Matie Sɛbɛ 5
5
A JEEJU JAANFƲ A TÃW JUU
(Lu 6.20-23)
1A mɩnɛ a *Jeeju na nyɛ a bana nɩ-yaw a ba tuure ʋ, ʋ do na a tãw juu jɛ, a ʋ *par-tuurbe wɩ a ʋ sɛ, 2ʋ nyɔw a jaanfʋ ɩ̃ jaana ba, yele nɩ:
3“Nʋ̃ɔ ma be na a bala jie na tɛrɛ a nãw a sɩɛ pʋɔ,
a-na-ɩ bala sɔ a saa juu fãw.
4Nũɔ ma be na a bala jie a sube na sãw,
a-na-ɩ a Naaŋmɩn nɔɔ ƴɛw ba na.
5Nũɔ ma be na a bala jie na tɛrɛ a su-ɓaara,
a-na-ɩ bala wa sɔrɛɛ a tẽw.
6Nũɔ ma be na a bala jie na nyɩrɩ̃ bʋɔrɔ a torfʋ
a kɔ̃ nɩ a kʋ̃ɔ-nyuur kaarɩ̃,
a-na-ɩ ba nɔɔ pɔw ʋ na.
7Nũɔ ma be na a bala jie na tɛrɛ a nã-bɔ̃wfʋ
a-na-ɩ a Naaŋmɩn nɔɔ mɩ bɔ̃w na a ba nãw.
8Nũɔ ma be na a bala jie na tɛrɛ a su-pɩlaa,
a-na-ɩ ba nɔɔ nyɛ na a Naaŋmɩn.
9Nũɔ ma be na a bala jie na bʋɔrɔ a nɩbɛ pɩɛnfʋ,
a-na-ɩ a Naaŋmɩn nɔɔ bʋɔl ba na a ʋ bibiir.
10Nũɔ ma be na a bala jie ba na hʋɔlɔ a torfʋ ɩnɛ,
a-na-ɩ bala sɔ a saa juu fãw.
11“A na ɩ nyɩ na nũɔ a lɛ ba nɔɔ tʋrɔ nyɩ, ɩ̃ hʋɔlɔ nyɩ, ɩ̃ mɩ ŋmara a jir-kara ƴɔnɔ nyɩ a ɩ̃ ɩnɛ. 12Nyɩ́ tɛrɛ nũɔ cɩlɛ nɩ, a-na-ɩ a nyɩ yar nɔɔ bɛrmɛ na a saa juu. Nyɩ bɔ̃w na ka a lɛ ba mɩ dãa hʋɔl a Naaŋmɩn ƴɛr-hierbe na dãa de nyɩ a nĩe.
A NASÕ NƖ A CÃA ƳƐRƖ̃
(Mar 9.50, Lu 14.34-35)
13“Nyɩmɩ ɩ a nasõ a tẽw pʋɔ deme jie, ɩ̃-cɛ a nasõ tomofʋ wa baar, bõ a nɩrɛ na nyɛ ƴɔ̃w ʋ ʋ lɛ tomo? ꞌWaa lɛ ɩ bom go wa. Ba na de ʋ na lɔb bar, a ba nɛbɛ nɩ gbɛɛ.
14“Nyɩmɩ ɩ a cãa a tẽw pʋɔ deme jie. A tẽw na be a tãw juu ma tʋɔrɔ sɔɔlɔ wa. 15Nɩrɛ ma ƴɔnɔ a lãpa a vũu, ɩ̃ lɛ diere pɔwrɔ a lakpow pʋɔ wa, ɩ̃-cɛ a gbẽgbere juu ʋ na dɔɔl ʋ, ʋ caara a nɩbɛ jaa na be a yir pʋɔ. 16A lɛ ʋ mɩ, a sɛw na a nyɩ na ɩ a nyɩ cãa ʋ caara a nɩbɛ nii-sɔw, a mɩnɛ a ba na tʋɔ nyɛ a nyɩ tʋ̃-sono, ɩ̃ kʋrɔ a nyɩ Sãa na be a saa juu a ju-kpɛ̃ɛ.
A NAAŊMƖN ƳƐR-KPƐN PAR A JEEJU NA MANA
17“Nyɩ taa tɩɛr beeka ɩ̃ wa na a Mowisi ƴɛr-kpɛn sãwfʋ ɩnɛ wa, mɩɩ a ƴɛr-hierbe ƴɛrɩ̃sɩ sãwfʋ ɩnɛ wa. Maa wa a ana ƴɛrɩ̃sɩ sãwfʋ ɩnɛ wa, ɩ̃-cɛ ɩ̃ wa na a mɩnɛ ɩ̃ na tʋɔ maal a jaa baar. 18Yel-mɩ̃ɛ ɩ̃ yele nyɩ, a lɛdaar a saꞌlon nɩ a tẽw na ma tɔl sɛr wa, a sɛb-bir ŋmãa mɩɩ a sɛb-bir pabaa na be a *Naaŋmɩn ƴɛr-kpɛn pʋɔ ma tʋɔrɔ ire bara wa. A jaa na maalʼã wa baar. 19Ala-ɩ̃-sɔ a nɩrɛ ʋlɔ na jaar a ƴɛr-kpɛ̃w kãw, a ala saarɩ̃ ɩ a ƴɛr-bir bile ʋ, ɩ̃ mɩ miile a nɩbɛ a ba maala a ʋ kaarɩ̃, a ʋna nɩrɛ naa na nyɩrɩ̃ na pab a saa juu fãw pʋɔ. Ɩ̃-cɛ a nɩrɛ ʋlɔ na sɔw ɩ̃ mɩ miile a nɩbɛ a ba maala a lɛ, a ʋna nɩrɛ naa na nyɩrɩ̃ na ɩ kpee a saa juu fãw pʋɔ. 20Ɩ̃-cɛ ɩ̃ yele nyɩ na, a nyɩmɩ ma ɩ dẽdẽ a Naaŋmɩn ƴɛrɩ̃ jɔfʋ pʋɔ gãw a *ƴɛr-kpɛn-bɔɔnbɔ nɩ a *Farɩsɩ nɩbɛ wa, nyaa tʋɔrɔ kpɛɛrɛ a saa juu fãw pʋɔ wa.
A SUUR NYƐFƲ ƳƐRƖ̃
21“Nyɩ wõ na a mɩnɛ ba na dãa yel kʋ a korĩ-cɛ deme, a ba taa kúrɔ nɩrɛ wa. Áa nɩrɛ wa kú nɩrɛ, a ba na cenʼɩ̃ ʋ na a ƴɛr-guorbo jie. 22Ɩ̃-cɛ a maa, ɩ̃ yele nyɩ na, a nɩrɛ lɛ na nyɛrɛ a suur ƴɔnɔ a ʋ yɛbɛ, ba na mɩ cenʼɩ̃ ʋ na a ƴɛr-guorbo jie. Ɩ̃ a ʋlɔ na yel a ʋ yɛbɛ á dãbol, ba na cenʼɩ̃ ʋ na a *ƴɛr-guor-nɩ-bɛrɛ nii-sɔw, ɩ̃ a ʋlɔ na yel a ʋ yɛbɛ á ʋ yaara na, ʋ na tʋɔ na kpɛ a wɛfʋ vũu pʋɔ. 23A fʋ̃ʋ tɛrɛ a bom bʋɔrɔ fʋ kʋ a Naaŋmɩn, ɩ̃ wa tɩɛr yuo be a baar lofʋ jie a fʋ yɛbɛ na tɛrɛ nɩ fʋ a ƴɛrɩ̃, 24bar a bom ʋlɔ a be a baar lofʋ jie, ɩ̃ cen na cɔɔrɩ̃ a ʋna ƴɛrɩ̃ nɩ a fʋ yɛbɛ baar, ɩ̃ pãa lɛ wa de a fʋ bom kʋ a Naaŋmɩn.
25“A ala ɩ a nɩrɛ tɛrɛ nɩ fʋ na ƴɛrɩ̃ a ʋ bom fʋ na sãw ɩnɛ, ɩ̃ cere nɩ fʋ a ƴɛr-guorbo jie, ɓaalɩ̃ ʋ fɔfɔw a lɛ nyɩ na cãa a sɔr pʋɔ cere, a-na-ɩ a ʋlɔ ta nɩ fʋ a be, ʋ na ƴɔ̃w fʋ na a ƴɛr-guorbo nuumɩ ʋ de fʋ kʋ a parsãde ʋ ƴɔ̃w fʋ a kasu pʋɔ. 26Yel-mɩ̃ɛ ɩ̃ yele fʋ, faa yire a be ɩ̃-cɛ a ala ma ɩ fʋ ya na a fʋ san a jaa wa.
A PƆW KPEE GANIFƲ ƳƐRƖ̃
27“Nyɩ wõ na a mɩnɛ ba na dãa yel a nɩrɛ ʋ taa wa gana nɩ a ʋ tɔ sʋbɔ pɔw wa, 28Ɩ̃-cɛ a maa, ɩ̃ yele nyɩ na, a nɩrɛ lɛ na ꞌwuoro a pɔw a ꞌwuor-fãa, ʋ gɔrʼã gã nɩ ʋ a ʋ suur pʋɔ. 29A ala ɩ a fʋ dʋrɩ̃ mimir ɩ̃ ƴɔnɔ fʋ a fãa pʋɔ, ir ʋ lɔb bar, a-na-ɩ a sa na a fʋ ɩ̃gan ji-bõ-ƴen na bɔr gãw a fʋ ɩ̃gan ʋ jaa ba na diere lɔbɔ ƴɔnɔ a vũu pʋɔ. 30A ala mɩ ɩ a fʋ dʋrɩ̃ nuu wa mɩ ƴɔnɔ fʋ a fãa pʋɔ, fú ŋmaa ʋ lɔb bar, a-na-ɩ a sa na a fʋ ɩ̃gan jie kãw na bɔr, gãw a fʋ ɩ̃gan ʋ jaa na kpɛɛrɛ a vũu pʋɔ.
A PƆW DIW-BARFƲ ƴɛrɩ̃
(Mat 19.9, Mar 10.11-12, Lu 16.18)
31“Ba mɩ dãa na yel, aa nɩrɛ wa diwre a ʋ pɔw bara, ú kʋ ʋ a barfʋ sɛbɛ. 32Ɩ̃-cɛ a maa, ɩ̃ yele nyɩ na, a ʋlɔ na diwre a ʋ pɔw bara ɩ̃-cɛ a pɔw ʋlɔ ma dãa maala a burbur wa, ʋ ƴɔ̃w ʋ na a dab-kpee ganifʋ pʋɔ, ɩ̃ a daba ʋlɔ na kule a ʋna pɔw naa na mɩ maalʼã a ʋna fãa.
A PƆFƲ ƳƐRƖ̃
33“Nyɩ mɩ wõ na a mɩnɛ ba na dãa yel kʋ a korĩ-cɛ deme: ‘Taa mɔ̃wnɔ a fʋ pʋlɩ̃fʋ bom wa. Maal kʋ a Naaŋmɩn a ala fʋ na dãa pɔ nɩ ʋ.’ 34Ɩ̃-cɛ a maa, ɩ̃ yele nyɩ na, nyɩ taa wa pɔrɔ fɩ̃ɩ wa. A ala ɩ a saa juu ʋ mɩɩ, taa pɔrɔ nɩ ʋ wa, a-na-ɩ a Naaŋmɩn jaajie ʋ. 35A tẽw ʋ mɩɩ, taa mɩ pɔrɔ nɩ ʋ wa, a-na-ɩ a Naaŋmɩn gbɛɛ dɔɔlfʋ jie ʋ. A Jerujalɛm ʋ mɩɩ, taa mɩ lɛ pɔrɔ nɩ ʋ wa, a-na-ɩ a Jaman-kpɛ̃ɛ tẽw ʋ. 36Taa mɩ lɔɔ pɔrɔ nɩ a fʋ juu wa, a-na-ɩ faa tʋɔrɔ lɩɛbɛ a fʋ jukɔɔr ʋ pɛlɛɛ mɩɩ ʋ sɔbɔ wa. 37A nyɩ ƴɛrɩ̃sɩ a ɩ a ‘ɔɔ’ mɩɩ a ‘kpee’. A ƴɛrɩ̃sɩ ala nyɩ na ƴɛrɛ dɔɔlɔ, a yi na a Fãa Sʋbɔ jie.
A SAN YAWFƲ ƳƐRƖ̃
(Lu 6.29-30)
38“Nyɩ wõ na a mɩnɛ ba na dãa yel: ‘A mimir ba na de ya a mimir, a nyɩm ba ba mɩ de ya a nyɩm’. 39Ɩ̃-cɛ a maa, ɩ̃ yele nyɩ na, taa lɩɛb a fãa ya a fãa wa. A ala ɩ a nɩrɛ ba fʋ na a dʋrĩ tʋkpalɩ̃, cɔw ʋ a gʋbaa tʋkpal ʋ lɛ ba. 40Ɩ̃ a nɩrɛ bʋɔrɔ ʋ cenʼĩ fʋ a ƴɛr-guorbo jie, na de a fʋ kparle, de a fʋ fu ɓã taa nɩ ʋ. 41Ɩ̃ a nɩrɛ wa fɛr fʋ a fʋ de a ʋ tuor cenʼĩ fĩɩ kʋ ʋ, de cenʼĩ a jãa a fʋ ku ʋ. 42Ku a ʋlɔ na sʋɔrɔ; taa mɩ mɔ̃wnɔ a ʋlɔ na pɛ̃wnɛ wa.
A SAMA-DEME NƲFƲ
(Lu 6.27-28,32-36)
43“Nyɩ wõ na a mɩnɛ ba na dãa yel: ‘Nʋnɔ a fʋ tɔ sʋbɔ ɩ̃ ꞌlaar a fʋ san-sʋbɔ.’ 44Ɩ̃-cɛ a maa, ɩ̃ yele nyɩ na, nyɩ nʋnɔ a nyɩ dɔ̃-deme, ɩ̃ sʋɔrɔ a Naaŋmɩn ƴɔnɔ a bala na hʋɔlɔ nyɩ, 45a mɩnɛ nyɩ na tʋɔrɔ ɩrɛ a nyɩ Sãa na be a saa juu bibiir. A-na-ɩ ʋ ma purʼã a ʋ mɔtɔ̃w ƴɔ̃w a nɩ-faar nɩ a nɩ-sono, ɩ̃ mɩ ɩ a ʋ saa ʋ wa a nɩ-torisɩ nɩ a bala na maala a burbur jaa ɩnɛ. 46A ala ɩ nyɩ nʋnɔ na a bala tɛw na nʋnɔ nyɩ, bõ yar nyɩ na lɛ pɔw? A lãpo-dierbe maa mɩ maal a lɛ wa mɩɩ? 47A ala ɩ a nyɩ nɩ-nʋnɩsɩ tɛw nyɩ puoro, a nyɩ maalfʋ sa na a nɩŋmɛɛ maalfʋ mɩɩ? A tɩbɛ deme maa mɩ maal a lɛ wa mɩɩ? 48Ala-ɩ̃-sɔ, nyɩ́ ɩ cɛcɛ a mɩnɛ a nyɩ Sãa na be a saa juu na ɩ a cɛcɛ.
Đang chọn:
Matie Sɛbɛ 5: BNT93
Tô màu
Chia sẻ
So sánh
Sao chép
Bạn muốn lưu những tô màu trên tất cả các thiết bị của mình? Đăng ký hoặc đăng nhập
Le Nouveau Testament en langue birifor © Alliance Biblique au Burkina Faso, 1993.
