Ìyìn: Àṣàrò nínú Orin DáfídìÀpẹrẹ

Kíni ó sọ?

Dáfídì ké pe Ọlọ́run fún ìtọ́sọ́nà àti àánú nígbà tí ó ń yin oore Ọlọ́run àti ìfẹ́ tí kì í kùnà.

Kíni ó túmọ̀ sí?

Orin Dáfídì yìí gbé ìwà Dáfídì láàrin ọgbẹ àti ìyìn rẹ̀ yẹ̀wò. Àwọn ìdí tí ìbànújẹ́ rẹ̀ jẹ́ ìpọ́njú ára, rìkìsí tí ó lòdì sí ayé rẹ̀, àti ìdàlẹ̀ àwọn ọ̀rẹ́ rẹ̀. Pẹ̀lú ìdí fún àníyàn ní ọ̀pọ̀lọpọ̀ apá ìgbésí ayé, ẹ̀dùn ọkàn pọ̀ fún Dáfídì. Bí ó ti wù kí ó rí, ìgbẹ́kẹ̀lé tí Dáfídì ní nínú Olúwa bo àwọn àníyàn onígbà díẹ̀ ayé rẹ̀. Nígbà tí Dáfídì fi ìmọ̀lára rẹ̀ lé lẹ̀ fún Ọlọ́run olóòótọ́, ó ní ìrètí ní ọ̀tun.

Báwo ni ó yẹ kí n ṣe dáhùn?

Ní ààyè kan, o lè ti lo ọ̀rọ̀ yìí, "Nígbàtí òjò bá rọ̀, ó máa dà sílẹ̀," láti ṣe àpèjúwe àwọn ìdí tí wàhálà àti ìbànújẹ́ ọ̀pọ̀lọpọ̀ fi wà nínú ìgbésí ayé rẹ. Nígbàtí ìṣòro kan tàbí òmíràn bá n gun orí ara wọn, ìmọ̀lára rẹ má dàrú, èyí tí ó máa mú kí o tètè bínú. Nígbà tí Ọlọ́run dá wa pẹ̀lú ìmọ̀lára, kò túmọ̀ sí pé kí ìmọ̀lára wa máa darí wa. Àwọn ìmọ̀lára wo ni o nílò láti jọ̀wọ́ fún Olúwa ní báyìí - àníyàn, ìbínú, ìbẹ̀rù, owú? Gbígbé ìgbẹ́kẹ̀lé rẹ lé Olùwà láti ṣe ìrànlọ́wọ́ fún ọ ní ipò kọ̀ọ̀kan yóò mú ọ kúrò ni ipò ìmọ̀lára tí n Iọ sókè-sọ́dọ̀, yóò sì mú ọ rinlẹ̀ nínú ìrètí.