Ʋrɔm 3
3
1A na ɩ à ŋá a, fʋ na ɩ a Zifʋ a, a tɛr'ɩ tɔnɛ kãw bɩɩ? A yʋɔr-ŋmãafʋ tɛr'ɩ yel-ɩra bɩɩ? 2A tɔnɛ bɛ dɩ vuo ɩ, a za lɛ pʋɔ. A dãw-niwn sob a, Zifʋ mɩnɛ nɛbɛ a Naaŋmɩn ƴɛ̀r a ʋ ƴɛ̀rʋ kʋ̀ kɛ́ bɛ maal tɛr. 3Ɛ́ bʋnʋ? Bɛ mɩnɛ kãw wa lɛb pùor a bɛ naaŋmɩn-sàw-deb pʋɔ a, a bɛ pùor-lɛbrʋ na ɩ na a Naaŋmɩn mɩ̀ lɛb pùor bɩɩ? 4Lɛ bɛ n'a towtow ɛ! A fɛr'a kɛ́ Naaŋmɩn mɩ́ sãá ɩ yel-mɩŋa sob, nɩsaal za saa ɩ zir-ŋmarɛ a, mɛ̃ à ŋá a Sɛb-sõw na yel a Naaŋmɩn ƴãw a:
«A fɛr'a kɛ́ bɛ mɩ́ nyɛ̃ b
fʋ tɛr yel-mɩŋa a fʋ ƴɛ̀rʋ pʋɔ,
fʋ mɩ́ tʋ̃ɔ́ ƴɛ̀r yi,
bɛlɛ wa maalɛ nɩ fʋ ƴɛ̀rʋ a#3:4 Nyɛ̃ Ssy 51.6..»
5Ɛcɛ a tɩ yel-mɩŋa bɛ-tɛrʋ mɩ́ wa ɩ a Naaŋmɩn yel-mɩŋa sãá a, tɩ lɛb yel kɛ́ bo? A wul'a kɛ́ a Naaŋmɩn bɛ tɛr yel-mɩŋa ʋ na mɩ́ nyɛ̃ nɩ tɩ suur a bɩɩ? (Ɩ̃ ƴɛ̀rɛ na mɛ̃ nɩsaalbɛ a.) 6Lɛ bɛ n'a towtow ɛ! Alɛ bɛ ɩ lɛ, ŋmɩŋmɩn n'a a Naaŋmɩn na tʋ̃ɔ́ maal'ɩ a tẽ-daa a ƴɛ̀rʋ?
7Ɛcɛ, a ɩ̃ ziri mɩ́ wa ɩ a Naaŋmɩn yel-mɩŋa ʋ sãá cãàmɩ́, a ʋ yúor-vɩɛlʋ-danʋ ƴãw a, bʋnʋ ƴãw n'a bɛ cãà dɔwrɛ mɛ̃, mɛ̃ yel-bier sob a? 8Alɛ wa ɩ à ŋá a, bʋnʋ ƴãw n'a tɩ kʋ̃ maalɛ a faa k'aa vla wa tʋ̃ɔ́ yi a be, mɛ̃ a lɛ bɛ mɩnɛ kãw na ŋmarɛ ziri ƴãwn tɩ kɛ́ lɛ n'a tɩ yere a? A nɩbɛ bɛ ŋa sɛwnɩ nɩ a dɔwrʋ bɛ na na páw a.
Mɩŋa sob za bɛ ka be ɩ
9Ɛ́ bʋnʋ? A tɩɩm Zifʋ mɩnɛ, tɩ zuo nɩ a nɩbɛ bɩɩ? Lɛ bɛ n'a ɩ! Ɩ̃ dãw na manɩ wul k'aa nɩbɛ za, a Zifʋ mɩnɛ nɩ a bɛl na bɛ ɩ Zifʋ a, k'aa yel-bier dɩ n naalʋ a bɛ za zu, 10mɛ̃ a lɛ tɔr za a Sɛb-sõw na yel a:
«Nɩ-mɩŋa bɛ ka be a ŋan ʋʋ ɩ been ɛ,
11yã-bãwnɛ bɛ ka be ɩ,
nɩr kãw za bɛ su zu bɔbr a Naaŋmɩn ɛ.
12Bɛ za bɛr'ɩ a sɔ́r vla,
bɛ lãw na lɩɛbɩ nɩbɛ na bɛ tɛr bir a.
Kãw za bɛ ɩrɛ vla ɩ,
fʋ kʋ̃ nyɛ̃ ʋ, ʋʋ ɩ been ɛ.
13A bɛ kɔkɔrpʋɔ ɩ na
mɛ̃ yaa bɔw-kpol a,
bɛlʋ nʋɔr'ʋ bɛ ƴãw,
dɔpan lɔw n'a yire a bɛ nʋɔrɩ́,
14a bɛ nʋɔr ƴɛ̀rɛ nɩ ŋmɛ-ƴãw ƴɛ̀rʋ
nɩ nɔ-tuo tɛwr.
15A bɛ gbɛ́ɛ tʋ̃ɔ́ nɩ zɔba a nɩr kʋb ƴãw,
16be n za bɛ na tuur tɔlɛ a,
yel-sãwnɩ nɩ kpɩɛrʋ mɩ́ gã na,
17bɛ bɛ bãw a ƴã-ɓaarʋ sɔ́r ɛ.
18Bɛ bɛ zɔrɛ a Naaŋmɩn towtow ɛ#3:18 A kan-nɛ́ɛ 10 tɩ tɔ a 18 ƴãw a, nyɛ̃ Ssy 5.10, 10.7, 14.1-3, 36.2, 53.2-4, Ɩza 59.7-8..»
19Tɩ bãw na k'aa alɩ bome nɛ za a Naaŋmɩn wulu na yere a, ʋ yere na kʋ̀rɛ a Zifʋ mɩnɛ a Wulu ŋa na fɛrɛ a, kɛ́ nɩr za ta tʋ̃ɔ́ háa nʋɔr manɩ a ʋ yel-mɩŋa ɩ, ɛ́ bɛ nyɛ̃ a tẽ-daa za na tɛr sãwna a Naaŋmɩn niŋé a. 20A lɛ n'a so nɩr za kʋ̃ tʋ̃ɔ́ lɛb ɩ nɩ-mɩŋa a Naaŋmɩn niŋé, a Wulu ʋ na na ƴãw fãw sàwr a ƴãw ɛ, bʋ̃ʋ n'ʋ vɛ̃, a yel-bier tɛwr'ʋ a Naaŋmɩn wulu mɩ́ ɩ bɛ bãw.
A mɩnʋ na yi a sàw-deb pʋɔ a
21Ɛcɛ ƴɛrɛŋa a, a Naaŋmɩn wul tɩ nɩ a lɛ ʋ na mɩ́ ɩ tɩ ɩ nɩ-mɩn a ʋ niŋé, ɛ́ a bɛ yi a Wulu zie a. A Naaŋmɩn wulu nɩ a naaŋmɩn-ƴɛ̀r-manbɛ sɛbr tɩ dãw na dɩ a yel ŋa dãsɩɛ à ŋá: 22Naaŋmɩn mɩ́ ɩ na a nɩsaalbɛ ɩ nɩ-mɩn a ʋ niŋé, a Yeezu Kɩrɩta bɛ na mɩ́ sàw de a zũú. A bɛlɩ dem za na sàw de a Kɩrɩta a ƴãw n'a ʋ mɩ́ ɩ a lɛ, bʋ̃ʋ n'ʋ vɛ̃, ʋ bɛ owre ɩ: 23bɛ za nɛbɛ maalɩ a yel-bier, bɛ za nɛbɛ bɛ páw a Naaŋmɩn yúor-vɩɛlʋ-danʋ ɛ. 24Ɛcɛ, a ʋ nɔ̃wfʋ zũú a, Naaŋmɩn ɩ na bɛ ɩ nɩ-mɩn a ʋ niŋé zawlalɛ, a faafʋ bɛ na páw a Yeezu Kɩrɩta ƴãw a zũú. 25-26A Naaŋmɩn maal'ɩ ʋ nɩ bàwr, k'aa Kɩrɩta zɩ̃ɩ ƴãw, ʋ páw a yel-bebe suur kʋ̀ a bɛlɩ dem na sàw de ʋ a. À ŋá n'a a Naaŋmɩn wul k'ʋʋ ɩ n nɩ-mɩŋa kʋralɛ: ʋ tɩ ɩ ʋ nɩ a koro za, a lɛn daar ʋ na tɩ nyɔw ʋ tʋɔra bɛ dɔwrɩ a nɩsaalbɛ a bɛ yel-bebe ƴãw a. Ʋ ɩ ʋ nɩ a dɩ̃a zie ŋa pʋɔ, ʋ na ɩ nɩ-mɩŋa, ɛ́ mɩ̀ ɩ a bɛlɩ dem za na sàw de a Yeezu a bɛ ɩ nɩ-mɩn a.
27Nyɩn lowr'a tɩ na lɛb cãà ɩrɛ pɔ̀lʋ? A yi na zaa! Bʋnʋ zũú? A Wulu ɩ-ɩrɩ zũú bɩɩ? Towtow! Ɛcɛ a Kɩrɩta sàw-deb zũú n'a. 28Bʋ̃ʋ n'ʋ vɛ̃, tɩ tɩɛrɛ na k'aa Naaŋmɩn mɩ́ ɩ na a nɩsaal ɩ nɩ-mɩŋa a ʋ niŋé ʋ na sàw de a zũú, ɛ́ a bɛ ɩ a Wulu ʋ na sàwr a ƴãw n'a ɩ. 29Bɩɩ a Naaŋmɩn taa ɩrɛ wa ɩ Zifʋ mɩnɛ tɛwr Naaŋmɩn ʋ? A nɩ-bʋʋr-yoru Naaŋmɩn mɩ̀ bɛ tʋ̃ɔ́ n'ʋ ɛ? Bʋnʋ ɩ! A nɩ-bʋʋr-yoru Naaŋmɩn mɩ̀ n'ʋ, 30bʋ̃ʋ n'ʋ vɛ̃, Naaŋmɩn-been yõ n'ʋ be. A sàw-deb'a ʋ na ɩ n a Zifʋ mɩnɛ ɩ nɩ-mɩn a ʋ niŋé, a sàw-deb cãà n'a ʋ na ɩ n a bɛlɩ dem na bɛ ɩ Zifʋ mɩnɛ a, bɛ ɩ nɩ-mɩn a ʋ niŋé. 31A pãa ɩ lɛ, a sàw-deb zũú, tɩ yel k'aa Wulu bɛ cãà tɛr pɛr towtow ʋ? Lɛ bɛ n'a ɩ, tɩ nɩ̃ɛ na ɩ a Wulu pɛr sɩza ʋ sãá.
Đang chọn:
Ʋrɔm 3: DBDC
Tô màu
Sao chép
So sánh
Chia sẻ
Bạn muốn lưu những tô màu trên tất cả các thiết bị của mình? Đăng ký hoặc đăng nhập
La Bible en Dagara © Alliance Biblique du Burkina Faso, 2013.