Zã 16
16
1«Ɩ̃ yel'ɩ à á ŋá za kʋ̀ nyɩ kɛ́ nyɩ taa faarɛ lore a nyɩ naaŋmɩn-sàw-deb pʋɔ, a lɛn daar bɛ nãà wa dɔwrɛ nyɩ kɛ́ bɛ ɩ nyɩ kaa a ɩ. 2Bɛ na diw nyɩ na bɛr a Zifʋ mɩnɛ puoru-dirú. Mɔ̃ mɩ̀, bio waar'a na vɩɛ, bɛ na mɩ́ nyɔw nyɩ kʋ ɛ́ tɩɛrɛ kɛ́ bàwr'ʋ bɛ maalɩ kʋ̀ a Naaŋmɩn. 3À ŋá n'a bɛ na ɩrɛ, bɛ na bɛ bãw a ɩ̃ Sãà ɛ́ mɩ̀ bɛ bãw mɛ̃ a ƴãw. 4Ɛcɛ ɩ̃ yel'ɩ à á ŋá kʋ̀ nyɩ, kɛ́ a daar wa ta a, nyɩɩm lɛb tɩɛrɩ bãwnɩ k'ɩ̃ɩ tɩ yel a na kʋ̀ nyɩ.»
A Vʋʋrʋ Sõw tome
«Ɩ̃ bɛ tɩ yel a yel ŋa kʋ̀ nyɩ a pɛr-tib daar ɛ, ɩ̃ na tɩ cãà be a nyɩ zie a ƴãw. 5Ɛcɛ ƴɛrɛŋa a, ɩ̃ cere nɩ a sob nɛ na tõ m a zie, ɛ́ nyɩ kãw za bɛ sowre mɛ̃: “Nyɩnɛ fʋ cere ɩ?” 6Ɛcɛ ɩ̃ na yel à á ŋá kʋ̀ nyɩ a n'a so pʋ-sãwna tɛr nyɩ yaga za. 7Ɛcɛ yel-mɩŋa n'a ɩ̃ yel kʋ̀ nyɩ: a nyɩ vla ƴãw a, a fɛr'a k'ɩ̃ɩ cen. Mãa bɛ wa cen a, a Gùre kʋ̃ wa a nyɩ zie ɩ, ɛcɛ mãa nɩ̃ɛ wa cen a, ɩ̃ na tɩ tõ ʋ na ʋ wa a nyɩ zie. 8Ɛ́ ʋlɛ wa wa a, ʋ na wul'ɩ a tẽ-daa k'ʋʋ tuli nɩ a yel-bier ƴãw, a yel-na-tu-sɔr-a ƴãw, nɩ a ƴɛ̀rʋ-maalʋ ƴãw. 9Ʋ tuli nɩ a yel-bier ƴãw, ʋ na bɛ sàw de m a. 10Ʋ tuli nɩ a yel-na-tu-sɔr-a ƴãw: ɩ̃ cere nɩ a ɩ̃ Sãà zie ɛ́ nyɩ kʋ̃ lɛb nyɛ̃ m ɛ. 11Ʋ tuli nɩ a ƴɛ̀rʋ-maalʋ ƴãw: bɛ maal'ɩ nɩ a tẽ-daa ŋa nãà a ƴɛ̀rʋ baarɩ.»
12«Yel-yaga cãà nɩ be ɩ̃ na yel kʋ̀ nyɩ, ɛcɛ ƴɛrɛŋa a, nyɩ bɛ tɛr fãw a deb ƴãw ɛ. 13A yel-mɩŋa Vʋʋrʋ wa wa a, ʋ na wul nyɩ nɩ a yel-mɩŋa za. Ʋlɛ bɛ n'ʋ na nyɛ̃ ʋ tʋɔra ƴɛ̀rɛ ɩ, alɩ bom nɛ za ʋ na na wõ a, alɛ n'a ʋ na yel, ʋʋ na yel'ɩ nɩdaar yele kʋ̀ nyɩ. 14Ʋ na ɩ na a ɩ̃ yúor yi, mãa bʋ̃-sora na n'a ʋ na de wa yel kʋ̀ nyɩ a ƴãw. 15A ɩ̃ Sãà bʋ̃-sora za ɩ n a ɩ̃ dem, alɛ n'a so ɩ̃ yel: “Mãa zie n'a a Vʋʋrʋ na mɩ́ de a yele wa yel kʋ̀ nyɩ.”»
A nyɩ kpɩɛrʋ na lɩɛb'ɩ nʋ̃ɔ̀
16«Ka nɩ blã nyɩ kʋ̃ lɛb nyɛ̃ m ɛ, ɛ́ a pùorí, a kʋ̃ cɛlɩ ɛ, ɛ́ nyɩ lɛb nyɛ̃ m.» 17A lɛ n'a a ʋ po-tuurbɛ bɛ mɩnɛ tɩ sowre taa: «Bʋ̃ʋ n'ʋ ʋ bɔbr k'ʋʋ yel kʋ̀ tɩ nɩ a ƴɛ̀r-bir ŋa: “Ka nɩ blã nyɩ kʋ̃ lɛb nyɛ̃ m ɛ, ɛ́ a pùorí, a kʋ̃ cɛlɩ ɛ, ɛ́ nyɩ lɛb nyɛ̃ m”? Nɩ kɛ́: “Ɩ̃ cere nɩ a ɩ̃ Sãà zie.”» 18Bɛ tɩ yere na: «“A ka nɩ blã ŋa” pɛr'ɩ bo? Tɩ bɛ bãw ʋlɩ bom nɛ ʋ na bɔbr k'ʋʋ yel a ɩ!» 19A Yeezu na tɩ bãw kɛ́ bɛ bɔbr'a kɛ́ bɛ sowr'ʋ a, ʋ yel bɛ na: «A ɩ̃ ƴɛ̀r-bie á ŋá pɛr'ʋ nyɩ bɔbr ɩ? “Ka nɩ blã nyɩ kʋ̃ lɛb nyɛ̃ m ɛ, ɛ́ a pùorí, a kʋ̃ cɛlɩ ɛ, ɛ́ nyɩ lɛb nyɛ̃ m.” 20Yel-mɩŋa sɩza sɩza n'a ɩ̃ yere kʋ̀rɛ nyɩ, nyɩ na tɛr'ɩ pʋ-sãwna kone ŋmɩɛr'ɩ cɛlsɩ ɛ́ a tẽ-daa cɩlɛ. Nyɩ na tɛr'ɩ pʋ-sãwna, ɛcɛ a nyɩ kpɩɛrʋ na lɩɛb'ɩ nʋ̃ɔ̀. 21A pɔw na mɩ́ dɔwr a, ʋ mɩ́ wone nɩ tuo yaga, a ʋ tɛm na ta a ƴãw, ɛcɛ ʋlɛ wa dɔw baar'a, ʋ mɩ́ yiir'ɩ a ʋ tuo, nʋ̃ɔ̀ mɩ́ paal'ʋ na ʋ na dɔw nɩsaal a ƴãw. 22À ŋá n'a nyɩ mɩ̀ wone tuo a ƴɛrɛŋa, ɛcɛ ɩ̃ na lɛb'a nyɛ̃ nyɩ, ɛ́ a lɛn daar a, nʋ̃ɔ̀ na paalɩ nyɩ na, ɛ́ nɩr za kʋ̃ tʋ̃ɔ́ faa a nʋ̃ɔ̀ ŋa a nyɩ zie ɩ.»
23«A na ɩ à ŋá a, a ʋlɩ bibir nɛ a, nyɩ kʋ̃ lɛb sowre mɛ̃ bom za ɩ. Yel-mɩŋa sɩza sɩza n'a ɩ̃ yere kʋ̀rɛ nyɩ, nyɩmɛ wa zɛlɛ bom a ɩ̃ Sãà zie a ɩ̃ yúor ƴãw a, ʋ na kʋ̀ nyɩ na. 24Wa tɩ tɔ dɩ̃a a, nyɩ bɛ zɛlɩ bom za a ɩ̃ yúor ƴãw ɛ: nyɩ zɛlɩ ɛ́ nyɩ na páw na, lɛ n'a a nʋ̃ɔ̀ na paalɩ nyɩ bɛ cɛ ɩ.»
A Yeezu zɛb'a tʋ̃ɔ́ a tẽ-daa
25«Ɩ̃ lɔb'ɩ zʋkpaɩ yel'ɩ à á ŋá za kʋ̀ nyɩ. Ɛcɛ bio waar'a na vɩɛ, ɩ̃ kʋ̃ cãà ƴɛ̀rɛ à à ŋá a nyɩ zie ɩ, ɩ̃ na manɛ nɩ a ɩ̃ Sãà yele kʋ̀rɛ nyɩ cãàmɩlɛ. 26A ʋlɩ bibir nɛ, nyɩ na zɛlɛ nɩ a ɩ̃ yúor ƴãw. Ɛcɛ ɩ̃ bɛ yere kʋ̀rɛ nyɩ k'ɩ̃ɩ na puor'ɩ a ɩ̃ Sãà kʋ̀ nyɩ ɛ, 27a Sãà tɔr za nɔnɛ nyɩ na, nyɩ na nɔ̃w mɛ̃ ɛ́ sàw de k'ɩ̃ɩ yi n a Naaŋmɩn zie a ƴãw. 28Ɩ̃ yi n a ɩ̃ Sãà zie ɛ́ wa a tẽ-daa zu. Ƴɛrɛŋa a, ɩ̃ bɛrɛ nɩ a tẽ-daa ɛ́ cere a ɩ̃ Sãà zie.» 29A ʋ po-tuurbɛ tɩ yel ʋ na: «Ƴɛrɛŋa a, fʋ bɛr'ɩ a zʋkpaɩ ɛ́ ƴɛ̀rɛ cãàmɩlɛ. 30Ƴɛrɛŋa a, tɩ bãw na kɛ́ fʋ bãw nɩ bom za, ɛ́ a bɛ fɛrɛ kɛ́ bɛ sowri fʋ bom ɛ. Alɛ n'a so tɩ sàw de kɛ́ fʋ yi n a Naaŋmɩn zie wa.» 31A Yeezu tɩ sɔw bɛ na: «Ƴɛrɛŋa n'a nyɩ pãa sàw de e? 32Daar waar'a na ta, ɛ́ ʋlɛ n'ɩ ŋa ta baarɩ, bɛ na diw nyɩ yaarɩ, ŋa za mɩ́ cere a ʋ cenu zie, ɛ́ nyɩ bɛr mɛ̃ ɩ̃ ɩ ɩ̃ yõ. Ɛcɛ ɩ̃ bɛ ɩ ɩ̃ yõ ɩ, mãa nɩ a ɩ̃ Sãà nɛbɛ. 33Ɩ̃ yel'ɩ à á ŋá kʋ̀ nyɩ kɛ́ nyɩ lãw nɩ mɛ̃ tɛr a ƴã-ɓaarʋ. Pʋ-sãwna pʋɔ n'a nyɩ be a tẽ-daa ŋa zu, ɛcɛ nyɩ ƴãw fãw, ɩ̃ zɛb'a tʋ̃ɔ́ a tẽ-daa.»
Đang chọn:
Zã 16: DBDC
Tô màu
Sao chép
So sánh
Chia sẻ
Bạn muốn lưu những tô màu trên tất cả các thiết bị của mình? Đăng ký hoặc đăng nhập
La Bible en Dagara © Alliance Biblique du Burkina Faso, 2013.
