Lukas 3

Si Yohanes Mabaptis

(Mat. 3:1-12; Mrk. 1:1-8; Yoh. 1:19-28)

1Muntep asi ta'un sangapulu' lima si Kaisar Tiberius makatimboi ing kakawasaan ang kakolanoan Romawi, si Pontius Pilatus mamuali gubernur an Yudea wo si Herodes makatimboi ing kakawasaan ang Galilea. Wo si Filipus tuari toloateken i Herodes, makatimboi ing kakawasaan an Iturea wo an Trakhonitis. Si Lisanias makatimboi ing kakawasaan an Abilene, 2wo ka'i imam wangko' an tutuw itu si Hanas wo si Kayafas. Wo asi témpo ituke' si Amang Kasuruan méé mai in Taar-Na a si Yohanes toyaang i Zakharia an tana' kapayasan. 3Wo si Yohanes mai am pakasa in sangkum in doyongan Yordan wo en Taar i Amang Kasuruan itu ipengangko-ngangko'na am bitu. Em paangko'na tana'i, “Mape'diso mangé ang kamesé-meséaan wo iwééo mio' en owak iow baptisen wosama' ampungan oka i Amang Kasuruan eng kamesé-meséaan iow.”

4 # Yes. 40:3-5 En itu meputé si aipatic an untep ing kitap i nabi Yesaya tana'i:

“Awéan oka tou mengangko-ngangko' an tana' kapayasan,

em paangko'na tana'i,

‘Tu'tuleno en lalan torona i Casuruan

wo rondoren en lalan langkoian-Na.

5Pakasa en léona pakatawu-tawunan,

eng kuntung wo en tolaina pakarata-ratan,

en lalan mapéngko-péngkor pakarondo-rondoren

wo sé lalan ra'ica rata, pakarata-ratan.

6Wo pakasa en tou ang kayo'baan suméré oka tambisa si Amang Kasuruan lumowir sé tou.’ ”

7 # Mat. 12:34, 23:33 Keli en tou mai a si Yohanes e mapabaptis. Taan aicuanake' ai séra in tana'i, “Éi icamu tou léwo', kamu meputé si ula' rumacu-racung! Paweroten iow réén kamu ro'na icawekar an ukuman si maai sa? 8#Yoh. 8:33 Wo tioo kamu mawerot ampa'paan kamu taranak i Abraham akar kamu malowir sa, icuaku ai camu, sé watu anio' ro'na émaan i Amang Kasuruan mamuali taranak i Abraham. Aweso taré kamu mengaéma'o mangé pakasa sé loor tanu tuus kamu imape'diso ang kamesé-meséaan! 9#Mat. 7:19 Sé tou ra'ica kiim mape'dis maéma' ing kaléwo'an, ukumen oka i Amang Kasuruan. En andéanna tanu si tou tumongkéi in tuura, si tumu'tulo im pati an a'mut in tuura en tongkéi in tuura sé ra'ica mengawéé wua'na loor wo tiya' an api.”

10Wo sé tou keli itu mamuéi a si Yohanes, “Sa réén taniitu, sapa e musti émaan ami?”

11Isowatna, “Si séi sé makaanu rua karai, si karai esa musti iwééna a si tou ra'ica wana karai wo si séi si makaanu ing kakanen, musti mengawéténg ing kakanen a sé tou sé ra'ica wana kakanen.”

12 # Luk. 7:29 Sé matagi im pajak ka'i mai mapabaptis a si Yohanes. Wo séra mamuéi a si Yohanes, “Guru, sapa e musti émaan ami?”

13Isowatna, “Tioo matagi im pajak lumébémai eng kakeli wo si aitantuo é maperénta.”

14Wo awéan ka'i sé suraro am bitu mamuéi a si Yohanes, “Tambisa andumoro' icami, sapa si musti émaan ami?”

Isowatna, “Tioo kamu mesusa sé tou torona makéré kauntu- ngan wo tioo mengaandét in doit é tou wo matudu sé ra'ica wutul ai séra. Taan takurake' eng kéréan iow asi laasa in tinawoi miow terimano mangé en itu.”

15An tutuw itu sé tou Yahudi memué-muéi an até sa si Yohanes anio' wona' si Kristus, si Colano Lumolowir si pengento-ngentoon éra itu.

16Wo icua i Yohanes ai séra, “Baptisenku kamu in dano, taan kekawus yaku maai oka si Tou eng kawasa-Na lumébé mai wo yaku, muka' in tali in sapatu-Na, yaku ra'ica patus. Baptisen-Na oka kamu i Roh Le'nas wo in api. 17Ipetané-Na sé tou maéman wo sé tou ra'ica maéman ai Sia. Tanu in andéan anio', e ni'u ipataap ang kama-Nao en tumané im béné' matu-watu wo sé pesel. Em béné' matu-watu umungen-Na am paumungan wo sé pesel itu tunun-Na oka an api si ra'ica mape'de-pe'del akar ing kauré-uré.”

18Taniituo si Yohanes makua in Abar Kaaruien andumoro' i Yesus Kristus a sé tou keli mapaké ing keli sina'u.

19 # Mat. 14:3-4; Mrk. 6:17-18 Taan si Herodes en sisisilenna walina, asi témpo itu sia peroma-romaan i Yohanes ampa'paan si Herodias penanaan i tuarina kinawéngnao wo ka'i ampa'paan sé kaléwo'an walina sé niéma'na. 20Sia makaaweske' taré iméma' ing kaléwo'an ampa'paan imuntep si Yohanes am bui.

Si Yesus nibaptis i Yohanes

(Mat. 3:13-17; Mrk. 1:9-11)

21Pakabaptisenai i Yohanes sé tou keli itu wo baptisennao ka'i si Yesus. Ang karoro'an i Yesus masombayang, mawuka'o mai en langit 22#Kej. 22:2; Mzm. 2:7; Yes. 42:1; Mat. 3:17; Mrk. 1:11; Luk. 9:35 wo e Roh Le'nas si tanuoka mombo tumumpa mai ai Sia. Wo kalingaano en suara i Amang Kasuruan maroma' in tana'i, “Icoo si Toyaang-Ku si caupus-Ku. Icoo e mengaarui in até-Ku.”

En daftar i ngara-ngaran é apo-apo' i Yesus

(Mat. 1:1-17)

23An tutuw i Yesus tumo'tol masusui, en umur-Na telu ngapulu' ngata'uno wona'. Sé tou a mangé mbitu maanggap, sapaoka Sia toyaang i Yusuf, toyaang i Eli, 24toyaang i Matat, toyaang i Lewi, toyaang i Malkhi, toyaang i Yanai, toyaang i Yusuf, 25toyaang i Matica, toyaang i Amos, toyaang i Nahum, toyaang i Hesli, toyaang i Nagai, 26toyaang i Maat, toyaang i Matica, toyaang i Simei, toyaang i Yosekh, toyaang i Yoda, 27toyaang i Yohanan, toyaang i Resa, toyaang i Zerubabel, toyaang i Sealtiel, toyaang i Neri, 28Toyaang i Malkhi, toyaang i Adi, toyaang i Kosam, toyaang i Elmadam, toyaang i Er, 29toyaang i Yesua, toyaang i Eliezer, toyaang i Yorim, toyaang i Matat, toyaang i Lewi, 30toyaang i Simeon, toyaang i Yehuda, toyaang i Yusuf, toyaang i Yonam, toyaang i Elyakim, 31toyaang i Melea, toyaang i Mina, toyaang i Matata, toyaang i Natan, wo toyaang i Daud, 32toyaang i Isai, toyaang i Obed, toyaang i Boas, toyaang i Salmon, toyaang i Nahason, 33toyaang i Aminadab, toyaang i Admin, toyaang i Arni, toyaang i Hezron, toyaang i Peres, toyaang i Yehuda, 34toyaang i Yakub, toyaang i Ishak, toyaang i Abraham, toyaang i Terah, toyaang i Nahor, 35toyaang i Serug, toyaang i Rehu, toyaang i Peleg, toyaang i Eber, toyaang i Salmon, 36toyaang i Kenan, toyaang i Arpakhsad, toyaang i Sem, toyaang i Nuh, toyaang i Lamekh, 37toyaang i Metusalah, toyaang i Henokh, toyaang i Yared, toyaang i Mahalaleel, toyaang i Kenan, 38toyaang i Enos, toyaang i Set, toyaang i Adam. Wo toyaang i Amang Kasuruan.

Đang chọn:

Lukas 3: TNT

Tô màu

Sao chép

So sánh

Chia sẻ