Ìyìn: Àṣàrò nínú Orin DáfídìÀpẹrẹ

Kí ni ó sọ?

Àwọn tí ó gbẹ́kẹ̀lé Ọlọ́run ní ìdí láti yọ̀ nítorí pé Ọ̀rọ̀ Rẹ̀ jẹ́ òtítọ́, Ó jẹ́ olóòótọ́ nínú gbogbo ohun tí Ó ń ṣe, àwọn ète Rẹ̀ di mímú ṣẹ, ayé sì kún fún ìfẹ́ Rẹ̀ tí kò kùnà.

Kí ni ó túmọ̀ sí?

Gbogbo ìgbà ni ìdí kan wà láti yìn Olúwa, ó bẹ̀rẹ̀ pẹ̀lú òtítọ́ pé Ó sọ̀rọ̀, ayé àti ohun gbogbo tí ó wà nínú rẹ̀ sì wà. Bákannáà, ronú pé Ẹlẹ́dàá Ọ̀run àti Ayé ti fi èrò rẹ̀ hàn sí ìṣẹ̀dá Rẹ̀ nípasẹ̀ Ọ̀rọ̀ Rẹ̀ - Bíbélì. Ìwé Mímọ́ ṣe àfihàn òdodo Ọlọ́run, olódodo, aláàánú, àti olóòtítọ́ láti àtètẹkọ́se. Awọn ète tí Oluwa ní fún ọjọ́ iwájú dájú bíi ìtàn àrọ́bá; kò sí ẹ̀dá ènìyàn kan tí ó lè dá ètò Rẹ̀ dúró. Ẹni tí ó bá gbẹ́kẹ̀lé Ọlọ́run tí ó sì fi gbogbo ìrètí rẹ̀ sínú ohun tí a kọ sínú Ọ̀rọ̀ Rẹ̀ lè kún fún ayọ̀, nígbà tí ó ṣì ń dúró de ètò Rẹ̀ láti ṣẹ.

Báwo ni kí n ṣe dáhùn?

A máa ń sọ pé orin jẹ́ èdè gbogbo àgbáyé; Ó ní agbára láti ṣí àwọn ẹ̀dùn wa a sì máa gbà wá láàyè ifarahan ara ẹni. Irúfẹ́ ààyò orin yàtọ̀, síbẹ̀síbẹ̀, kódà láàárín ìjọ. A lè gbé ọkàn wa sókè lórí ẹ̀yà àwọn orin tí a yàn títí a ó fi pàdánù ìdí fún kíkọ orin ní àkọ́kọ́. Àwọn àbùdá Ọlọ́run, ìṣe, àti ète Rẹ̀ gbogbo jẹ́ ìdí tí a fi nílò láti bú jáde sí ìyìn, yálà pẹ̀lú orin inú ìwé láti àtijọ́ tàbí orin ìyìn tí a ṣẹ̀ṣẹ̀ kọ. Ní ọjọ́ Àìkú yìí, fiyè sí àwọn ọ̀rọ̀ inú orin kọ̀ọ̀kan tí o kọ - wọ́n kún fún òtítọ́ láti inú Ọ̀rọ̀ Ọlọ́run. Tí kò bá mọ́ ọ lára láti kọrin ní gbangba, gbájú mọ́ sísọ àwọn ọ̀rọ̀ náà fún Ọlọ́run pẹ̀lẹ́pẹ̀lẹ́ gẹ́gẹ́ bí ọrẹ ìyìn. Báwo ni a ṣe lè dákẹ́ jẹ́ẹ́ nígbà tí a bá ní ọ̀pọ̀lọpọ̀ ìdí láti yìn Ín?