Bàbá Fẹ́ràn Rẹ láti ọwọ́ Pete BriscoeÀpẹrẹ

Ọjọ́ 14

Ìṣe-Pàtàkì Ìdájọ́-Òdodo

Gbogbo ènìyàn ni ó fẹ́ ríi pé a ṣe ìdájọ́-òdodo fún ẹlòmíràn. —Bruce Cockburn

Nínú àwọn ìdílé kan, bàbá a máa bá ọmọ wí ní ọ̀nà tí kò tọ́. Bóyá ó rorò jù mọ́ ọmọ fún èdè-àìyé-èdè ráńpẹ́ nínú ilé, tàbí bóyá ó fà sẹ́yìn láti ṣe ohun rere fún wọn láìsí ìdí pàtàkì kankan.

Àwọn bàbá nípa ti ara a máa ṣi agbára tí a fún wọn lò. Bí àwa bá wáá so ìrú àìpèníye yìí kan òye wa nípa Ọlọ́run, a ó kàn máa ṣàròyé nípa àṣẹ Rẹ̀, èrò-ọkàn, àti pàápàá jùlọ, ìdájọ-òdodo Rẹ̀.

Bí ẹnìkan bá ń bẹ tí ó yẹ kí ó rò pé Ọlọ́run kò ṣe dáadáa, Jóòbù ni ìbá jẹ́. Ọkùnrin yẹn pàdánù ohun gbogbo tí ó ní—ṣùgbọ́n kò mi'kàn, ó sì dúró nínú òdodo rẹ̀. Ọ̀rẹ́ rẹ̀, Élíhù, gbìyànjú láti wo òye ohun tí ó ń ṣẹlẹ̀ nípa fífi ìdí ìdájọ́-òdodo Ọlọ́run múlẹ̀:

“Nítorípé ẹ̀san iṣẹ́ ènìyàni ni yíó san fún un;
yíó sì mú olúkúlùkù kí ó rí gẹ́gẹ́ bí ipa-ọ̀nà rẹ̀.
Nítòótọ́ Ọlọ́run kì yíó hùwàkiwà,
bẹ́ẹ̀ni Olódùmarè kì yíó yí ìdájọ́ po.” (Jóòbù 34:11-12)

Ó jẹ́ Olótìtọ́.

Ọlọ́run fẹ́ràn àwọn ènìyàn Rẹ̀, àmọ́ ìyẹn kò pa ìdánilójú pé Ọ jẹ́ olótìtọ́ dà. Ó pé, nítorínáà ohun gbogbo tí Ó ṣe tọ́, ó sì dára—ìyẹn ni wípé kò lè fí ojú fo ẹ̀ṣẹ̀ dá.

Nítorínáà a lè dúpẹ́ lọ́wọ́ Rẹ̀ pé a ṣe ìdájọ́-òdodo lórí àgbélébùú. A kò fi ojú fo ẹ̀ṣẹ̀ dá ní ọjọ́ ọ̀fọ̀ nì nígbàtí Jésù san ìdíyelé kí a baá lè dáríjì wá. Iṣẹ́ ìfarajìn yìí fihàn pé Ọlọ́run jẹ́ onífẹ̀ẹ́ àti olótítọ́. Bí a bá wà nínú Krístì, ìjìyà fún ẹ̀ṣẹ̀ wa wà lórí Krístì.

Ṣùgbọ́n fún àwọn tí ó kọ ẹ̀bùn yìí, ìjìyà wọn yíó yára kánkán, yíó sì pé.

Baba, máṣe jẹ́ kí ìwà-ìrẹ́jẹ ayé yìí bá ìwòye mi nípa Rẹ jẹ́. Fún mi ní ojú tí ń wo àgbélèbú gẹ́gẹ́bíi ibi ìṣẹ̀mbáyé tí agbára Rẹ àti ìdájọ́-òdodo àti ìfẹ́ ti kójọ papọ̀ ní pípé fún mi. Àmín.