gbogbo rẹ̀ ní ẹ̀kúnrẹ́rẹ̀ àti ní pípé pérépéré. Síbẹ̀, Ọlọ́run ẹlẹ́rùjẹ̀jẹ̀ yìí dá àwọn èniyàn, Ó fi wọn jẹ ọba ohun gbogbo tí Ó dá, Ó sì fi iyè sí ìgbésí ayé wọn. Nínú gbogbo ohun alààyè tí Ó dá, èé ṣe tí Ọlọ́run yóò fi fún ọmọ-ènìyàn ní irú àfiyèsí bẹ́ẹ̀? Yàtọ̀ sí àwọn ẹyẹ, ẹja, àti àgùntàn, a dá àwọn ènìyàn ní àwòrán Ọlọ́run. Ọmọ-ènìyàn nìkan ni ó ní ágbára láti ní ìbásepọ̀ pẹ̀lú Olúwa, èyí tí ó fún ni ní ìdí tó láti mọ rírì ògo Rẹ̀ kí a sì yin orúkọ rẹ̀ tí ó dára, tí ó sì ní ọlá ńlá

Báwo ni kí n ṣe dáhùn?

Bí ohunkohun bá ṣe pẹ́ ní ṣàkáánì rẹ tó, ní o kò ṣe níi ní àkàsí rẹ̀ tó. Ní ìbámu pẹ̀lú ibi tí o ń gbé, o lè máa rí àwọn ìrísí òkè ńláńlá tí ó rẹwà, pẹ̀tẹ́lẹ̀ tí ó tẹ́jú, tàbí títẹ́rẹrẹ òkun bí ó ṣe fi ẹnu kò sánmọ̀. Ṣùgbọ́n ìgbà wó ní o ti dúró làti ronú lóri ohun tí o rí? Ṣe ètò láàrin ọ̀sẹ̀ yìí láti gun òkè kan, wo oòrùn bí ó ṣe n jáde tí ó sì ń wọlé, tàbí wo àwọn ìràwọ̀. Ní ìgbà tí o bá dé òpin ìrìn-àjò rẹ, ka Sáàmù 8 gẹ́gẹ́ bí iṣẹ́ ìsìn. Ó ṣeé ṣe kí o fi ibẹ̀ sílẹ̀ pẹ̀lú ìmọ̀lára àgbààyanu tuntun àti ìmọrírì tuntun fún àjọṣepọ̀ rẹ pẹ̀lú Ọlọ́run wa ẹlẹ́rù ní ìyìn