Yòhánà 4
4
Yèésù kpàɖé ɔnɔbɛ̃̀ɛ̃-Sàmàríyà-kã̀, tsí wíìnyɛ̀ fúu ti nára-omi yèé náa fúnɛ náàyɛ̀#ɛ́
1-2Ńbɛ̀ɛ́, ɔma-ɛgbɛ́-Fàrísì† ŋa gbɔ́ ní Yèésù wà gba ɔmatsɛ́ láre Yòhánà†, tsí ó wà wɛ̀† fú ŋa. Ìɖéǹɖè#ɛ́, Yèésù òŋu ká‐ɛ̀ kò wà wɛ̀† fú ɔ̀nyà-kã̀ kpókpó. Ɔmatsɛ́‐ɛ̀ ŋa ní wà wɛ̀ fúnɛ#ɛ́. Kíbí Yèésù gbɔ́ afɔ̀ nyɛ̀ŋɛ̀#ɛ́, 3ó ǹɖe nérè-Yùɖéyà bɛ̀, tsí sɛ̃̀ lɔ nérè-Gàlìlé.
4Báàyí#ɛ́, ó wà ní kó gbà nérè-Sàmàríyà†. 5Ńbɛ̀ɛ́, ó káà tó ńǹlú-Sàmàríyà-kã̀. À náa kpe ìlú#ɛ́ ní Sùtsàrí, tsí ó wà sɔ́má-ilɛ̀-Yòsɛ́fù†. Ilɛ̀#ɛ́, boba‐ɛ̀, Yàkúbù† ní ti fúu ńnɛ̀ wáa lɔ dzɔ̀ɔ́ dzɔ̀ɔ́#ɛ́. 6Kàga-kã̀ wà ńǹtalɛ̀#ɛ́ bɛ̀, kàga-Yàkúbù ni. Tsí kíbí Yèésù tó nétí-kàga#á, ìrɛ̃̀#ɛ́ káa, tsí ó nyí dzokó nétí-kàga#á. Nóòsã́ gãgã tóɖóɖóó ní ó tó bɛ̀#ɛ́.
7Ńǹwèrè nyɛ̀ŋɛ̀#ɛ́, ɔnɔbɛ̃̀ɛ̃-Sàmàríyà-kã̀ gbo wá, tsí bòkó wáa kpɔ̃mi ńkàga#á. Tsí Yèésù wà wí fúu ní: Òŋu tsìkálɛ̀ fúu, kó fú òŋu nómi, tsí òŋu kó mɔ. 8(Náàsòkò nyɛ̀ŋɛ̀#ɛ́, ɔmatsɛ́‐ɛ̀ ŋa lɔ náàŋírĩ-ìlú#ɛ́, tsí ká káà ra dzídzɛ.)
9Tsí ɔnɔbɛ̃̀ɛ̃-Sàmàríyà#á wà bere Yèésù ní: Bí òŋu, ɔma-Ìyúɖà† nákó wà bere òŋu, ɔma-Sàmàríyà nómi fáà? (Ìɖéǹɖè#ɛ́, ɔma-Sàmàríyà ŋa òŋu ɔma-Ìyúɖà ŋa kà rɛ́.)
10Tsí Yèésù wà wí fúu ní: Ó má tsi ó ma ɔ̀yà-ɔ̀fɛ́ yèé Ɔ̀ɖáyé náa tse fúnɛ#ɛ́ òŋu ɔ̀nyà yèé òŋu dzɛ́ tã́ná wà bèrèé nómi#ɛ́, ó má bere òŋu, tsí òŋu má fúu nómi yèé náa fúnɛ náàyɛ̀#ɛ́.
11Tsí ɔnɔbɛ̃̀ɛ̃#ɛ́ wà wí fúu ní: Ɔ̀gá, ó ɖi, kò nɛ́ iŋɛ́ yèé à náa ń kpɔ̃mi#ɛ́, tsí kàga#á gbo nɔnɔ̀. Bí nákó nyáa tse fáà, tsí fú òŋu nómi yèé náa fúnɛ náàyɛ̀#ɛ́? 12Gbágbóǹgbàgbò-àŋa Yàkúbù ní ɖɛ̃ kàga yèé fú àŋa#á, tsí òŋu ká‐ɛ̀ gbo mɔmi‐ɛ̀. Tsí ɔma‐ɛ̀ ŋa òŋu ɛrã‐ɛ̀ ŋa gbo mɔɔ́. Ó ɖi, ó wà rí ní òŋu láre Yàkúbù niì?
13Tsí Yèésù sɛ̃̀ wà wí fúu ní: Ɔ̀nyà ɔ̀kã̀lɔ́ɔ̀kã̀ yèé nákó mɔmi nyɛ̀ŋɛ̀#ɛ́, àŋgbɛ̃ nákó sɛ̃̀ gbɛ̃ɛ̃́ ró. 14Ó ɖi, bí òŋu, òŋu fú ɔ̀nyà-kã̀ nómi, tsí ó mɔ, àŋgbɛ̃ kàkó gbɛ̃ɛ̃́ láyé ró. Omi yèé òŋu nákó fúu#ɛ́ nákó wà bɔ́ ńnɔ́‐ɛ̀ kíbí omi náa bɔ́ néwo-oɖò bɛ́#ɛ́, tsí wà fúu náàyɛ̀-àrìtã́.
15Tsí ɔnɔbɛ̃̀ɛ̃#ɛ́ ní: Ɔ̀gá, kó fú òŋu nómi#ɛ́, tsí àŋgbɛ̃ kó máa gbɛ̃ òŋu, tsí òŋu kó wáa kpɔ̃mi bí ró.
16Tsí Yèésù wí fúu ní: Kó lɔ káà kpe ɔkɔ‐ɛ̀, tsí ká wá.
17Tsí ó ní: Òŋu kò nɔ́kɔ.
Tsí Yèésù wà wí fúu ní: Bí ó fɔ̀ ní òŋu kò nɔ́kɔ#ɛ́, afɔ̀‐ɛ̀ sã̀. 18Iŋɛ́ yèé tse#ɛ́, ó ti nɔ́kɔ mɛ́ɛrú wáa lɔ. Tsí òŋu ɛnɛ yèé méèdzì wà si báàyí#ɛ́, onùkũ̀‐ɛ̀ ni. Ó ɖi, ó fɔ òtítɔ́ fú òŋu ni.
19Ńbɛ̀ɛ́, ɔnɔbɛ̃̀ɛ̃#ɛ́ wà wí fú Yèésù ní: Ɔ̀gá, òŋu rí ní agbáfɔ̀-Ɔ̀ɖáyé fɔ̀† ní ó dzɛ́#ɛ́. 20Ó ɖi, gbágbóǹgbàgbò-àŋa náa sɛ̃ Ɔ̀ɖáyé ńǹtá-òkè yèé. Tsí àŋa, ɔma-Ìsàràyɛ́lì† ŋa, à náa fɔ̀ ní ńYèrúsàlɛ́mì ní ó wà ní ká sɛ̃̀ɛ̃́#ɛ́. Afɔ̀-nɛ̀ɛ́ dzàre ńǹkɛ̀ɛ́?
21Tsí Yèésù wà wí fúu ní: Kó gba afɔ̀#ɛ́ gbɔ́. Ó ɖi, ìwèrè-kã̀ nákó wáa wá, tsí ɔ̀nyà-kã̀ kpókpó kàkó sɛ̃ Ɔ̀ɖáyé Boba ńǹtá-òkè yèé nàmí ńYèrúsàlɛ́mì gbo ró. 22Àŋa, ɔma-Sàmàríyà ŋa, à kò ma iŋɛ́ yèé à wà sɛ̃̀#ɛ́. Ó ɖi àŋa, ɔma-Ìyúɖà ŋa, àŋa ma iŋɛ́ yèé àŋa wà sɛ̃̀#ɛ́. Ìɖéǹɖè#ɛ́, gbà ńǹtá-àŋa ní Ɔ̀ɖáyé nákó gbanɛ là#á. 23Ńbɛ̀ɛ́, ìwèrè-kã̀ nákó wáa wá, ó ti tó gìɖì ná, tsí bí ɔ̀nyà-kã̀ wà wò ní òŋu kó sɛ̃ Ɔ̀ɖáyé Boba ìɖéǹɖè#ɛ́, Mímí-Ɔ̀ɖáyé† nákó mɔ́wɔ́ gbè fúu, tsí nákó sɛ̃̀ɛ̃́ nóòtítɔ́. Bɛ́ɛ̀ ní Ɔ̀ɖáyé wà wò ní ká sɛ̃ òŋu gbà#á, tsí ó wà wo ɛnɛ yèé ŋa nákó sɛ̃̀ɛ̃́ bɛ́ɛ̀#ɛ́. 24Ɔ̀ɖáyé, ó wà. Ó ɖi, kò nɛ́ ara, tsí ká nyáa ríi. Ńbɛ̀ɛ́, bí ɔ̀nyà-kã̀ wà wo kó sɛ̃̀ɛ̃́, ó wà ní Mímí-Ɔ̀ɖáyé kó mɔ́wɔ́ gbè fúu, tsí kó sɛ̃̀ɛ̃́ nóòtítɔ́.
25Tsí ɔnɔbɛ̃̀ɛ̃#ɛ́ wà wí fúu ní: Òŋu mà ní Mɛ̀síyà†, ɛnɛ yèé à náa kpè ní Kírísítò#ɛ́ nákó wáa wá. Bí ó wá, nákó nya òkpì-iŋɛ́ ɔ̀kã̀lɔ́ɔ̀kã̀ kpó fú àŋa.
26Tsí Yèésù wà wí fúu ní: Òŋu yèé wà wíìnyɛ̀ fúu#ɛ́, òŋu ní dzɛ́ Kírísítò#ɛ́.
27À wà ńǹnyɛ̀#ɛ́ si, tsí ɔmatsɛ́-Yèésù† ŋa wáa tó. Tsí kíbí à rí ní òŋu ɔnɔbɛ̃̀ɛ̃ ní wà wíìnyɛ̀#ɛ́, ó mù ŋá. Tsí ɔ̀nyà-kã̀ kpókpó náàŋírĩ-ŋa kò sì nyáa bèrèé ní: Kí ó wà wò ńɖi-ɔnɔbɛ̃̀ɛ̃#ɛ́ nàmí kí tse tsí ó wà wíìnyɛ̀ báa.
28Ńbɛ̀ɛ́, ɔnɔbɛ̃̀ɛ̃#ɛ́ kɔ ògé‐ɛ̀ dzɔ̀ɔ́ nétí-kàga#á, tsí sɛ̃̀ lɔ ńlé, tsí wà wí fú ɔ̀nyà-ìlú ŋa#á wérí ní: 29Ká wáa rí gé! Òŋu rí ɔ̀nyà-kã̀, tsí ó fɔ iŋɛ́ yèé òŋu tse wáa lɔ ŋa#á kpó fú òŋu. Ɛnɛ nyɛ̀ŋɛ̀ kàkó dzɛ́ Kírísítò Agbanɛlà#á báàyíì?
30Tsí ɔ̀nyà ŋa fùɖá ńnɔ́-ìlú#ɛ́ kpó, tsí dzì nɔ́ɔ̀nà-ìɖì-Yèésù.
31Ńǹwèrè nyɛ̀ŋɛ̀#ɛ́, ɔmatsɛ́‐ɛ̀ ŋa wà tsìkálɛ̀ fúu ní kó dzɛŋɛ́, tsí à ní: Akɔ́nɛ, dzɛŋɛ́ oɖé nɔ̀!
32Tsí ó wà wí fú ŋa ní: Ìdzɛ-òmírɛ̃̀ wà fú òŋu, tsí òŋu bòkó dzɛ, ìdzɛ yèé à kò mà#á ni.
33Tsí ɔmatsɛ́ ŋa#á wà bere ara-ŋa ní: Ɔ̀nyà-kã̀ kɛ́ dzídzɛ-kã̀ wá fúuù?
34Tsí Yèésù wà wí fú ŋa ní: Dzídzɛ-òŋu ní dzɛ́ ní òŋu kó tse awù-ɛnɛ yèé bɛ òŋu wá#á, tsí itsɛ́ yèé ó ń bɔwɔ́-òŋu#ɛ́, òŋu kó tseé dzálɛ̀. 35Ó ɖi, àŋa ká-ŋa náa kpòwe ní: Ó bɔ òtsùkpá mɛ́ɛrɛ̃, tsí ká kpaɖí ìdzɛ-oko ŋa nɔ̀! Òŋu wà wí fú ŋa ní fee, ká kɛ́ odzú lɔ ńǹgbèrí, tsí ká rí oko ŋa#á rere. Ìdzɛ-oko ŋa#á ti kpã́, tsí gbɛ̃, tsí tó kpíkpaɖí ná. 36Tsí ɛnɛ yèé wà kpaɖí ìdzɛ-oko#ɛ́, òŋu ti wà gbowó-tɛ̀ɛ̀. Ó wà kpaɖí dzídzɛ ŋa#á fú àyɛ̀-àrìtã́, àtsùgbée ɛnɛ yèé gbɛ̃ ìdzɛ#ɛ́, òŋu ɛnɛ yèé wà kpaɖí‐ɛ̀#ɛ́, ká táyè má náàdzɔ́. 37À náa kpòwe-kã̀ ní: Olòmírɛ̃̀ náa gbɛ̃ ìdzɛ, tsí olòmírɛ̃̀ náa kpaɖí‐ɛ̀. 38Ó ɖi, òŋu bɛ̀ ŋá lɔ ní ká káà kpaɖí ìdzɛ nóko. Oko#ɛ́, àŋa ká-ŋa, à kò réré nóòkpì‐ɛ̀ gìɖì. Olòmírɛ̃̀ ŋa réré, tsí tsitsɛ́, tsí àŋa òŋu, à wà dzèrè‐ɛ̀.
39Kíbí ɔnɔbɛ̃̀ɛ̃#ɛ́ káà fɔ̀ ńǹlú#ɛ́ ní: Yèésù fɔ iŋɛ́ yèé òŋu tse wáa lɔ ŋa#á kpó#ɛ́ fú òŋu#ɛ́, ɔma-Sàmàríyà yèé wà ńǹlú#ɛ́ bɛ̀ ŋa#á, kpíkpɔ̀-ŋa gba Yèésù gbɔ́. 40Ńbɛ̀ɛ́, kíbí à tó ńɖi-Yèésù#ɛ́, à tsìkálɛ̀ fúu ní kó gbé ńɖɔ̀-àŋa. Tsí Yèésù tse ɔdzɔ́ méèdzì ńɖi-ŋa. 41Kíbí ó wà ńɖi-ŋa si#ɛ́, ó wíìnyɛ̀ fú ŋa, tsí ɔ̀nyà kpíkpɔ̀ tɔ́ nɛ́ àkaralé si ńǹtá‐ɛ̀ ró. 42Tsí à wà wí fú ɔnɔbɛ̃̀ɛ̃#ɛ́ ní: Kò tsi àtsùgbée afɔ̀ yèé ó wí fú àŋa#á ní tse tsí àŋa nɛ́ àkaralé si ńǹtá-Yèésù#ɛ́. Ó ɖi, òŋu ká‐ɛ̀ wíìnyɛ̀, tsí àŋa ká-àŋa, àŋa gbɔ́, tsí àŋa mà ìɖéǹɖè ní ó dzɛ́ Agbanɛlà fú ɔ̀nyà kpó.
Yèésù bɔ ɔma-ègbènáànyì-ólú-kã̀
(Màtéwò 8:5-13; Lúkà 7:1-10)
43Kíbí Yèésù tse ɔdzɔ́ méèdzì bɛ̀ tã́#á, ó sɛ̃̀ dzì nɔ́ɔ̀nà-Gàlìlé#ɛ́. 44Òŋu ká‐ɛ̀ ti fɔ̀ wáa lɔ ní: Agbáfɔ̀-Ɔ̀ɖáyé fɔ̀†-kã̀ kpókpó kà tó ńǹlú tòŋu ká‐ɛ̀, tsí ká nɛ́ àrísá fúu láyé. 45Ó ɖi, kíbí ó tó ńGàlìlé#ɛ́, ɔ̀nyà ŋa gbàá rere tó bɛ́ɛ̀. Iŋɛ́ yèé tse#ɛ́, àŋa gbo, à lɔ ńYèrúsàlɛ́mì, tsí káà dzɛ ɔɖɔ̃́-Àɖádzɔ̀ɔ́†#ɛ́, tsí à rí iŋɛ́ yèé Yèésù tse ŋa bɛ̀ kpó#ɛ́.
46Tsí Yèésù sɛ̃̀ lɔ ńKánà nérè-Gàlìlé, ńbí ó sɔ omi ɖi ɔtí#ɛ́. Ńbɛ̀ɛ́, ɔ̀nyà-kã̀ wà, tsí dzɛ́ ègbènáànyì-ólú. Tsí ɔma‐ɛ̀ ɔnɔkɛ̃̀ɛ̃ wà ńKàfànàwú, tsí wà tsàkɔ̃̀rɔ̃̀, tsí bòkó kú. 47Tsí kíbí ɛnɛ#ɛ́ gbɔ́ ní Yèésù ti nérè-Yùɖéyà, tsí wá ńGàlìlé#ɛ́, ó ròó lɔ, tsí káà tsìkálɛ̀ fúu ní kó wá, tsí kó wáa bɔ ɔma-òŋu fú òŋu. Ó ɖi, ó wà tsàkɔ̃̀rɔ̃̀, tsí bòkó kú.
48Tsí Yèésù ní: Àŋa òŋu, bí à kò rí iŋɛ́-àwùsì ŋa ńǹrɔ́ǹrɔ́, à kàkó gbà gbɔ́ láyé.
49Tsí ɛnɛ#ɛ́ wà wí fúu ní: Ɔ̀gá, wá ńɖɔ̀-mi tã́ná ɔma-mi kó kú náa.
50Tsí Yèésù wí fúu ní: Kó lɔ! Ó ɖi, ɔma‐ɛ̀ kàkó kú ró.
Ńbɛ̀ɛ́, ɛnɛ#ɛ́ gba afɔ̀ yèé Yèésù fɔ̀ fúu#ɛ́ gbɔ́, tsí ó dzì nɔ́ɔ̀nà. 51Kíbí ó dzì nɔ́ɔ̀nà làkóò#ɛ́, àtsìtsɛ́‐ɛ̀ ŋa ròó bàa, tsí ó kpàɖé ŋa. Tsí à wí fúu ní: Ara le ɔma‐ɛ̀.
52Tsí ó wà bèrè ŋá ní: Ńǹwèrè yèésí ara#á tùú?
Tsí à wí fúu ní: Nɔ́ɔná kíbí odzúùrɔ̃̀ nyí kpaɖà#á ní otútù#ɛ́ gbã̀ã́#á.
53Ńbɛ̀ɛ́, boba-maɖé#ɛ́ tédzú ní náàsòkò nyɛ̀ŋɛ̀ tútútú ní Yèésù fɔ̀ fú òŋu ní ɔma-òŋu kàkó kú ró#ɛ́. Tsí òŋu ká‐ɛ̀ gbo, kpàtá‐ɛ̀ gbo, àŋa kpó, à nɛ́ àkaralé si ńǹtá-Yèésù.
54Iŋɛ́-àwùsì-èkéèdzì yèé Yèésù tse#ɛ́ ńnɛ̀ɛ́. Kíbí ó bɔ̀ ti nérè-Yùɖéyà wáa lɔ ńGàlìlé#ɛ́ ní ó tseé#ɛ́.
Đang chọn:
Yòhánà 4: ngl
Tô màu
Sao chép
So sánh
Chia sẻ
Bạn muốn lưu những tô màu trên tất cả các thiết bị của mình? Đăng ký hoặc đăng nhập
© (Active), Wycliffe Bible Translators, Inc. All rights reserved.
