Ìyìn: Àṣàrò nínú Orin DáfídìÀpẹrẹ

Kín ni ó sọ?

Dáfídì fi ẹ̀sùn ìwà ìrẹ́jẹ àti ìwà ipá kan àwọn alákòóso, ó sì fi ìgbẹ́kẹ̀lé nínú ìdánilójú ìdájọ́ Ọlọ́run hàn.

Kín ni ó túmọ̀ sí?

Dáfídì lo àwọn àwòrán tí ó ya ni lẹ́nu láti ṣe àpèjúwe ìbínú rẹ̀ lórí ìwà ìrẹ́jẹ tí o ṣe àkíyèsí lọ́dọ̀ àwon alákóso Ísraẹ́lì. Síbẹ̀ kìí ṣe àwọn ẹ̀ṣẹ̀ sí i gẹ́gẹ́ bí ẹnìkan ni ó jẹ́ kí ó pè fún ẹ̀san Ọlọ́run; ẹ̀ṣẹ̀ wọn sí Ọlọ́run mímọ́ Ísraẹ́lì ni. Dáfídì bínú sí àwọn ohun tí ó tọ́ - ibi àti ìkà. Ó mọ̀ dájú pé Ọlọ́run yóò ṣe ìdájọ́ àwọn ìkà lọ́jọ́ kan, ṣùgbọ́n ó pòngbẹ pé kí òdodo Ọlọ́run jọba ní orílẹ̀ èdè rẹ̀ ní àkókó tí ó wà lórí ilẹ̀ Ayé.

Báwo ni kí n ṣe dáhùn?

Kí ló máa ń mú ọ bínú? Inú wa máa ń sábà ru sókè lórí àwọn nkan kékèèké tí ó bí wa nínú gẹ́gẹ́ bí ẹ́nì kọ́ọ̀kan ṣùgbọ́n tí a máa ń dákẹ́ lórí àwọn nnkan tí kò mú inú Olúwa dùn. Báwo ni o ṣe lè kọjú lòdì sí ìwà búburú ní agbègbè rẹ àti ní orílẹ̀ èdè wa? Ronú sí dídarapọ̀ pẹ̀lú ẹgbẹ́ kan tí ó ń mú ìyàtọ̀ wá, bíi kí o yọ̀nda ara rẹ fún iṣẹ́ ní ilé itọ̀jú àwọn aboyún tí ó ní ìṣòro tàbí ẹ̀ka ẹgbẹ́ Àwọn Ìyá Lòdì Sí Mímutí Wa'kọ̀. Máa lọ sí ìpàdé agbègbè níbi tí o ti lè sọ̀rọ̀ lòdì sí àwọn ìlànà tí ó tako ẹ̀kọ́ Bíbélì. Máṣe kàn jókòó sí ẹ̀gbẹ́ kan kí o wá gbà pé ayé ti ń d'orí kodò; jẹ́ kí inú bí ẹ sí àwọn nkan tí kò tọ́ kí o sì sọ̀rọ̀ sókè!