MATIUS 2
2
Tun-tun pacok lemau bitang kunei Timur
1Yesus laher neak kota Betlehem, taneak Yudea, waktau Rajo Herodes dong meriteak. Waktau'o kekedau tun pacok lemau bitang teko kunei timur moi kota Yerusalem. 2Tobo'o betanye neak kute penan, “Janokah kumu namen penan Cupik de bakea jijai rajo tun Yahudi'o? Keme bi kemliak bitang de jijai tando-Ne neak timur. Kerno'o keme teko utuk sembeak Si.”
3Temi'uk hal'o, tun-tun Yerusalem kembiak tekanjet ngen liseak. Awei'o kulo Rajo Herodes, waktau kabar'o si temi'uk. 4Rajo Herodes sudo'o mundang kute imem kepalo (ketib) ngen gu'au-gu'au agamo bangso Yahudi utuk teko moi istana. Si betanye ngen tobo'o, “Janokah kumu namen neak ipe Rajo Penyelamat de jenanjai Allah'o bakea laher?”
5“Neak kota Betlehem, neak taneak Yudea, rajo. Simmet tobo'o hal'o sesuai ngen kabar de sudo tenulis nebai,
6 #
Mi. 5:1
‘Hoi kumu, tun-tun kota Betlehem, neak taneak Yudea,
jibeak manggap kotanu bakea titik taine nebanding kota-kota utamo de ade neak taneak Yehuda.
Kerno kunei lem kotanu bakea laher suang pemipin lai.
Si bakea mipin Israel, umat-Ku.’ ”
7Sudo temi'uk kabar'o, Rajo Herodes lajau mundang kekedau tun pacok lemau bitang'o moi istana utuk temau seca'o pribadi ngen si. Rajo Herodes betanye ngen tobo'o, tengen tepatne kumu kemliak bitang tando'o. 8Sesudo pues ngen simmet tun-tun pacok lemau bitang'o, Rajo Herodes semayo tobo'o temrus maneune. Nadeakne, “Lalauba mesoa Anok'o sapei dapet. Amen sudo temau, segro melei namen uku. Uku kulo lok sembeak Si.”
9-10Lajau tobo'o lalau. Tobo'o kemliak igai bitang neak depeak timur. Tobo'o kembiak riang kemliak bitang'o! Bitang'o ade neak adep tobo'o, lajau bedan pas neak penan Anak'o. 11Tobo'o masuk lem umeak'o, si kemliak Anok'o ngen mak-Ne, Mariam. Tobo'o sembeak Anok'o. Sesudo'o tobo'o mukok kutak harto. Si melei mas, kemenyen ngen mur utuk Anok'o. 12Allah minget tobo'o supayo jibeak belek moi rajo Herodes. Jijai liwet dalen luyen.
Nyikir moi Mesir
13Sesudo tun-tun pacok lemau bitang'o lalau malaikat Tuhan kemten diraine ngen Yusuf neak lem mipai, Malaikat'o madeak, “Klongonba, mokba Anok'o ngen mak-Ne, kerno Herodes mesoa Anok'o utuk munuak-Ne. Kerno'o klongonba mbin Anok ngen mak-Ne nyikir moi Mesir.”
14Tinggeaba neak di sapei Uku miling igai ngen ko. Yusuf klongon, klemen'o kulo simok Anok'o ngen mak-Ne nyikir moi Mesir. 15#Hos. 11:1 Tobo'o tinggea neak di sapei Herodes ninggea.
Hal'o tejijai jano awei de Tuhan madeak liwet nebai-Ne, “Uku medeu Anok-Ku keluea kunei Mesir.”
Herodes meluak munuak anok-anok semanei neak Betlehem
16Tiko Herodes namen tun-tun pacok lemau bitang'o kunei timur nikene, Herodes kembiak mengiak. Si meluak munuak kute anok-anok semanei de be omor duai taun mimbeak neak kota Betlehem ngen biding-bidingne. Hal'o pas ngen jano de nadeak tun pacok lemau bitang ngen si, tetang bitang'o timboa.
17Hal'o tejijai awei jano de nadeak Nebai Yeremia,
18“Tun-tun temi'uk saei neak kota Rama,
sa'ei tun nginoi kembiak ibo;
do'oba saei Rahel;
dong nginoi kerno anok-anokne bi ninggea si coa lok nibur.”
Belek kunei Mesir
19Sesudo Herodes ninggea, Malaikat Tuhan kemten dirai igai ngen Yusuf neak lem mipai. Waktau'o Yusuf gi masiak neak Mesir. 20Malaikat'o madeak, “Tun-tun de lok munuak Anok'o bi ninggea. Kerno'o klongonba, mokba Anok ngen mak-Ne ngen lalauba moi Israel.” 21Sesudo Yusuf klongon, nembinne Anok ngen Mariam lalau moi Israel.
22Tiko Yusuf temi'uk bahwo Arkhelaus, anok Herodes sudo gitei bakne jijai rajo neak kota Yudea, Yusuf saben moi mini. Sesudo'o si dapet petunjuk Tuhan lem mipai, si lalau moi daerah Galilea. 23#Mrk. 1:24; Luk. 2:39; Yoh. 1:45 Neak di, si tinggea neak kota Nazaret. Hal'o tejijai awei de nadeak nebai-nebai tetang Anok'o: “Si bakea senbut Tun Nazaret.”
Đang chọn:
MATIUS 2: REJ
Tô màu
Chia sẻ
Sao chép
Bạn muốn lưu những tô màu trên tất cả các thiết bị của mình? Đăng ký hoặc đăng nhập
@ LAI 2011 Indonesian Bible Society (Lembaga Alkitab Indonesia)