Markɩ Sɛbɛ 16
16
A JEEJU KŨU-PƲƆ-IRFƲ
(Mat 28.1-8, Lu 24.1-12, Jã 20.1-10)
1A lɛ a *bibi-ciiraa dayen na tɔl baar, a Maarɩɩ na yi a Madala nɩ a Maarɩɩ ʋlɔ na ɩ a Jakɩ mã, nɩ a Salome da na a kã-nyu-vɩlaa cere nɩ a kũu jɛfʋ ɩnɛ. 2A jɩmaasɩ bibir dʋ̃ꞌwʋlɩ̃ ɓaaraa, a lɛ a mɔtɔ̃w na cãa pure, ba cenʼã a yaa pʋɔ. 3Ba dãa na sooro taa yele:
“Ala na bilĩ sɩ a kubir a yaa nʋɔrɩ̃ bar?”
4Ɩ̃ a lɛ ba na dʋɔ ꞌwuor, ba nyɛ na a kubir ʋlɔ na dãa bɛrmɛ ma ɩ wa ʋ bilĩ gã a lõboorɩ̃. 5A lɛ ba na kpɛ a yaa pʋɔ, ba nyɛ na polbile kãw na su kpar-pɩlaa ʋ jɛ be a dʋrɩ̃ loor, a pʋlɩ̃nyɛ vʋ̃ɔ ba. 6Ɩ̃-cɛ ʋ yel ba na:
“Nyɩ taa ɩ a pʋlɩ̃nyɛ vʋ̃ɔnɔ nyɩ wa. Má a Najarɛtɩ *Jeeju ʋlɔ ba na kpa yaal a nɩ-kʋ-daa juu nyɩ bʋɔrɔ. ꞌWaa cãa a ka wa. Ʋ irʼã a kũu pʋɔ. Nyɩ́ ꞌwuor nyɛ a jie ʋlɔ ba na dãa gaal ʋ. 7Ɩ̃ a ƴɛ̃ƴɛrɩ̃ na, nyɩ́ cen na yel a ʋ *par-tuurbe lãa nɩ a Pɩɛr á ʋ na de na nĩe cen na gu nyɩ a Galile. Be nyɩ na nyɛ ʋ a mɩnɛ ʋ na dãa yel nyɩ.”
8Ba yi na a yaa pʋɔ, a nʋɔr ko ba a ba ɓine, ɩ̃ na ba ƴɔ̃w gbɛɛ jɔ. Baa yel bom kʋ nɩrɛ wa, a-na-ɩ dãbɩ̃ɛ dãa na gãw ba.
A JEEJU NA MIILʼƖ̃ A Ʋ MƖ̃Ɛ A Ʋ PAR-TUURBE
(Mat 28.9-10,16-20, Lu 24.13-49, Jã 20.11-23)
[ 9A *Jeeju irʼã a kũu pʋɔ a jɩmaasɩ dʋ̃ꞌwʋlɩ̃ ɓaaraa, na ʋ de nĩe nyɩr a Madala Maarɩɩ ʋlɔ ʋ na dãa diw a kɔ̃tɔnsɩ anuu-nʼayi a ʋ pʋɔ bar. 10A Maarɩɩ cenʼã na man kʋ a bala na dãa ɩ a Jeeju lãa-yʋɔrbɔ, na be a ni-sɔbaa pʋɔ kono nɩ. 11Ɩ̃-cɛ a lɛ ba na wõ ʋ yel áa Jeeju irʼã ɩ nɩ-mimir ʋ nyɛ ʋ, baa dãa sɔw wa.
12A ala na yi tɔ, a ʋ *par-tuurbe ayi be na a sɔr juu cere a tẽ-bile kãw pʋɔ, ʋ nyɩr ba a be, be kpee. 13Ba lɩɛbʼã wa na man a ba tɔ deme a lɛ, ɩ̃ a baa cãa sɔw wa.
14A Jeeju pãa na bɩɛr nyɩr a ʋ par-tuurbe pie-nɩ-bõ-ƴen a lɛ ba na be a dɩb par, ɩ̃ na ʋ ful ba a ba ƴɔ̃w-nyãa faafʋ ɩnɛ, nɩ a mɩnɛ a ba suur na kpɛmɛ, a-na-ɩ baa dãa sɔw a mɩnɛ a nɩbɛ bala na dãa nyɛ ʋ ʋ ir a kũu pʋɔ wa. 15Ɩ̃ na ʋ yel ba:
“Nyɩ́ yɔ a tẽ-daa ʋ jaa juu, hier a Naaŋmɩn ƴɛr-son kʋ a nɩbɛ ba jaa. 16A ʋlɔ na wa sɔw ɩ̃ a ba mʋr ʋ a kʋ̃ɔ, ʋ na pɔw na a faafʋ, ɩ̃ a ʋlɔ na ma sɔw wa, ƴɛrɩ̃ na dɔɔlʼã a ʋ juu. 17Ɩ̃ nyɩ́ nyɛ a nɔ-kofʋ tʋmɔ ala na wa tuure a bala na sɔw: ba na de na a ɩ̃ yuor diw nɩ a kɔ̃tɔnsɩ bar, ba na ƴɛrɛ na ƴɛr-bʋlsɩ, 18ba nɔɔ bibʼã a wɩɩr ɩ̃ a ala ɩ ba wa nyu na a bom na tɛrɛ a lɔw, a kɔ̃ maal ba bier wa. Ba na ma dɔɔlʼã a baalsɩ a nur a ba kpɛmɛ.”
19A mɩnɛ a Nɩ-kpɛ̃ɛ Jeeju na ƴɛrʼɩ̃ ba a lɛ baar, a Naaŋmɩn maal ʋ na ʋ do a saa juu jɛ be a ʋ dʋrɩ̃ loor. 20Ɩ̃ a ʋ par-tuurbe yi yʋɔrɔ a jiir a jaa hiere a ƴɛr-son. A Nɩ-kpɛ̃ɛ dãa na sũono ba a tʋn ʋlɔ pʋɔ ɩ̃ maala a nɔ-kofʋ tʋmɔ miile nɩ a nɩbɛ áa ala ba na yele ɩ na yel-mɩ̃ɛ.]
Đang chọn:
Markɩ Sɛbɛ 16: BNT93
Tô màu
Sao chép
So sánh
Chia sẻ
Bạn muốn lưu những tô màu trên tất cả các thiết bị của mình? Đăng ký hoặc đăng nhập
Le Nouveau Testament en langue birifor © Alliance Biblique au Burkina Faso, 1993.
