MATIUS 3
3
Khotbah Yohanes Pembaptis
(Mrk. 1:1-8; Luk. 3:1-18; Yoh. 1:19-28)
1Pado waktau'o tekoba Yohanes Pembaptis neak padang pasir daerah Yudea, ngen muloi bekhotbah. 2#Mat. 4:17; Mrk. 1:15 Si madeak, “Bertobatbah kunei duso-dusonu kerno Allah bakea segro meriteak sebagai Rajo!” 3#Yes. 40:3 Yohanes dioba de Nebai Yesaya nadeak,
“Ade sae tun menggang neak padang pasir,
‘Seniapba dalen utuk Tuhan;
nelu'usba dalen utuk-Ne.’ ”
4 #
2Raj. 1:8
Yohanes makei keracok kunei bulau uto, teng kunei babok, kembukne belalang ngen medau imbo. 5Sesudo'o tekoba ngen Yohanes tun-tun kunei kota Yerusalem, kunei daerah Yudea ngen daerah biding Bioa Yordan. 6Tobo'o makau duso-dusone lajau Yohanes membaptis tobo'o neak Bioa Yordan.
7 #
Mat. 12:34, 23:33 Tapi waktau Yohanes kemliak dau tun Farisi ngen tun Saduki teko utuk dibaptis, si madeak ngen tobo'o, “Udi tun jahat! Api madeak ngen udi amen udi nam nilok kunei murko gi bakea teko? 8Kemtenba uleaknu amen ko bi betobat kunei duso-dusonu. 9#Yoh. 8:33 Jibeak kiro ko nam keluea kunei ukuman, ngen madeak Abraham adeba ninik puyongnu. Ingetba Allah nam jemijai turunan Abraham kunei butau-butau yo! 10#Mat. 7:19 Kapok bi siap utuk tembang pun sapei balet-baletne pun de coa baik bueakne mestai tembang ngen nuang lem opoi. 11Uku membaptis udi ngen bio'a betando udi bi tobat kunei duso-duso, tapi Si de bakea teko sesudo uku, bakea membaptis Udi ngen opoi ngen Roh Sucai kunei Allah. Si lebiak bekuaso kunei uku. Utuk mbin sepatu-Ne bae uku coa patas. 12Alat utuk tempai bi neak tangen-Ne utuk mbersih gendum-Ne, gendum bakea nelunggukne neak lem tuoa, tapi kute kaleak-Ne bakea nembem neak lem opoi de coa nam padem.”
Yesus dibaptis Yohanes
(Mrk. 1:9-11; Luk. 3:21-22)
13Lalauba Yesus kunei daerah Galilea moi Bioa Yordan neak di Si teko ngen Yohanes utuk dibaptis. 14Tapi Yohanes cemubo temgeak kinoi Yesus. Yohanes madeak, “Ukuba seharusne dibaptis ngen Bak. Uyo malah Bak de teko ngen uku.”
15Tapi Yesus jemawab, “Kunyauba hal'o tejija, kerno ngen menea ite kemerjo kute kelok Allah.” Jijai Yohanes membaptis Yesus.
16Sesudo dibaptis, Yesus segro keluea kunei lem bio'a. Tibo-tibo lenget tukok ngen Yesus kemliak Roh Sucai kunei Allah tu'un awei burung daro moi das-Ne. 17#Kej. 22:2; Mzm. 2:7; Yes. 42:1; Mat. 12:18, 17:5; Mrk. 1:11; Luk. 9:35 Lajau tiukba saei Allah de madeak, “Dioba Anok de Uku kamasiak, Si semnang atei-Ku.”
Đang chọn:
MATIUS 3: REJ
Tô màu
Chia sẻ
Sao chép
Bạn muốn lưu những tô màu trên tất cả các thiết bị của mình? Đăng ký hoặc đăng nhập
@ LAI 2011 Indonesian Bible Society (Lembaga Alkitab Indonesia)