Salmos 148
148
Ngayeje ni xi katsꞌénda Néná, Néná ngatsꞌentsjaá
1-4¡Si̱ꞌantsjáa̱ Néná!
¡Ngatsꞌentsjaá nkꞌajmi xi nkꞌaa̱!
¡Ngatsꞌentsjaá ndítsjiee̱!
¡Ngatsꞌentsjaá tsꞌueé ko̱jo saá!
¡Ngatsꞌentsjaá ńñoo̱!
¡Ngatsꞌentsjaá stseé!
¡Ngatsꞌentsjaá ngayeje nkꞌajmii̱!
5Si̱ꞌantsjáa̱ Néná,
ngatꞌa̱ ta̱ ngo tsí kjo̱a̱ katsjá,
kó kamánda ngayeje ni xi tjiín.
6Néná boá xi ꞌniú íjñá
nga kisꞌindo ngatsjé ni̱xtjin ngayeje nii̱,
jè katsjá ngo kjo̱a̱
xi ka̱májín ko̱sikjo.
7¡Ngatsꞌentsjaá tꞌananguii̱!
¡Ngatsꞌentsjaá cho̱ chꞌokon xi tjín ngu̱i̱jin ndáchíkoón!
¡Ngatsꞌentsjaá ndáchíkón na̱nga̱a̱!
8¡Ngatsꞌentsjaá nga foaꞌatꞌee̱ ko̱jo ndókoaá!
¡Ngatsꞌentsjaá nchꞌaán ko̱jo ṉdi̱xa̱a̱!
¡Ngatsꞌentsjaá tjo̱ꞌniú
xí ntꞌiéꞌeén kjo̱a̱ xi tsjá!
9¡Ngatsꞌentsjaá na̱xi̱i̱ ko̱jo tji̱ngu̱i̱i̱,
ko̱jo yákoón, ko̱jo yá xí tsjá too̱!
10¡Ngatsꞌentsjaá ni̱siee̱, ko̱jo cho̱ xi ꞌbifé yojoo̱,
ko̱jo cho̱ tjieé, ko̱jo cho̱ tamaá!
11¡Ngatsꞌentsjaá já re xi tjín kuí nga̱sondiee̱!
¡Ngatsꞌentsjaá nguito̱ko̱o̱,
ko̱jo xota̱xá xi botixómaá ngayeje na̱xi̱ńdaá!
12¡Ngatsꞌentsjaá jákjíndí ínchjiín,
ko̱jo jákjíndí xíꞌiín, ko̱jo xota̱ xixchaá,
já xo̱ngo̱ó ko̱jo ínchjín xo̱ngo̱ó!
13¡Si̱ꞌantsjáa̱ Néná,
ngatꞌa̱ ta̱ kuí tsí bo̱a̱ xi Néná!
¡Ta̱ kuí tsí bo̱a̱ xi tsoboaá nga si̱ꞌantsjáa̱!
¡Kjo̱a̱jee̱ nkꞌa ngase tikón
ta̱bo̱a̱jiín tꞌananguii̱ ko̱jo nkꞌajmii̱!
14¡Néná tsjaá ngaꞌniú xota̱ na̱xi̱ńdaá!
¡Kuíni nga ñá niꞌántsjáa̱,
ngatꞌa̱ ñá boá xota̱ na̱xi̱ńdá xí tjoó!
¡Si̱ꞌantsjáa̱ Néná!
Đang chọn:
Salmos 148: MAIX
Tô màu
Chia sẻ
Sao chép
Bạn muốn lưu những tô màu trên tất cả các thiết bị của mình? Đăng ký hoặc đăng nhập
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014