Nɩ-toni 25
25
A Pol bɔbr'a kɛ́ a ƴɛ̀rʋ dɩ a Ʋrɔm tẽw na-kpɛ̃ɛ niŋé
1A Fɛsɩtɩsɩ na wa de a ʋ tome maalɩ bibie ata a, ʋ yi n a Sezaare ɛ́ cen a Zerizalɛm. 2A bàwr-maal-nɩ-bɛrɛ nɩ Zifʋ mɩnɛ nɩ-kore tɩ wa n a ʋ zie kɛ́ bɛ wa manɩ a Pol sãwna. Bɛ tɩ zɛlɛ nɩ maalʋ a Fɛsɩtɩsɩ zie, 3k'ʋʋ sàw lɛb ƴãw bɛ tɛr a Pol wa n a Zerizalɛm. Bɛ tɩ bɔbr kɛ́ bɛ sɔwlɩ gù ʋ, wa kʋ ʋ a sɔ́r zu. 4Ɛcɛ a Fɛsɩtɩsɩ tɩ sɔw na yel bɛ kɛ́ a Pol pàwfʋ zie n'ɩ a Sezaare, ɛ́ lɛb waar, kɛ́ ʋl mɩŋa kʋ̃ yaa kɛ́ lɛb kul ɛ. 5Ʋ tɩ yel bɛ na ƴãw pʋɔ: «Nɩbɛ wa be a nyɩ pʋɔ na na tʋ̃ɔ́ a, bɛ tu m siw a Sezaare bɛlɛ wa tɩ nyɛ̃ a dɔɔ ŋa sãwna a, bɛ̃ɛ yel.» 6A Fɛsɩtɩsɩ tɩ maal'ɩ bibie ani bɩɩ pie tɛwr a bɛ zie. Al pùorí, ʋ tɩ lɛb'a kul a Sezaare. Ʋ na tɩ vɩɛrɛ bio wa báarɛ a, ʋ tɩ kpɛ na tɩ zɩ̃ a ƴɛ̀rʋ-dɩb zie ɛ́ ƴãw bɛ tɛr a Pol wa n. 7Ʋ na wa ta a, a Zifʋ mɩnɛ bɛl na tɩ yi a Zerizalɛm wa a, tɩ ŋmãa na viiri koli ʋ ɛ́ manɛ a ʋ sãwna a bɛ tɩ dɩ vuo ɩ, ɛ́ kpɛ faa yaga. Ɛcɛ bɛ bɛ mɩ́ tɩ tʋ̃ɔ́ manɩ wul k'aa ɩ n sɩza ɩ. 8A Pol ʋl tɩ cãà na tɛr kpɛ̃w za k'ʋʋ bɛ sãw ɛ. Ʋ tɩ yere na: «Ɩ̃ bɛ sãw yel na càarɩ a Zifʋ mɩnɛ Naaŋmɩn wulu a ɩ, mɩ̀ bɛ lɛb sãw a Ŋmɩn-yir-kpɛ̃ɛ ƴãw ɛ, cãà bɛ lɛb tɛr sãwna a na-kpɛ̃ɛ zie ɩ.»
9A Fɛsɩtɩsɩ na tɩ bɔbr k'ʋʋ ɩ a pɛlɩ a Zifʋ mɩnɛ pʋɔ a, ʋ yel'ɩ a Pol: «Fʋ na sàw na do a Zerizalɛm bɛ tɩ maal'ɩ fʋ a ƴɛ̀rʋ a ɩ̃ niŋé e?» 10A Pol tɩ sɔw na yel ʋ: «A Ʋrɔm tẽw na-kpɛ̃ɛ ƴɛ̀rʋ-maalʋ zie n'ɩ a ka ɩ̃ na be a, a ka n'a a sɛw kɛ́ bɛ maal'ɩ mɛ̃ a ƴɛ̀rʋ. Fʋ̃ʋ mɩŋa za nyɛ̃ a na, ɩ̃ bɛ sãw a Zifʋ mɩnɛ yel kãw za ƴãw ɛ. 11Mãa wa sɩrɩ ɩ sãwna sob a, mãa wa ɩ bom kãw sãw sɛwnɩ kũu a, ɩ̃ bɛ nɩɩrɛ a kũu bɛrɛ ɩ. Ɛcɛ, a sãwna á ŋá a nɩbɛ bɛ ŋa na dier dɔwlɛ a ɩ̃ zu a, alɛ bɛ wa tɛr niwn a, nɩr bɛ tɛr sɔ́r na de m ƴãw a bɛ nuru pʋɔ ɩ. A Ʋrɔm tẽw na-kpɛ̃ɛ zie n'a ɩ̃ bɔbr k'ɩ̃ɩ ta.» 12Lɛ n'a a Fɛsɩtɩsɩ tɩ sowri a ʋ yã-wulbɛ lɛ a na sɛw a. Al pùorí ʋ tɩ yel'a: «Fʋ na bɔbr kɛ́ fʋ ta a Ʋrɔm tẽw na-kpɛ̃ɛ zie a, fʋ na ta na.»
A Pol bɛ na tɛr wa n Agɩrɩpa nɩ Berenisɩ niŋé a
13Bibie à ŋá lɛ pùorí, a nãà Agɩrɩpa nɩ a ʋ yeepuule Berenisɩ tɩ wa n a Sezaare kɛ́ bɛ wa puori a Fɛsɩtɩsɩ. 14Bɛ na tɩ be a be na ta bibie à ŋá lɛ a, a Fɛsɩtɩsɩ tɩ manɩ nɩ a Pol yele kʋ̀ a nãà. Ʋ tɩ yel'a: «Nɩr kãw, Felisɩ na bɛr a gaso pʋɔ a, be n a ka. 15Ɩ̃ na tɩ do a Zerizalɛm a, a bàwr-maal-nɩ-bɛrɛ nɩ a Zifʋ mɩnɛ nɩ-kore tɩ wa na wa yere k'ʋʋ sãw na, ɛ́ bɔbr k'ɩ̃ɩ ƴãw bɛ kʋ ʋ. 16A lɛ n'a ɩ̃ tɩ sɔw kʋ̀ bɛ kɛ́ tɩɩm Ʋrɔm tẽ-biir zie a, a bɛ tɛr sɔ́r kɛ́ fʋ kʋ nɩr, ɛ́ a ʋ sob bɛ de niwn nyɛ̃ vuo manɩ a ʋ yel-mɩŋa a sãwna al bɛ na yel k'ʋʋ sãw na a ƴãw, a ʋ dɔ̃ dem niŋé ɩ. 17Lɛ n'a bɛ tɩ páw mɛ̃ wa a ka, ɩ̃ bɛ wa vɛ̃ ɩ, ɛ́ a bio daarɩ́ tɔr za, ɩ̃ zɩ̃ a ƴɛ̀rʋ-maalʋ zie ɛ́ ƴãw bɛ tɛr a nɩr nɛ wa n. 18A ʋ dɔ̃ dem na wa viiri koli ʋ a, bɛ bɛ manɩ yel-faa kãw za mãa na nɩ̃ɛ tɩ tɩɛrɛ a ɩ. 19A bɛ taw-taa tɩ càar'ɩ a bɛ puoru sɔ́r, nɩ Yeezu kãw nɛ na kpi ɛ́ a Pol yel k'ʋʋ vʋʋrɛ na a. 20Ɩ̃ bɛ tɩ bãw ŋmɩŋmɩn za n'a ɩ̃ na ɩ a yel ŋa ƴãw ɛ. Lɛ so ɩ̃ tɩ sowr'ʋ k'ʋʋ taa ɩrɛ wa bɔbr k'ʋʋ do a Zerizalɛm bɛ tɩ dɩ a yel ŋa ƴɛ̀rʋ a be. 21Ɛcɛ a Pol tɩ yel'a k'ʋʋ bɔbr'a kɛ́ a ʋ yele tɔl nidaa. Ʋ bɔbr'a kɛ́ a na-kpɛ̃ɛ tɔr za maal'ɩ ʋ a ƴɛ̀rʋ. Lɛ so ɩ̃ cãà bɛr ʋ a gaso pʋɔ gùre nɩ k'ɩ̃ɩ wa tɩr ʋ kʋ̀ a na-kpɛ̃ɛ.» 22Lɛ n'a a Agɩrɩpa tɩ yel a Fɛsɩtɩsɩ: «Ɩ̃ mɩ̀ bɔbr'a k'ɩ̃ɩ nãà wõ a nɩr ŋa ƴɛ̀rʋ.» A Fɛsɩtɩsɩ tɩ sɔw ʋ na yel: «Bio tɛwr fʋ na wõ n a ʋ ƴɛ̀rʋ.»
23A bio daarɩ́, a Agɩrɩpa nɩ a Berenisɩ tɩ wa na wa kpɛ a ƴɛ̀rʋ dĩó nɩ dɛpaalʋ. Sojarɩ nɩ-bɛrɛ nɩ a tẽw nɩ-bɛrɛ tɩ bɩɛlɛ bɛ na. A Fɛsɩtɩsɩ tɩ ƴãw na bɛ tɛr a Pol wa n. 24Lɛ n'a a Fɛsɩtɩsɩ tɩ de a ƴɛ̀rʋ yel: «Nãà Agɩrɩpa a, nɩ nyɩɩm za mɩ̀ na lãwnɩ tɩ a ka a, nyɩ jɩ́r a nɩr ŋa vla. A Zifʋ mɩnɛ tẽw nɩbɛ za wa na wa páw mɛ̃ a ʋ ƴãw a Zerizalɛm, ɛ́ cãà tu m do wa a ka wa cɩɩrɛ k'ɩ̃ɩ ta bɛr ʋ ʋ cãà vʋʋrɛ ɩ. 25Mãa bɛ nyɛ̃ bom a ʋ ɩ-ɩrɩ pʋɔ na sɛw k'ʋʋ kpi a ɩ. Ɛcɛ ʋ na bɔbr kɛ́ a na-kpɛ̃ɛ tɔr za dɩ a ʋ ƴɛ̀rʋ a, ɩ̃ na tɩr ʋ na kʋ̀ ʋ. 26Ɛcɛ yel kãw za na bɛ nyɛrɛ ɩ̃ na sɛb manɩ kʋ̀ a na-kpɛ̃ɛ a, alɛ so ɩ̃ yel k'ʋʋ wa ƴɛ̀r a nyɩ za niŋé, baa zuo a za, a fʋ̃ʋ nãà Agɩrɩpa niŋé, kɛ́ a ƴɛ̀rʋ pùorí a, ɩ̃ tʋ̃ɔ́ tɛr bom sɛb kʋ̀ a tɩ na-kpɛ̃ɛ. 27Mãa zie a, fʋ na na bɛr nɩ-pàwra ʋ cen a Ʋrɔm, ɛ́ fʋ bɛ manɩ a sãwna na be a ʋ zu a, a ɩ na mɛ̃ dãbolu n'a a.»
Đang chọn:
Nɩ-toni 25: DBDC
Tô màu
Sao chép
So sánh
Chia sẻ
Bạn muốn lưu những tô màu trên tất cả các thiết bị của mình? Đăng ký hoặc đăng nhập
La Bible en Dagara © Alliance Biblique du Burkina Faso, 2013.
Nɩ-toni 25
25
A Pol bɔbr'a kɛ́ a ƴɛ̀rʋ dɩ a Ʋrɔm tẽw na-kpɛ̃ɛ niŋé
1A Fɛsɩtɩsɩ na wa de a ʋ tome maalɩ bibie ata a, ʋ yi n a Sezaare ɛ́ cen a Zerizalɛm. 2A bàwr-maal-nɩ-bɛrɛ nɩ Zifʋ mɩnɛ nɩ-kore tɩ wa n a ʋ zie kɛ́ bɛ wa manɩ a Pol sãwna. Bɛ tɩ zɛlɛ nɩ maalʋ a Fɛsɩtɩsɩ zie, 3k'ʋʋ sàw lɛb ƴãw bɛ tɛr a Pol wa n a Zerizalɛm. Bɛ tɩ bɔbr kɛ́ bɛ sɔwlɩ gù ʋ, wa kʋ ʋ a sɔ́r zu. 4Ɛcɛ a Fɛsɩtɩsɩ tɩ sɔw na yel bɛ kɛ́ a Pol pàwfʋ zie n'ɩ a Sezaare, ɛ́ lɛb waar, kɛ́ ʋl mɩŋa kʋ̃ yaa kɛ́ lɛb kul ɛ. 5Ʋ tɩ yel bɛ na ƴãw pʋɔ: «Nɩbɛ wa be a nyɩ pʋɔ na na tʋ̃ɔ́ a, bɛ tu m siw a Sezaare bɛlɛ wa tɩ nyɛ̃ a dɔɔ ŋa sãwna a, bɛ̃ɛ yel.» 6A Fɛsɩtɩsɩ tɩ maal'ɩ bibie ani bɩɩ pie tɛwr a bɛ zie. Al pùorí, ʋ tɩ lɛb'a kul a Sezaare. Ʋ na tɩ vɩɛrɛ bio wa báarɛ a, ʋ tɩ kpɛ na tɩ zɩ̃ a ƴɛ̀rʋ-dɩb zie ɛ́ ƴãw bɛ tɛr a Pol wa n. 7Ʋ na wa ta a, a Zifʋ mɩnɛ bɛl na tɩ yi a Zerizalɛm wa a, tɩ ŋmãa na viiri koli ʋ ɛ́ manɛ a ʋ sãwna a bɛ tɩ dɩ vuo ɩ, ɛ́ kpɛ faa yaga. Ɛcɛ bɛ bɛ mɩ́ tɩ tʋ̃ɔ́ manɩ wul k'aa ɩ n sɩza ɩ. 8A Pol ʋl tɩ cãà na tɛr kpɛ̃w za k'ʋʋ bɛ sãw ɛ. Ʋ tɩ yere na: «Ɩ̃ bɛ sãw yel na càarɩ a Zifʋ mɩnɛ Naaŋmɩn wulu a ɩ, mɩ̀ bɛ lɛb sãw a Ŋmɩn-yir-kpɛ̃ɛ ƴãw ɛ, cãà bɛ lɛb tɛr sãwna a na-kpɛ̃ɛ zie ɩ.»
9A Fɛsɩtɩsɩ na tɩ bɔbr k'ʋʋ ɩ a pɛlɩ a Zifʋ mɩnɛ pʋɔ a, ʋ yel'ɩ a Pol: «Fʋ na sàw na do a Zerizalɛm bɛ tɩ maal'ɩ fʋ a ƴɛ̀rʋ a ɩ̃ niŋé e?» 10A Pol tɩ sɔw na yel ʋ: «A Ʋrɔm tẽw na-kpɛ̃ɛ ƴɛ̀rʋ-maalʋ zie n'ɩ a ka ɩ̃ na be a, a ka n'a a sɛw kɛ́ bɛ maal'ɩ mɛ̃ a ƴɛ̀rʋ. Fʋ̃ʋ mɩŋa za nyɛ̃ a na, ɩ̃ bɛ sãw a Zifʋ mɩnɛ yel kãw za ƴãw ɛ. 11Mãa wa sɩrɩ ɩ sãwna sob a, mãa wa ɩ bom kãw sãw sɛwnɩ kũu a, ɩ̃ bɛ nɩɩrɛ a kũu bɛrɛ ɩ. Ɛcɛ, a sãwna á ŋá a nɩbɛ bɛ ŋa na dier dɔwlɛ a ɩ̃ zu a, alɛ bɛ wa tɛr niwn a, nɩr bɛ tɛr sɔ́r na de m ƴãw a bɛ nuru pʋɔ ɩ. A Ʋrɔm tẽw na-kpɛ̃ɛ zie n'a ɩ̃ bɔbr k'ɩ̃ɩ ta.» 12Lɛ n'a a Fɛsɩtɩsɩ tɩ sowri a ʋ yã-wulbɛ lɛ a na sɛw a. Al pùorí ʋ tɩ yel'a: «Fʋ na bɔbr kɛ́ fʋ ta a Ʋrɔm tẽw na-kpɛ̃ɛ zie a, fʋ na ta na.»
A Pol bɛ na tɛr wa n Agɩrɩpa nɩ Berenisɩ niŋé a
13Bibie à ŋá lɛ pùorí, a nãà Agɩrɩpa nɩ a ʋ yeepuule Berenisɩ tɩ wa n a Sezaare kɛ́ bɛ wa puori a Fɛsɩtɩsɩ. 14Bɛ na tɩ be a be na ta bibie à ŋá lɛ a, a Fɛsɩtɩsɩ tɩ manɩ nɩ a Pol yele kʋ̀ a nãà. Ʋ tɩ yel'a: «Nɩr kãw, Felisɩ na bɛr a gaso pʋɔ a, be n a ka. 15Ɩ̃ na tɩ do a Zerizalɛm a, a bàwr-maal-nɩ-bɛrɛ nɩ a Zifʋ mɩnɛ nɩ-kore tɩ wa na wa yere k'ʋʋ sãw na, ɛ́ bɔbr k'ɩ̃ɩ ƴãw bɛ kʋ ʋ. 16A lɛ n'a ɩ̃ tɩ sɔw kʋ̀ bɛ kɛ́ tɩɩm Ʋrɔm tẽ-biir zie a, a bɛ tɛr sɔ́r kɛ́ fʋ kʋ nɩr, ɛ́ a ʋ sob bɛ de niwn nyɛ̃ vuo manɩ a ʋ yel-mɩŋa a sãwna al bɛ na yel k'ʋʋ sãw na a ƴãw, a ʋ dɔ̃ dem niŋé ɩ. 17Lɛ n'a bɛ tɩ páw mɛ̃ wa a ka, ɩ̃ bɛ wa vɛ̃ ɩ, ɛ́ a bio daarɩ́ tɔr za, ɩ̃ zɩ̃ a ƴɛ̀rʋ-maalʋ zie ɛ́ ƴãw bɛ tɛr a nɩr nɛ wa n. 18A ʋ dɔ̃ dem na wa viiri koli ʋ a, bɛ bɛ manɩ yel-faa kãw za mãa na nɩ̃ɛ tɩ tɩɛrɛ a ɩ. 19A bɛ taw-taa tɩ càar'ɩ a bɛ puoru sɔ́r, nɩ Yeezu kãw nɛ na kpi ɛ́ a Pol yel k'ʋʋ vʋʋrɛ na a. 20Ɩ̃ bɛ tɩ bãw ŋmɩŋmɩn za n'a ɩ̃ na ɩ a yel ŋa ƴãw ɛ. Lɛ so ɩ̃ tɩ sowr'ʋ k'ʋʋ taa ɩrɛ wa bɔbr k'ʋʋ do a Zerizalɛm bɛ tɩ dɩ a yel ŋa ƴɛ̀rʋ a be. 21Ɛcɛ a Pol tɩ yel'a k'ʋʋ bɔbr'a kɛ́ a ʋ yele tɔl nidaa. Ʋ bɔbr'a kɛ́ a na-kpɛ̃ɛ tɔr za maal'ɩ ʋ a ƴɛ̀rʋ. Lɛ so ɩ̃ cãà bɛr ʋ a gaso pʋɔ gùre nɩ k'ɩ̃ɩ wa tɩr ʋ kʋ̀ a na-kpɛ̃ɛ.» 22Lɛ n'a a Agɩrɩpa tɩ yel a Fɛsɩtɩsɩ: «Ɩ̃ mɩ̀ bɔbr'a k'ɩ̃ɩ nãà wõ a nɩr ŋa ƴɛ̀rʋ.» A Fɛsɩtɩsɩ tɩ sɔw ʋ na yel: «Bio tɛwr fʋ na wõ n a ʋ ƴɛ̀rʋ.»
23A bio daarɩ́, a Agɩrɩpa nɩ a Berenisɩ tɩ wa na wa kpɛ a ƴɛ̀rʋ dĩó nɩ dɛpaalʋ. Sojarɩ nɩ-bɛrɛ nɩ a tẽw nɩ-bɛrɛ tɩ bɩɛlɛ bɛ na. A Fɛsɩtɩsɩ tɩ ƴãw na bɛ tɛr a Pol wa n. 24Lɛ n'a a Fɛsɩtɩsɩ tɩ de a ƴɛ̀rʋ yel: «Nãà Agɩrɩpa a, nɩ nyɩɩm za mɩ̀ na lãwnɩ tɩ a ka a, nyɩ jɩ́r a nɩr ŋa vla. A Zifʋ mɩnɛ tẽw nɩbɛ za wa na wa páw mɛ̃ a ʋ ƴãw a Zerizalɛm, ɛ́ cãà tu m do wa a ka wa cɩɩrɛ k'ɩ̃ɩ ta bɛr ʋ ʋ cãà vʋʋrɛ ɩ. 25Mãa bɛ nyɛ̃ bom a ʋ ɩ-ɩrɩ pʋɔ na sɛw k'ʋʋ kpi a ɩ. Ɛcɛ ʋ na bɔbr kɛ́ a na-kpɛ̃ɛ tɔr za dɩ a ʋ ƴɛ̀rʋ a, ɩ̃ na tɩr ʋ na kʋ̀ ʋ. 26Ɛcɛ yel kãw za na bɛ nyɛrɛ ɩ̃ na sɛb manɩ kʋ̀ a na-kpɛ̃ɛ a, alɛ so ɩ̃ yel k'ʋʋ wa ƴɛ̀r a nyɩ za niŋé, baa zuo a za, a fʋ̃ʋ nãà Agɩrɩpa niŋé, kɛ́ a ƴɛ̀rʋ pùorí a, ɩ̃ tʋ̃ɔ́ tɛr bom sɛb kʋ̀ a tɩ na-kpɛ̃ɛ. 27Mãa zie a, fʋ na na bɛr nɩ-pàwra ʋ cen a Ʋrɔm, ɛ́ fʋ bɛ manɩ a sãwna na be a ʋ zu a, a ɩ na mɛ̃ dãbolu n'a a.»
Đang chọn:
:
Tô màu
Sao chép
So sánh
Chia sẻ
Bạn muốn lưu những tô màu trên tất cả các thiết bị của mình? Đăng ký hoặc đăng nhập
La Bible en Dagara © Alliance Biblique du Burkina Faso, 2013.