Salmos 149
149
Si̱ꞌantsjáa̱ Néná, kui xi rená
1¡Si̱ꞌantsjáa̱ Néná!
¡Ngayeje ñá nga si̱ꞌantsjaxtíi̱n,
ngatꞌa̱ ñá boá xi xota̱ na̱xi̱ńdaá xi kjimaꞌniátakón kuí!
¡Ko̱ndáa̱ ngo só xi tja̱tsi̱e̱!
2Ñá xí xota̱ Israee̱l,
xi tindyión na̱xi̱ńdá Jerusale̱n,
tsja ngatꞌiéná nga ko̱ndáa̱ Néná,
kui xi katsꞌéndaná ko̱jo kui xi rená,
3-4ngatꞌa̱ achichí tsjá maá kui kjo̱a̱a̱ xota̱ na̱xi̱ńdaá,
kó tsjaá nga xota̱ xi ni̱ma̱kjo̱a̱a̱ xi tsꞌén.
¡Si̱ꞌantsjáa̱ nga xchíkjinkꞌatsjá!
¡Ko̱ndáa̱ só nga si̱ꞌankjanié
arpa̱ ko̱jo pandero̱!
5Jún xota̱ na̱xi̱ńdá xí ꞌniátakónjnú Néná,
¡tsja ngatamajnú kjo̱a̱a̱ nga jún xí kiniꞌánjnú!
Nda tsi ndyi̱tsjayojoféjnú,
¡tsja ngatamajnú nga xchaꞌayájnú!
6Ti̱ꞌankjiénjnú ndso̱ꞌboajnú
nga si̱ꞌantsjájnúu̱ Néná,
kó chjábéjnú ngo ki̱cha̱ndojó xi yojó nga jó nga boaá,
7tsi̱ꞌe̱ nga si̱ꞌangajojnú nga ku̱i̱xkánjo̱jnú
xotaa̱ nanguii̱ ko̱jo xota̱ na̱xi̱ńdaá,
8tsi̱ꞌe̱ nga ńꞌniúki̱cha̱ kuítꞌajnú
já ree̱, ko̱jo xota̱ xi botixómaá,
9tsi̱ꞌe̱ nga kjo̱tjosón kjo̱a̱botíjé
xi Néná jè katsjá kondraa̱ kui xotaa̱.
Jún xota̱ na̱xi̱ńdá xí ꞌniátakón Néná,
¡kuí nii̱ xi ꞌniú tsja ngatamajnú!
¡Si̱ꞌantsjáa̱ Néná!
Đang chọn:
Salmos 149: MAIX
Tô màu
Chia sẻ
Sao chép
Bạn muốn lưu những tô màu trên tất cả các thiết bị của mình? Đăng ký hoặc đăng nhập
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014