Ʋrɔm 2
2
A ƴɛ̀rʋ a Naaŋmɩn na maalɩ a
1A na ɩ à ŋá a, fʋ̃ʋ saa ɩ nɩ-ŋmɩŋmɩn a, fʋ kʋ̃ tʋ̃ɔ́ yel kɛ́ fʋ bɛ bãw kɛ́ lɛ ɩ, fʋ̃ʋ na bãwnɛ a fʋ tɔ yele a. Fʋ na bãwnɛ a fʋ tɔ yele a, a fʋ mɩŋa sãwna n'a fʋ wule, fʋ̃ʋ mɩ̀ na mɩ́ ɩrɛ a lɛ tɔr za a. 2Ɛcɛ, tɩ bãwnɩ a na, a bɛlɩ dem na mɩ́ tɛr a ɩ-ɩrɩ á ŋá taabɛ a, Naaŋmɩn mɩ́ maal'ɩ bɛ nɩ a ƴɛ̀rʋ a tu yel-mɩŋa. 3Fʋ̃ʋ na bãwnɛ a fʋ taabɛ yel-faar ɛ́ mɩ̀ tɛr a alɩ yel-faar nɛ a, fʋ tɩɛrɛ kɛ́ fʋ na tʋ̃ɔ́ na nɩɩrɩ a Naaŋmɩn dɔwrʋ bɛr bɩɩ? 4Bɩɩ fʋ bɛ ŋmɛlɛ kaar a Naaŋmɩn ɩ-vɩɛlɩ na bɛ dɩ vuo a, nɩ a ʋ su-bɛ-pawra nɩ a ʋ su-nyɔwra ʋ na tɛr a fʋ zie a ɩ? Fʋ bɛ bãwnɩ a k'aa Naaŋmɩn ɩ-vɩɛlɩ á ŋá fɛrɛ fʋ na kɛ́ fʋ lɩɛbɩ a fʋ ɩb ɛ? 5A fʋ zu-kpɛnʋ ƴãw, nɩ fʋ na yel kɛ́ fʋ kʋ̃ lɩɛbɩ a fʋ ɩb a, fʋ cɔbrɛ nɩ dɔwrʋ na ta dɔwrʋ a a fʋ mɩŋa ƴãw, gùre nɩ a Naaŋmɩn suur bibir nɩ a ʋ ƴɛ̀rʋ maalʋ na tu yel-mɩŋa a bibir nãà wa vɩɛ a, 6a bibir ʋl ʋ na na kʋ̀ ŋa za man nɩ a ʋ ɩb a#2:6 Nyɛ̃ Ssy 62.13, Zʋkp 24.12.. 7A bɛlɩ dem na su zu ɩrɛ vla bɔbr'ɩ a yúor-vɩɛlʋ-danʋ nɩ a ƴãwfʋ, nɩ a nyɔ-vʋʋrʋ na be kʋralɛ a, bɛlɛ so a nyɔ-vʋʋrʋ na be kʋralɛ a. 8Ɛcɛ, a bɛlɩ dem na ɩ a nɩsaal-gaarɩ, bɛ sàwr a yel-mɩŋa ɛ́ tuur a ɩ-faar a, Naaŋmɩn suur, su-tʋlʋ, na ìr'ɩ a bɛ zu. 9Nɩsaal za na maalɛ faa a, ʋlɛ so kpɩɛrʋ nɩ pʋl-vʋ̃ɔ, a Zifʋ n'ɩ a dãw-niwn sob, al pùorí, a sob nɛ na bɛ ɩ Zifʋ a. 10Ɛcɛ, sob nɛ za na ɩrɛ vla a, ʋlɛ so yúor-vɩɛlʋ-danʋ, ƴãwfʋ nɩ ƴã-ɓaarʋ, a dãw-niwn sob n'ɩ a Zifʋ, al pùorí sob nɛ na bɛ ɩ Zifʋ a. 11Naaŋmɩn sɩrɩ bɛ mɩ́ kpɛ ŋa ɛ́ bɛr ŋa ɩ.
12Bɛlɩ dem za na bɛ tɩ bãw a Moyiir wulu ɛ́ maalɩ yel-bier a, bɛ na kpi n a Wulu bɛ-bãwfʋ kũu. Ɛcɛ bɛlɩ dem za na tɩ bãw a Wulu ɛ́ maalɩ yel-bier a, a Wulu ŋa n'ʋ bɛ na maal'ɩ bɛ a ƴɛ̀rʋ. 13Bɛlɩ dem na mɩ́ bɛrɛ wone a Wulu bɛr-wob tɛwr a, bɛlɛ bɛ nɛbɛ mɩ́ páw a mɩnʋ a Naaŋmɩn zie ɩ, bɛlɩ dem na mɩ́ dier a Wulu a, bɛlɛ nɛbɛ na páw a mɩnʋ. 14A lɛn daar nɩ-bʋʋr-yoru na bɛ bãw a Naaŋmɩn wulu a, na mɩ́ wa nyɛ̃ bɛ tʋɔra ɩrɛ mɛ̃ a lɛ a Wulu na ƴãw a nʋɔr a, bɛl mɩŋa mɩ́ bãw nɩ a lɛ a na sɛw kɛ́ bɛ ɩrɛ a, bɛl na saa bɛ bãw a Naaŋmɩn wulu a. 15Bɛ mɩ́ wul'a k'aa lɛ a Wulu na bɔbr kɛ́ nɩr za ɩrɛ a, sɛb'ɩ a bɛ pʋ̃ɔmɩ. A bɛ pʋɔ mɩ̀ mɩ́ dɩ n a yel ŋa dãsɩɛ, lãwnɩ a bɛ tɩɛrʋ na mɩ́ yel a mɩnɛ kãw kɛ́ bɛ sãw na a, ɛ́ a mɩnɛ kãw ʋ yel kɛ́ bɛ bɛ sãw a. 16A yele á ŋá n'a na sãá a bibir ʋl, a Naaŋmɩn na na ƴãw a Yeezu Kɩrɩta maal'ɩ a nɩsaalbɛ ƴɛ̀rʋ a bɛ yel-sɔwlɩ ƴãw a, mɛ̃ a lɛ a Yel-nʋ̃ɔ̀ ɩ̃ na hiere a na yel a.
A Zifʋ mɩnɛ nɩ a Naaŋmɩn wulu yele
17Ɛcɛ fʋ̃ʋ a, fʋ̃ʋ na dɩ kɛ́ Zifʋ a, fʋ ɩrɛ na ƴãwn a Naaŋmɩn wulu ƴãw ɛ́ nyʋʋr a fʋ Naaŋmɩn ƴãw. 18Fʋ bãw nɩ a lɛ ʋ na bɔbr a, ɛ́ a ʋ Wulu wul fʋ fʋ bãw a vla kaa-íru. 19Fʋ̃ʋ zie a, bʋnʋ bɛ ka be ɩ, fʋ ɩ n a zɔn tawrɛ, a bɛlɩ dem na be a lige pʋɔ a cãà, 20a bɛlɩ dem na bɛ bãw bom za a wul-wule, a bɛlɩ dem na bɛ bãw bom sɛr a wul-wule, fʋ na bãw k'aa Naaŋmɩn wulu ɩ n a bãwfʋ nɩ a yel-mɩŋa ŋmɛ̃a tɔr za a ƴãw. 21A na ɩ à ŋá a, fʋ̃ʋ na wule a fʋ tɔ a, bʋ̃ʋ n'ʋ so fʋ bɛ wule fʋ tʋɔra? Fʋ̃ʋ na kanɛ kɛ́ bɛ ta zure a, bʋ̃ʋ n'ʋ so fʋ zure? 22Fʋ̃ʋ na yere kɛ́ bɛ ta maalɛ pɔw-gaa-yel-bier a, bʋ̃ʋ n'ʋ so fʋ maalɛ a pɔw-gaa-yel-bier? Fʋ̃ʋ na hɩ̃ɛn a tɩbɛ a, bʋ̃ʋ n'ʋ so fʋ wobr a tɩbɛ diru pʋɔ bome? 23Fʋ̃ʋ na ɩrɛ pɔ̀lʋ nɩ a Naaŋmɩn wulu a, bʋ̃ʋ n'ʋ so fʋ zawrɛ a Wulu, sãwnɛ nɩ a Naaŋmɩn yúor? 24Bʋ̃ʋ n'ʋ vɛ̃, a Sɛb-sõw yel'a: «Nyɩmɛ nɛbɛ so a nɩ-bʋʋr-yoru ɩrɛ a Naaŋmɩn laar#2:24 Nyɛ̃ Ɩza 52.5..»
25Fʋ̃ʋ wa dier a Naaŋmɩn wulu a, a yʋɔr-ŋmãafʋ tɛr'ɩ yel-ɩra a fʋ zie. Ɛcɛ fʋ̃ʋ wa zawrɛ a Naaŋmɩn wulu a, fʋ̃ʋ nɩ a fʋ yʋɔr-ŋmãafʋ za a, fʋ ɩ na mɛ̃ nɩr na bɛ ŋmãa yʋ̀ɔr a. 26A nɩr na bɛ ŋmãa yʋ̀ɔr a, ʋlɛ wa sàwr a nɛ́ɛ a Naaŋmɩn wulu na ƴãw a, Naaŋmɩn kʋ̃ sàw kʋ̀ ʋ k'aa yʋ̀ɔr-bɛ-ŋmãafʋ ɩ n ŋmãafʋ bɩɩ? 27Ɛ́ a nɩr ʋl na bɛ ŋmãa a ƴã-gan ŋmãafʋ a, ɛ́ mɩ́ tu a Naaŋmɩn wulu tɩ ɓɩɩlɩ a, ʋ na wul'ɩ a fʋ sãwna, fʋ̃ʋ na bãw a Naaŋmɩn wulu na sɛb, ɛ́ ŋmãa a yʋ̀ɔr, ɛ́ zawrɛ a Wulu a. 28Sɩza n'a, a Zifʋ tɔr za bɛ n'ɩ a sob nɛ na sãá Zifʋ a ɩ, ɛ́ bom na sãá a ƴã-ganɩ́ a bɛ n'ɩ a yʋɔr-ŋmãafʋ ɛ. 29Ɛcɛ a Zifʋ tɔr za n'ɩ a sob nɛ na ɩ ʋ nɩ ʋ pʋɔ a, ɛ́ a yʋ̀ɔr ŋmãafʋ ɩ socir pʋɔ ŋmãafʋ a, yʋ̀ɔr ŋmãafʋ na yi Naaŋmɩn Vʋʋrʋ zie ɛ́ bɛ yi Wulu na sɛb a pʋɔ a. A Zifʋ tɔr za ŋa bɛ nyɛrɛ a ʋ danʋ nɩsaalbɛ zie ɩ, Naaŋmɩn zie n'a ʋ nyɛrɛ a ʋ danʋ.
Đang chọn:
Ʋrɔm 2: DBDC
Tô màu
Sao chép
So sánh
Chia sẻ
Bạn muốn lưu những tô màu trên tất cả các thiết bị của mình? Đăng ký hoặc đăng nhập
La Bible en Dagara © Alliance Biblique du Burkina Faso, 2013.