Nɩ-toni 26
26
A Pol manɛ nɩ a ʋ yel-mɩŋa a Agɩrɩpa niŋé
1A Agɩrɩpa tɩ yel'ɩ a Pol: «Fʋ tɛr'ɩ sɔ́r na ƴɛ̀r faa fʋ tʋɔra.» Lɛ n'a a Pol tɩ dɔl nũu ɛ́ de a ƴɛ̀rʋ yel: 2«Nãà Agɩrɩpa a, a dɩ̃a ɩ̃ na na ƴɛ̀r faa ɩ̃ tʋɔra a fʋ niŋé, a ziri al za ƴãw a Zifʋ mɩnɛ na ŋmarɛ dɔwlɛ a ɩ̃ zu a, nʋ̃ɔ̀ kpɩɛr mɛ̃ na bɛ tɛr vuo ɩ. 3Bʋ̃ʋ n'ʋ vɛ̃, fʋ bãw nɩ a Zifʋ mɩnɛ ɩ-ɩrɩ za, nɩ a yele al za ƴãw bɛ na tɛr a taw-taa a. Lɛ so, ɩ̃ zɛlɛ fʋ, sàw bɛr wõ m nɩ su-nʋ̃ɔ̀.»
4«A Zifʋ mɩnɛ za bãw nɩ a ɩ̃ pɔ̀lʋ daar nyɔ-vʋʋrʋ a ɩ̃ nɩ-bʋʋrɛ sɔgɔ, a Zerizalɛm. 5Bɛ bãw mɛ̃ nɩ koro za, bɛlɛ wa bɔbr a, bɛ na tʋ̃ɔ́ na dɩ a dãsɩɛ, a Faarizɩ̃ɛ mɩnɛ lãw na tuur a tɩ puoru yele ceretete a, ʋl pʋɔ n'a ɩ̃ tɩ pʋɔ. 6Ɛ́ mãa wa àr a ka bɛ maalɛ nɩ mɛ̃ ƴɛ̀rʋ a dɩ̃a a, ɩ̃ na tɩɛrɛ kɛ́ a nʋɔr a Naaŋmɩn na ƴãw kʋ̀ a tɩ sãàkʋm-kore a, k'ʋʋ na tu na a, al zũú n'a. 7A Ɩsɩrayɛl yie dɔwlʋ pie nɩ ayi, na tu a Naaŋmɩn puoru yele mʋ̃tɔ̃w nɩ tɩ̃ɩsɔw za bɛ tɛr bɛ́rʋ daar a, mɩ̀ tɩɛrɛ na kɛ́ a nʋɔr ŋa na tu na. Nãà Agɩrɩpa a, a tɩɛrʋ ŋa ƴãw n'a a Zifʋ mɩnɛ tɛr'ɩ mɛ̃ a ƴɛ̀rʋ. 8Bʋ̃ʋ ƴãw n'a a nyɩɩm Zifʋ mɩnɛ, nyɩ tɩɛrɛ kɛ́ a bɛ tɛr sɔ́r kɛ́ nɩr sàw de kɛ́ Naaŋmɩn mɩ́ ɩ na a kũuni bɛ lɛb ìr? 9Mãa a, ɩ̃ tɩ tɩɛrɛ na k'aa ɩ n fɛrʋ k'ɩ̃ɩ ɩ lɛ za ɩ̃ na na tʋ̃ɔ́ a, a Nazarɛtɩ Yeezu yúor ta yi ɛ. 10Lɛ tɔr za n'a ɩ̃ ɩ a Zerizalɛm. Ɩ̃ nyɔw nɩ nɩ-son yaga yaga lɔb ƴãw gaso pʋɔ. A bàwr-maal-nɩ-bɛrɛ tɩ kʋ̀ m'ɩ fãw a al ƴãw. Mɔ̃ mɩ̀, bɛ na mɩ́ tɩ kʋrɛ bɛ a, ɩ̃ mɩ́ tɩ sàw na. 11Kʋralɛ, ɩ̃ mɩ́ tɩ cɔlɛ nɩ a puoru-diru za pʋɔ dɔwrɛ bɛ viire nɩ, ɛ́ fɛrɛ bɛ kɛ́ bɛ zawrɩ a Yeezu sàw-deb. A ɩ̃ su-yãyaar a bɛ ƴãw tɩ ɩ na ɩ̃ mɩ́ diw bɩɛrɩ bɛ tɩ sãá nɩ tẽ-yoru pʋɔ.»
A Pol manɛ nɩ a ʋ kɩrɩta-nɩr lɩɛbʋ yele
(Nɩ-t 9:1-19, 22:6-16)
12«À ŋá n'a bibir kãw, a bàwr-maal-nɩ-bɛrɛ tɩ sàw bɛr mɛ̃ sɔ́r bom za ƴãw, ɛ́ tõ m ɩ̃ cere Damasɩ. 13Nãà a, ɩ̃ tɩ lo n a sɔ́r cere, gbãgbãw tɩ pɩɛlɛ na, wa bere ɩ̃ nyɛ̃ cãà na caalɛ zuo a mʋ̃tɔ̃w a, ʋ yi a salom zu wa caalɩ pili pàw mɛ̃, mãa nɩ a ɩ̃ sɔr-lãw-cen-taabɛ. 14Tɩ za tɩ lo na gã tẽw, ɩ̃ɩ wõ kɔkɔr ʋ ƴɛ̀rɛ nɩ mɛ̃ arameyɛ̃ yere: “Sol i, Sol i, bʋ̃ʋ n'ʋ so fʋ dɔwrɛ mɛ̃? Fʋ̃ʋ n'ʋ lɛb ŋmɛlɩ ɩrɛ a kpɩɛr fʋ tʋɔra, mɛ̃ dʋ̃w na lɩɛb bà gbɛ́r a dabɔl bɛ na kparɛ nɩ ʋ a ƴãw a.” 15Ɩ̃ tɩ sowr'ʋ na: “Ãa nɛ b Sore e?” A Sore tɩ lɛb'a yel: “Mãa n'ɩ a Yeezu, mãa n'ʋ fʋ dɔwrɛ. 16Ɛcɛ ìr àr. Ɩ̃ wul'ɩ ɩ̃ tʋɔra a fʋ zie k'ɩ̃ɩ ɩ fʋ lɩɛbɩ a ɩ̃ tõ-tõ-bie. Fʋ na dɩ n a ɩ̃ dãsɩɛ manɩ a lɛ fʋ na nyɛ̃ m a dɩ̃a a, ɛ́ hiere a yele al ɩ̃ na na wul fʋ nyɛ̃ a pùorí a. 17Ɩ̃ na piw fʋ na tɛr a Zifʋ bʋʋrɛ ƴãw nɩ a nɩ-bʋʋr-yoru bɛl zie ɩ̃ na tone fʋ a ƴãw. 18Ɩ̃ tone fʋ na kɛ́ fʋ tɩ yuo bɛ a mimie, kɛ́ fʋ tɩ tɛr bɛ a lige pʋɔ yi wa n a cãà pʋɔ, kɛ́ fʋ tɩ taw bɛ a Sɩtaana naalʋ pʋɔ yi wa n a Naaŋmɩn zie, bɛ wa tʋ̃ɔ́ páw a bɛ yel-bebe suur, ɛ́ lãwnɩ a nɩ-son páw gbã-dɩ-bom, bɛlɛ wa sàw de a ɩ̃ yele a.”»
A Pol manɛ nɩ a ʋ tõ-nʋɔr kʋ̀rɛ a Agɩrɩpa
19«A na tɩ ɩ à á ŋa a, nãà Agɩrɩpa a, ɩ̃ bɛ zawrɩ na tu a nyɛ́b ŋa na yi a saa-zu wa ɩ̃ nyɛ̃ a ɩ. 20Ɩ̃ nɩ̃ɛ na tɩ ìr tĩ a Damasɩ tẽw be, nɩ a Zerizalɛm nɩ a Zude tẽw za pʋɔ, tɩ lʋ̃ɔ nɩ a nɩ-bʋʋr-yoru ten pʋɔ, hiere kɛ́ a fɛr'a kɛ́ bɛ lɩɛbɩ a bɛ ɩb ɛ́ lɛb wa a Naaŋmɩn zie, wa vʋʋrɛ nyɔ-vʋʋrʋ na wul kɛ́ bɛ lɩɛbɩ a bɛ ɩb a. 21À á ŋá ƴãw n'a Zifʋ mɩnɛ tɩ wa nyɔw mɛ̃ a Ŋmɩn-yir-kpɛ̃ɛ pʋɔ bɔbr a ɩ̃ kʋb. 22Ɩ̃ bãwnɩ a na, Naaŋmɩn gù mɛ̃ nɩ a lɛn daar za wa tɩ tɔ a dɩ̃a, alɛ so ɩ̃ cãà dɩrɛ a dãsɩɛ a bibiir nɩ a nɩ-bɛrɛ zie. A naaŋmɩn-ƴɛ̀r-manbɛ nɩ a Moyiir tɩ dãw na hieri yel a yele na waar na ta a, ɩ̃ bɛ yere bom za dɔwlɛ a bɛ ƴɛ̀rʋ zu ɛ. 23Bɛ tɩ dãw na yel kɛ́ a Kɩrɩta na wõ n tuo ɛ́ lɛb de niwn yi a kũuni pʋɔ, k'ʋʋ na hier'ɩ a faafʋ cãà kʋ̀ a tɩ bʋʋrɛ nɩ a nɩ-bʋʋr-yoru.»
A Pol bɔbr'a kɛ́ a Agɩrɩpa sàw de a Yeezu yele
24A ka n'a a Pol tɩ manɩ a ʋ yele wa ta, ɛ́ a Fɛsɩtɩsɩ ŋmãa de tanɩ yel: «Pol i, fʋ yarɛ na! Fʋ zànɩ nɩ a yele a tɩ ƴãw fʋ yãyaar!» 25Ɛcɛ a Pol tɩ sɔw na: «Ɩ̃ bɛ yarɛ ɩ, Fɛsɩtɩsɩ i! Ɩ̃ bãw nɩ yã ɛ́ ƴɛ̀rɛ yel-mɩŋa ƴɛ̀rʋ. 26A nãà ŋa zie ɩ̃ na ɓãá ƴãw ƴɛ̀rɛ a, ʋ wõ n a yele á ŋá, ɩ̃ɩ bãwnɩ a na been kãw za na bɛ sɔwlɩ a ʋ zie a, bʋ̃ʋ n'ʋ vɛ̃, gõgon kãw pʋɔ bɛ n'a a yele á ŋá ɩ ɛ. 27Nãà Agɩrɩpa a, mɛ̃ fʋ taa sàw de a naaŋmɩn-ƴɛ̀r-manbɛ ƴɛ̀rʋ? Bʋnʋ bɛ ka be ɩ, ɩ̃ bãwnɩ a na kɛ́ fʋ sàw na de.» 28Lɛ n'a a Agɩrɩpa lɩɛb yel a Pol: «Fʋ tɩɛr kɛ́ fʋ ɩ ɩ̃ lɩɛbɩ kɩrɩta-nɩr fɔ̃wlɛ à ŋá ʋ?» 29A Pol tɩ sɔw na: «Fɔ̃wlɛ n'a bɩɩ a cɛlɩ n'a a, a Naaŋmɩn, ʋ sàw fʋ̃ʋ nɩ a bɛlɩ dem za na bɛrɛ wone a ɩ̃ ƴɛ̀rʋ a dɩ̃a a, nyɩ wa ŋmɛ̃ taa nɩ mɛ̃, ɛ́ tɩ cɛ a bamɛ á ŋá!»
30A nãà tɩ ìr'a, ʋlɛ nɩ a Ʋrɔm tẽw na-kpɛ̃ɛ-lɩɛrɛ lãwnɩ a Berenisɩ nɩ a bɛ lãw-zɩnbɛ. 31Bɛ tɩ ƴɛ̀rɛ na yire nɩ yere: «A nɩr ŋa bɛ ɩ bom za na sɛwnɩ a kũu bɩɩ a bamɛ ɩ.» 32A Agɩrɩpa tɩ yel'ɩ a Fɛsɩtɩsɩ zie: «A nɩr ŋa bɛ tɩ yel k'aa ʋ yele ta a na-kpɛ̃ɛ a, bɛ nãá tʋ̃ɔ́ na lɛb bɛr ʋ.»
Đang chọn:
Nɩ-toni 26: DBDC
Tô màu
Sao chép
So sánh
Chia sẻ
Bạn muốn lưu những tô màu trên tất cả các thiết bị của mình? Đăng ký hoặc đăng nhập
La Bible en Dagara © Alliance Biblique du Burkina Faso, 2013.
Nɩ-toni 26
26
A Pol manɛ nɩ a ʋ yel-mɩŋa a Agɩrɩpa niŋé
1A Agɩrɩpa tɩ yel'ɩ a Pol: «Fʋ tɛr'ɩ sɔ́r na ƴɛ̀r faa fʋ tʋɔra.» Lɛ n'a a Pol tɩ dɔl nũu ɛ́ de a ƴɛ̀rʋ yel: 2«Nãà Agɩrɩpa a, a dɩ̃a ɩ̃ na na ƴɛ̀r faa ɩ̃ tʋɔra a fʋ niŋé, a ziri al za ƴãw a Zifʋ mɩnɛ na ŋmarɛ dɔwlɛ a ɩ̃ zu a, nʋ̃ɔ̀ kpɩɛr mɛ̃ na bɛ tɛr vuo ɩ. 3Bʋ̃ʋ n'ʋ vɛ̃, fʋ bãw nɩ a Zifʋ mɩnɛ ɩ-ɩrɩ za, nɩ a yele al za ƴãw bɛ na tɛr a taw-taa a. Lɛ so, ɩ̃ zɛlɛ fʋ, sàw bɛr wõ m nɩ su-nʋ̃ɔ̀.»
4«A Zifʋ mɩnɛ za bãw nɩ a ɩ̃ pɔ̀lʋ daar nyɔ-vʋʋrʋ a ɩ̃ nɩ-bʋʋrɛ sɔgɔ, a Zerizalɛm. 5Bɛ bãw mɛ̃ nɩ koro za, bɛlɛ wa bɔbr a, bɛ na tʋ̃ɔ́ na dɩ a dãsɩɛ, a Faarizɩ̃ɛ mɩnɛ lãw na tuur a tɩ puoru yele ceretete a, ʋl pʋɔ n'a ɩ̃ tɩ pʋɔ. 6Ɛ́ mãa wa àr a ka bɛ maalɛ nɩ mɛ̃ ƴɛ̀rʋ a dɩ̃a a, ɩ̃ na tɩɛrɛ kɛ́ a nʋɔr a Naaŋmɩn na ƴãw kʋ̀ a tɩ sãàkʋm-kore a, k'ʋʋ na tu na a, al zũú n'a. 7A Ɩsɩrayɛl yie dɔwlʋ pie nɩ ayi, na tu a Naaŋmɩn puoru yele mʋ̃tɔ̃w nɩ tɩ̃ɩsɔw za bɛ tɛr bɛ́rʋ daar a, mɩ̀ tɩɛrɛ na kɛ́ a nʋɔr ŋa na tu na. Nãà Agɩrɩpa a, a tɩɛrʋ ŋa ƴãw n'a a Zifʋ mɩnɛ tɛr'ɩ mɛ̃ a ƴɛ̀rʋ. 8Bʋ̃ʋ ƴãw n'a a nyɩɩm Zifʋ mɩnɛ, nyɩ tɩɛrɛ kɛ́ a bɛ tɛr sɔ́r kɛ́ nɩr sàw de kɛ́ Naaŋmɩn mɩ́ ɩ na a kũuni bɛ lɛb ìr? 9Mãa a, ɩ̃ tɩ tɩɛrɛ na k'aa ɩ n fɛrʋ k'ɩ̃ɩ ɩ lɛ za ɩ̃ na na tʋ̃ɔ́ a, a Nazarɛtɩ Yeezu yúor ta yi ɛ. 10Lɛ tɔr za n'a ɩ̃ ɩ a Zerizalɛm. Ɩ̃ nyɔw nɩ nɩ-son yaga yaga lɔb ƴãw gaso pʋɔ. A bàwr-maal-nɩ-bɛrɛ tɩ kʋ̀ m'ɩ fãw a al ƴãw. Mɔ̃ mɩ̀, bɛ na mɩ́ tɩ kʋrɛ bɛ a, ɩ̃ mɩ́ tɩ sàw na. 11Kʋralɛ, ɩ̃ mɩ́ tɩ cɔlɛ nɩ a puoru-diru za pʋɔ dɔwrɛ bɛ viire nɩ, ɛ́ fɛrɛ bɛ kɛ́ bɛ zawrɩ a Yeezu sàw-deb. A ɩ̃ su-yãyaar a bɛ ƴãw tɩ ɩ na ɩ̃ mɩ́ diw bɩɛrɩ bɛ tɩ sãá nɩ tẽ-yoru pʋɔ.»
A Pol manɛ nɩ a ʋ kɩrɩta-nɩr lɩɛbʋ yele
(Nɩ-t 9:1-19, 22:6-16)
12«À ŋá n'a bibir kãw, a bàwr-maal-nɩ-bɛrɛ tɩ sàw bɛr mɛ̃ sɔ́r bom za ƴãw, ɛ́ tõ m ɩ̃ cere Damasɩ. 13Nãà a, ɩ̃ tɩ lo n a sɔ́r cere, gbãgbãw tɩ pɩɛlɛ na, wa bere ɩ̃ nyɛ̃ cãà na caalɛ zuo a mʋ̃tɔ̃w a, ʋ yi a salom zu wa caalɩ pili pàw mɛ̃, mãa nɩ a ɩ̃ sɔr-lãw-cen-taabɛ. 14Tɩ za tɩ lo na gã tẽw, ɩ̃ɩ wõ kɔkɔr ʋ ƴɛ̀rɛ nɩ mɛ̃ arameyɛ̃ yere: “Sol i, Sol i, bʋ̃ʋ n'ʋ so fʋ dɔwrɛ mɛ̃? Fʋ̃ʋ n'ʋ lɛb ŋmɛlɩ ɩrɛ a kpɩɛr fʋ tʋɔra, mɛ̃ dʋ̃w na lɩɛb bà gbɛ́r a dabɔl bɛ na kparɛ nɩ ʋ a ƴãw a.” 15Ɩ̃ tɩ sowr'ʋ na: “Ãa nɛ b Sore e?” A Sore tɩ lɛb'a yel: “Mãa n'ɩ a Yeezu, mãa n'ʋ fʋ dɔwrɛ. 16Ɛcɛ ìr àr. Ɩ̃ wul'ɩ ɩ̃ tʋɔra a fʋ zie k'ɩ̃ɩ ɩ fʋ lɩɛbɩ a ɩ̃ tõ-tõ-bie. Fʋ na dɩ n a ɩ̃ dãsɩɛ manɩ a lɛ fʋ na nyɛ̃ m a dɩ̃a a, ɛ́ hiere a yele al ɩ̃ na na wul fʋ nyɛ̃ a pùorí a. 17Ɩ̃ na piw fʋ na tɛr a Zifʋ bʋʋrɛ ƴãw nɩ a nɩ-bʋʋr-yoru bɛl zie ɩ̃ na tone fʋ a ƴãw. 18Ɩ̃ tone fʋ na kɛ́ fʋ tɩ yuo bɛ a mimie, kɛ́ fʋ tɩ tɛr bɛ a lige pʋɔ yi wa n a cãà pʋɔ, kɛ́ fʋ tɩ taw bɛ a Sɩtaana naalʋ pʋɔ yi wa n a Naaŋmɩn zie, bɛ wa tʋ̃ɔ́ páw a bɛ yel-bebe suur, ɛ́ lãwnɩ a nɩ-son páw gbã-dɩ-bom, bɛlɛ wa sàw de a ɩ̃ yele a.”»
A Pol manɛ nɩ a ʋ tõ-nʋɔr kʋ̀rɛ a Agɩrɩpa
19«A na tɩ ɩ à á ŋa a, nãà Agɩrɩpa a, ɩ̃ bɛ zawrɩ na tu a nyɛ́b ŋa na yi a saa-zu wa ɩ̃ nyɛ̃ a ɩ. 20Ɩ̃ nɩ̃ɛ na tɩ ìr tĩ a Damasɩ tẽw be, nɩ a Zerizalɛm nɩ a Zude tẽw za pʋɔ, tɩ lʋ̃ɔ nɩ a nɩ-bʋʋr-yoru ten pʋɔ, hiere kɛ́ a fɛr'a kɛ́ bɛ lɩɛbɩ a bɛ ɩb ɛ́ lɛb wa a Naaŋmɩn zie, wa vʋʋrɛ nyɔ-vʋʋrʋ na wul kɛ́ bɛ lɩɛbɩ a bɛ ɩb a. 21À á ŋá ƴãw n'a Zifʋ mɩnɛ tɩ wa nyɔw mɛ̃ a Ŋmɩn-yir-kpɛ̃ɛ pʋɔ bɔbr a ɩ̃ kʋb. 22Ɩ̃ bãwnɩ a na, Naaŋmɩn gù mɛ̃ nɩ a lɛn daar za wa tɩ tɔ a dɩ̃a, alɛ so ɩ̃ cãà dɩrɛ a dãsɩɛ a bibiir nɩ a nɩ-bɛrɛ zie. A naaŋmɩn-ƴɛ̀r-manbɛ nɩ a Moyiir tɩ dãw na hieri yel a yele na waar na ta a, ɩ̃ bɛ yere bom za dɔwlɛ a bɛ ƴɛ̀rʋ zu ɛ. 23Bɛ tɩ dãw na yel kɛ́ a Kɩrɩta na wõ n tuo ɛ́ lɛb de niwn yi a kũuni pʋɔ, k'ʋʋ na hier'ɩ a faafʋ cãà kʋ̀ a tɩ bʋʋrɛ nɩ a nɩ-bʋʋr-yoru.»
A Pol bɔbr'a kɛ́ a Agɩrɩpa sàw de a Yeezu yele
24A ka n'a a Pol tɩ manɩ a ʋ yele wa ta, ɛ́ a Fɛsɩtɩsɩ ŋmãa de tanɩ yel: «Pol i, fʋ yarɛ na! Fʋ zànɩ nɩ a yele a tɩ ƴãw fʋ yãyaar!» 25Ɛcɛ a Pol tɩ sɔw na: «Ɩ̃ bɛ yarɛ ɩ, Fɛsɩtɩsɩ i! Ɩ̃ bãw nɩ yã ɛ́ ƴɛ̀rɛ yel-mɩŋa ƴɛ̀rʋ. 26A nãà ŋa zie ɩ̃ na ɓãá ƴãw ƴɛ̀rɛ a, ʋ wõ n a yele á ŋá, ɩ̃ɩ bãwnɩ a na been kãw za na bɛ sɔwlɩ a ʋ zie a, bʋ̃ʋ n'ʋ vɛ̃, gõgon kãw pʋɔ bɛ n'a a yele á ŋá ɩ ɛ. 27Nãà Agɩrɩpa a, mɛ̃ fʋ taa sàw de a naaŋmɩn-ƴɛ̀r-manbɛ ƴɛ̀rʋ? Bʋnʋ bɛ ka be ɩ, ɩ̃ bãwnɩ a na kɛ́ fʋ sàw na de.» 28Lɛ n'a a Agɩrɩpa lɩɛb yel a Pol: «Fʋ tɩɛr kɛ́ fʋ ɩ ɩ̃ lɩɛbɩ kɩrɩta-nɩr fɔ̃wlɛ à ŋá ʋ?» 29A Pol tɩ sɔw na: «Fɔ̃wlɛ n'a bɩɩ a cɛlɩ n'a a, a Naaŋmɩn, ʋ sàw fʋ̃ʋ nɩ a bɛlɩ dem za na bɛrɛ wone a ɩ̃ ƴɛ̀rʋ a dɩ̃a a, nyɩ wa ŋmɛ̃ taa nɩ mɛ̃, ɛ́ tɩ cɛ a bamɛ á ŋá!»
30A nãà tɩ ìr'a, ʋlɛ nɩ a Ʋrɔm tẽw na-kpɛ̃ɛ-lɩɛrɛ lãwnɩ a Berenisɩ nɩ a bɛ lãw-zɩnbɛ. 31Bɛ tɩ ƴɛ̀rɛ na yire nɩ yere: «A nɩr ŋa bɛ ɩ bom za na sɛwnɩ a kũu bɩɩ a bamɛ ɩ.» 32A Agɩrɩpa tɩ yel'ɩ a Fɛsɩtɩsɩ zie: «A nɩr ŋa bɛ tɩ yel k'aa ʋ yele ta a na-kpɛ̃ɛ a, bɛ nãá tʋ̃ɔ́ na lɛb bɛr ʋ.»
Đang chọn:
:
Tô màu
Sao chép
So sánh
Chia sẻ
Bạn muốn lưu những tô màu trên tất cả các thiết bị của mình? Đăng ký hoặc đăng nhập
La Bible en Dagara © Alliance Biblique du Burkina Faso, 2013.