Nɩ-toni 24
24
A Zifʋ mɩnɛ nɩ-kore manɛ nɩ a Pol sãwna
1Bibie anũu pùorí, a bàwr-maal-kara Ananɩasɩ tɩ tɛr'ɩ nɩ-kore bɛ mɩnɛ, nɩ dɔɔ kãw na dɩ Tɛrtilisɩ a, siw nɩ a Ʋrɔm tẽw na-kpɛ̃ɛ-lɩɛrɛ zie kɛ́ bɛ tɩ manɩ a Pol sãwna. A Tɛrtilisɩ tɩ ɩ n ƴɛ̀rʋ-maalʋ zie ƴɛ̀r-bãw-ƴɛ̀rɛ na mɩ́ ƴɛ̀r kpɛ nɩr bɩɩ ƴɛ̀r wul nɩr sãwna a. 2Bɛ tɩ bʋɔl'ɩ a Pol ʋ wa. A Tɛrtilisɩ tɩ tĩ na manɛ a Pol sãwna yere: «Felisɩ i, a ƴã-ɓaarʋ za tɩ na tɛr a, fʋ̃ʋ zie n'a a yi, ɛ́ mɩ̀ yi a yele fʋ na bãw vla kaa a tẽw ŋa lɩɛbɩ a. 3Kʋralɛ nɩ ziir za, tɩ puore fʋ nɩ yaga za a yel-vɩɛlɩ á ŋá ƴãw. 4Ɩ̃ bɛ bɔbr k'ɩ̃ɩ bàlɛ fʋ ɛ. Lɛ so ɩ̃ na ƴɛ̀r ŋmãalɛ, ɛ́ zɛlɛ kɛ́ fʋ sàw ƴãw tobr vla bɛr wõ a tɩ ƴɛ̀rʋ. 5Tɩ nyɛ̃ na kɛ́ a dɛb ŋa ɩ n zi-sãwnɛ mɩŋa: ʋ na ɩ a Nazarɛtɩ tẽw nɩbɛ lãw nɩ-kpɛ̃ɛ#24:5 Nyɛ̃ Mat 2.23. a, ʋ ƴãwnɛ nɩ damnʋ a Zifʋ mɩnɛ za sɔgɔ a tẽ-daa za zu. 6Ʋ wa ìr'a bɔbr k'ʋʋ dɛw a tɩ Ŋmɩn-yir-kpɛ̃ɛ. Lɛ n'a tɩ nyɔw ʋ. [Tɩ tɩ bɔbr'a kɛ́ tɩ maal'ɩ ʋ a ƴɛ̀rʋ mɛ̃ a lɛ a tɩ Naaŋmɩn wulu na bin a. 7Ɛcɛ a sojarɩ túr (1 000) nɩ-kpɛ̃ɛ Lɩzɩasɩ wa na wa faa ʋ nɩ fãw a tɩ nuru pʋɔ, 8ɛ́ yel kɛ́ a bɛlɩ dem na tɛr'ɩ a nɩr ŋa ƴɛ̀rʋ a, kɛ́ bɛ wa a fʋ zie.] Fʋ̃ʋ mɩŋa wa sowr'ʋ a, fʋ na nyɛ̃ na kɛ́ a ʋ sãwna al za tɩ na manɛ a ɩ n yel-mɩŋa.» 9A Zifʋ mɩnɛ tɩ sàw na de a sãwna manʋ ŋa, ɛ́ yel ƴãw pʋɔ kɛ́ à ŋá n'a a yele sɩrɩ tu.
A Pol na ƴɛ̀r wul a ʋ yel-mɩŋa a Felisɩ niŋé a
10A Ʋrɔm tẽw na-kpɛ̃ɛ-lɩɛrɛ na tɩ kabrɩ yel a Pol k'ʋʋ de a ƴɛ̀rʋ a, a Pol tɩ yel'a: «Ɩ̃ bãwnɩ a na, a yome yãwmɛ na fʋ na ɩ a ƴɛ̀r-maalɛ a tɩ tẽw ƴãw a, lɛ so, ɩ̃ na bɛr'ɩ tɩɛrʋ ɛ́ ƴɛ̀r wul a ɩ̃ yel-mɩŋa a fʋ niŋé. 11A bɛ zuo bibie pie nɩ ayi ɛ, ɩ̃ na do a Zerizalɛm k'ɩ̃ɩ tɩ puor'a, fʋ̃ʋ mɩŋa na tʋ̃ɔ́ na sowri bãw sɩza n'a bɩɩ ziri n'a. 12Ɛcɛ nɩr bɛ dãw nyɛ̃ m ɩ̃ àr a Ŋmɩn-yir-kpɛ̃ɛ pʋɔ, bɩɩ a puoru-dirú, bɩɩ a tẽw pʋɔ mãa nɩ nɩr ŋmɩɛr nɔkpɛn ɛ, bɩɩ ɩ̃ ƴãwnɛ damnʋ a zu-sɛbla pʋɔ ɩ. 13A nɩbɛ bɛ ŋa na manɛ a ɩ̃ sãwna kʋ̀rɛ fʋ a ƴɛrɛŋa a, bɛ kʋ̃ tʋ̃ɔ́ wul fʋ a sãá k'ɩ̃ɩ sãw na ɩ. 14Bom nɛ ɩ̃ na bãw k'ɩ̃ɩ ɩ na a n'ɩ ŋa: ɩ̃ tu n a Sɔr-paala, tone a tɩ sãàkʋm-kore Naaŋmɩn tome. A sɔ́r ŋa n'ʋ bɛl bʋɔlɛ kɛ́ lãw na bɛ sɛw a. Ɩ̃ sàw na de a yele al za na sɛb ƴãw a Naaŋmɩn wulu sɛbɛ pʋɔ nɩ a naaŋmɩn-ƴɛ̀r-manbɛ sɛbr pʋɔ a. 15Ɩ̃ tɩɛrɛ na kɛ́ a kũuni-lɛb-yibu be n a nɩsaalbɛ za ƴãw, a nɩ-mɩn lãwnɩ a nɩ-faar. A bɛl tɛɛ za mɩ̀ tɩɛrɛ nɩ à à ŋá. 16A lɛ ƴãw n'a ɩ̃ mɩ̀ mɩ́ fɛr ɩ̃ tʋɔra tɛr tɩɛrʋ na vɩɛl a, a Naaŋmɩn niŋé nɩ a nɩsaalbɛ niŋé.»
17«Yome yaga tɩ tɔl'a, ɩ̃ɩ wa lɛb wa a Zerizalɛm nɩ sõwfʋ a ɩ̃ nɩ-bʋʋrɛ ƴãw, nɩ Naaŋmɩn de-kʋ̀b bome. 18Lɛ n'a bɛ tɩ nyɛ m a Ŋmɩn-yir-kpɛ̃ɛ pʋɔ, a ɩ̃ dɛwr-so-bɛrʋ baarʋ daar. Nɩbɛ bɛ tɩ ɓã taa a ɩ̃ zie ɩ, ɛ́ damnʋ mɩ̀ bɛ tɩ ka be ɩ. 19Azi tẽw Zifʋ bɛ mɩnɛ kãw nɛbɛ tɩ be a be. Bɛlɛ nɛbɛ nãá àr a fʋ niŋé ka yel a ɩ̃ sãwna, bɛlɛ tɩ tɛr'ɩ mɛ̃ bom a. 20Mɔ̃ mɩ̀, a nɩbɛ bɛ ŋa na zɩ̃ a ka a, bɛ yel a sãwna nɛ bɛ na nyɛ̃ a ɩ̃ zie a ʋlɩ bibir ɩ̃ na tɩ ƴɛ̀r a ƴɛ̀rʋ-dɩb-lãw niŋé a. 21Ɩ̃ tɩ ìr'a àr a bɛ sɔgɔ ɛ́ yel kpɛ̃w za: “A kũuni-lɛb-yibu ƴãw n'a ɩ̃ àr a nyɩ niŋé ka bɛ maalɛ nɩ mɛ̃ ƴɛ̀rʋ a dɩ̃a.” A ƴɛ̀r-bir ŋa taa wa n'ɩ a ɩ̃ sãwna ʋ?»
22A Felisɩ tɩ bãw nɩ a Sɔr-paala yele vla. Ʋ tɩ lɩɛb'ɩ a bɛ ƴɛ̀rʋ-dɩb ƴãw bibir kãw, ɛ́ yel bɛ: «A sojarɩ túr (1 000) nɩ-kpɛ̃ɛ Lɩzɩasɩ wa wa a, lɛn daar'a ɩ̃ na dɩ a ƴɛ̀rʋ bãw a nyɩ yel ŋa.» 23Ʋ tɩ ƴãw na kɛ́ a sojarɩ kʋba (100) nɩ-kpɛ̃ɛ cãà tɛr a Pol a gaso pʋɔ, ɛcɛ ta piw ʋ sɔ́r a yele za ƴãw ɛ, k'ʋʋ mɩ́ sàw bɛr a ʋ nɩbɛ za bɛ kaarɛ a ʋ zie.
A Felisɩ nɩ a ʋ pɔw Dirisil bɛrɛ na wone a Pol ƴɛ̀rʋ
24Bibie à ŋá lɛ pùorí, a Felisɩ tɩ wa na, ʋlɛ nɩ ʋ pɔw Dirisil, na tɩ ɩ Zifʋ bʋʋrɛ a. A Felisɩ tɩ ƴãw na kɛ́ bɛ tɛr a Pol wa n ʋ wa ƴɛ̀r a Yeezu Kɩrɩta sàw-deb ƴɛ̀rʋ ʋ bɛr wõ. 25Ɛcɛ a Pol na wa tĩ manɛ a yel-na-tu-sɔr-a, nɩ a tʋɔra nyɔwfʋ yele nɩ a ƴɛ̀rʋ-maalʋ na waar'a yele a, dɛ̃bɩ̃ɛ tɩ ɩrɛ nɩ a Felisɩ. Lɛ n'a ʋ tɩ yel a Pol: «A na ta ka a, lɛb kpɛ, mãa wa nyɛ̃ vuo a, ɩ̃ na lɛb'a bʋɔlɩ fʋ.» 26Ʋ mɩ́ tɩ tɩɛrɛ na kɛ́ a Pol na kʋ̀ ʋ nɩ libie, alɛ so ʋ mɩ́ tɩ bʋɔl'ʋ kʋralɛ k'ʋʋ wa bɛ ƴɛ̀rɛ. 27Yome ayi pùorí, Pɔrsɩyisi Fɛsɩtɩsɩ tɩ lɩɛr'ɩ a Felisɩ ɩ a Ʋrɔm tẽw na-kpɛ̃ɛ-lɩɛrɛ. Ɛcɛ a Felisɩ na tɩ bɔbr k'ʋʋ ɩ nʋ̃ɔ̀ kpɛ a Zifʋ mɩnɛ a, ʋ tɩ cãà na bɛr a Pol a gaso pʋɔ.
Đang chọn:
Nɩ-toni 24: DBDC
Tô màu
Sao chép
So sánh
Chia sẻ
Bạn muốn lưu những tô màu trên tất cả các thiết bị của mình? Đăng ký hoặc đăng nhập
La Bible en Dagara © Alliance Biblique du Burkina Faso, 2013.
Nɩ-toni 24
24
A Zifʋ mɩnɛ nɩ-kore manɛ nɩ a Pol sãwna
1Bibie anũu pùorí, a bàwr-maal-kara Ananɩasɩ tɩ tɛr'ɩ nɩ-kore bɛ mɩnɛ, nɩ dɔɔ kãw na dɩ Tɛrtilisɩ a, siw nɩ a Ʋrɔm tẽw na-kpɛ̃ɛ-lɩɛrɛ zie kɛ́ bɛ tɩ manɩ a Pol sãwna. A Tɛrtilisɩ tɩ ɩ n ƴɛ̀rʋ-maalʋ zie ƴɛ̀r-bãw-ƴɛ̀rɛ na mɩ́ ƴɛ̀r kpɛ nɩr bɩɩ ƴɛ̀r wul nɩr sãwna a. 2Bɛ tɩ bʋɔl'ɩ a Pol ʋ wa. A Tɛrtilisɩ tɩ tĩ na manɛ a Pol sãwna yere: «Felisɩ i, a ƴã-ɓaarʋ za tɩ na tɛr a, fʋ̃ʋ zie n'a a yi, ɛ́ mɩ̀ yi a yele fʋ na bãw vla kaa a tẽw ŋa lɩɛbɩ a. 3Kʋralɛ nɩ ziir za, tɩ puore fʋ nɩ yaga za a yel-vɩɛlɩ á ŋá ƴãw. 4Ɩ̃ bɛ bɔbr k'ɩ̃ɩ bàlɛ fʋ ɛ. Lɛ so ɩ̃ na ƴɛ̀r ŋmãalɛ, ɛ́ zɛlɛ kɛ́ fʋ sàw ƴãw tobr vla bɛr wõ a tɩ ƴɛ̀rʋ. 5Tɩ nyɛ̃ na kɛ́ a dɛb ŋa ɩ n zi-sãwnɛ mɩŋa: ʋ na ɩ a Nazarɛtɩ tẽw nɩbɛ lãw nɩ-kpɛ̃ɛ#24:5 Nyɛ̃ Mat 2.23. a, ʋ ƴãwnɛ nɩ damnʋ a Zifʋ mɩnɛ za sɔgɔ a tẽ-daa za zu. 6Ʋ wa ìr'a bɔbr k'ʋʋ dɛw a tɩ Ŋmɩn-yir-kpɛ̃ɛ. Lɛ n'a tɩ nyɔw ʋ. [Tɩ tɩ bɔbr'a kɛ́ tɩ maal'ɩ ʋ a ƴɛ̀rʋ mɛ̃ a lɛ a tɩ Naaŋmɩn wulu na bin a. 7Ɛcɛ a sojarɩ túr (1 000) nɩ-kpɛ̃ɛ Lɩzɩasɩ wa na wa faa ʋ nɩ fãw a tɩ nuru pʋɔ, 8ɛ́ yel kɛ́ a bɛlɩ dem na tɛr'ɩ a nɩr ŋa ƴɛ̀rʋ a, kɛ́ bɛ wa a fʋ zie.] Fʋ̃ʋ mɩŋa wa sowr'ʋ a, fʋ na nyɛ̃ na kɛ́ a ʋ sãwna al za tɩ na manɛ a ɩ n yel-mɩŋa.» 9A Zifʋ mɩnɛ tɩ sàw na de a sãwna manʋ ŋa, ɛ́ yel ƴãw pʋɔ kɛ́ à ŋá n'a a yele sɩrɩ tu.
A Pol na ƴɛ̀r wul a ʋ yel-mɩŋa a Felisɩ niŋé a
10A Ʋrɔm tẽw na-kpɛ̃ɛ-lɩɛrɛ na tɩ kabrɩ yel a Pol k'ʋʋ de a ƴɛ̀rʋ a, a Pol tɩ yel'a: «Ɩ̃ bãwnɩ a na, a yome yãwmɛ na fʋ na ɩ a ƴɛ̀r-maalɛ a tɩ tẽw ƴãw a, lɛ so, ɩ̃ na bɛr'ɩ tɩɛrʋ ɛ́ ƴɛ̀r wul a ɩ̃ yel-mɩŋa a fʋ niŋé. 11A bɛ zuo bibie pie nɩ ayi ɛ, ɩ̃ na do a Zerizalɛm k'ɩ̃ɩ tɩ puor'a, fʋ̃ʋ mɩŋa na tʋ̃ɔ́ na sowri bãw sɩza n'a bɩɩ ziri n'a. 12Ɛcɛ nɩr bɛ dãw nyɛ̃ m ɩ̃ àr a Ŋmɩn-yir-kpɛ̃ɛ pʋɔ, bɩɩ a puoru-dirú, bɩɩ a tẽw pʋɔ mãa nɩ nɩr ŋmɩɛr nɔkpɛn ɛ, bɩɩ ɩ̃ ƴãwnɛ damnʋ a zu-sɛbla pʋɔ ɩ. 13A nɩbɛ bɛ ŋa na manɛ a ɩ̃ sãwna kʋ̀rɛ fʋ a ƴɛrɛŋa a, bɛ kʋ̃ tʋ̃ɔ́ wul fʋ a sãá k'ɩ̃ɩ sãw na ɩ. 14Bom nɛ ɩ̃ na bãw k'ɩ̃ɩ ɩ na a n'ɩ ŋa: ɩ̃ tu n a Sɔr-paala, tone a tɩ sãàkʋm-kore Naaŋmɩn tome. A sɔ́r ŋa n'ʋ bɛl bʋɔlɛ kɛ́ lãw na bɛ sɛw a. Ɩ̃ sàw na de a yele al za na sɛb ƴãw a Naaŋmɩn wulu sɛbɛ pʋɔ nɩ a naaŋmɩn-ƴɛ̀r-manbɛ sɛbr pʋɔ a. 15Ɩ̃ tɩɛrɛ na kɛ́ a kũuni-lɛb-yibu be n a nɩsaalbɛ za ƴãw, a nɩ-mɩn lãwnɩ a nɩ-faar. A bɛl tɛɛ za mɩ̀ tɩɛrɛ nɩ à à ŋá. 16A lɛ ƴãw n'a ɩ̃ mɩ̀ mɩ́ fɛr ɩ̃ tʋɔra tɛr tɩɛrʋ na vɩɛl a, a Naaŋmɩn niŋé nɩ a nɩsaalbɛ niŋé.»
17«Yome yaga tɩ tɔl'a, ɩ̃ɩ wa lɛb wa a Zerizalɛm nɩ sõwfʋ a ɩ̃ nɩ-bʋʋrɛ ƴãw, nɩ Naaŋmɩn de-kʋ̀b bome. 18Lɛ n'a bɛ tɩ nyɛ m a Ŋmɩn-yir-kpɛ̃ɛ pʋɔ, a ɩ̃ dɛwr-so-bɛrʋ baarʋ daar. Nɩbɛ bɛ tɩ ɓã taa a ɩ̃ zie ɩ, ɛ́ damnʋ mɩ̀ bɛ tɩ ka be ɩ. 19Azi tẽw Zifʋ bɛ mɩnɛ kãw nɛbɛ tɩ be a be. Bɛlɛ nɛbɛ nãá àr a fʋ niŋé ka yel a ɩ̃ sãwna, bɛlɛ tɩ tɛr'ɩ mɛ̃ bom a. 20Mɔ̃ mɩ̀, a nɩbɛ bɛ ŋa na zɩ̃ a ka a, bɛ yel a sãwna nɛ bɛ na nyɛ̃ a ɩ̃ zie a ʋlɩ bibir ɩ̃ na tɩ ƴɛ̀r a ƴɛ̀rʋ-dɩb-lãw niŋé a. 21Ɩ̃ tɩ ìr'a àr a bɛ sɔgɔ ɛ́ yel kpɛ̃w za: “A kũuni-lɛb-yibu ƴãw n'a ɩ̃ àr a nyɩ niŋé ka bɛ maalɛ nɩ mɛ̃ ƴɛ̀rʋ a dɩ̃a.” A ƴɛ̀r-bir ŋa taa wa n'ɩ a ɩ̃ sãwna ʋ?»
22A Felisɩ tɩ bãw nɩ a Sɔr-paala yele vla. Ʋ tɩ lɩɛb'ɩ a bɛ ƴɛ̀rʋ-dɩb ƴãw bibir kãw, ɛ́ yel bɛ: «A sojarɩ túr (1 000) nɩ-kpɛ̃ɛ Lɩzɩasɩ wa wa a, lɛn daar'a ɩ̃ na dɩ a ƴɛ̀rʋ bãw a nyɩ yel ŋa.» 23Ʋ tɩ ƴãw na kɛ́ a sojarɩ kʋba (100) nɩ-kpɛ̃ɛ cãà tɛr a Pol a gaso pʋɔ, ɛcɛ ta piw ʋ sɔ́r a yele za ƴãw ɛ, k'ʋʋ mɩ́ sàw bɛr a ʋ nɩbɛ za bɛ kaarɛ a ʋ zie.
A Felisɩ nɩ a ʋ pɔw Dirisil bɛrɛ na wone a Pol ƴɛ̀rʋ
24Bibie à ŋá lɛ pùorí, a Felisɩ tɩ wa na, ʋlɛ nɩ ʋ pɔw Dirisil, na tɩ ɩ Zifʋ bʋʋrɛ a. A Felisɩ tɩ ƴãw na kɛ́ bɛ tɛr a Pol wa n ʋ wa ƴɛ̀r a Yeezu Kɩrɩta sàw-deb ƴɛ̀rʋ ʋ bɛr wõ. 25Ɛcɛ a Pol na wa tĩ manɛ a yel-na-tu-sɔr-a, nɩ a tʋɔra nyɔwfʋ yele nɩ a ƴɛ̀rʋ-maalʋ na waar'a yele a, dɛ̃bɩ̃ɛ tɩ ɩrɛ nɩ a Felisɩ. Lɛ n'a ʋ tɩ yel a Pol: «A na ta ka a, lɛb kpɛ, mãa wa nyɛ̃ vuo a, ɩ̃ na lɛb'a bʋɔlɩ fʋ.» 26Ʋ mɩ́ tɩ tɩɛrɛ na kɛ́ a Pol na kʋ̀ ʋ nɩ libie, alɛ so ʋ mɩ́ tɩ bʋɔl'ʋ kʋralɛ k'ʋʋ wa bɛ ƴɛ̀rɛ. 27Yome ayi pùorí, Pɔrsɩyisi Fɛsɩtɩsɩ tɩ lɩɛr'ɩ a Felisɩ ɩ a Ʋrɔm tẽw na-kpɛ̃ɛ-lɩɛrɛ. Ɛcɛ a Felisɩ na tɩ bɔbr k'ʋʋ ɩ nʋ̃ɔ̀ kpɛ a Zifʋ mɩnɛ a, ʋ tɩ cãà na bɛr a Pol a gaso pʋɔ.
Đang chọn:
:
Tô màu
Sao chép
So sánh
Chia sẻ
Bạn muốn lưu những tô màu trên tất cả các thiết bị của mình? Đăng ký hoặc đăng nhập
La Bible en Dagara © Alliance Biblique du Burkina Faso, 2013.