Yòhánà 3

Yèésù wí fú Nìkòɖɛ́mì ní Mímí-Ɔ̀ɖáyé náa fúnɛ náàyɛ̀ titɔ̃

1Náànyì-bɛ́ɛ̀#ɛ́, ɔ̀nyà-kã̀ wà, ɔma-ɛgbɛ́-Fàrísì† ŋa ní ó dzɛ́#ɛ́. Tsí à náa kpèé ní Nìkòɖɛ́mì, tsí ó dzɛ́ onùgbó-ɔma-Ìyúɖà† ŋa. 2Tsí ó ɖi nɔ́dzɔ́-kã̀ nóoru, tsí ó lɔ ńɖi-Yèésù, tsí wà wí fúu ní: Akɔ́nɛ, àŋa mà ní Ɔ̀ɖáyé ní bɛ̀ɛ́ wá ní kó wáa tsɛ̀kɔ́ fú àŋa#á. Iŋɛ́ yèé tse#ɛ́, ɔ̀nyà-kã̀ kpókpó kàkó nyáa tse iŋɛ́-àwùsì yèé ó wà tse ŋa#á bí Ɔ̀ɖáyé kò wà náànyì-ɛ̀.

3Tsí Yèésù dzɔ́ŋù fúu ní: Òŋu wà wí òtítɔ́ fúu ní fee, bí à kò sɛ̃̀ bí ɔ̀nyà-kã̀ titɔ̃ ró, kàkó nyáa rí oyè-Ɔ̀ɖáyé†, tsí Ɔ̀ɖáyé kó dzoyè si ńǹtá‐ɛ̀.

4Tsí Nìkòɖɛ́mì wà bèrèé ní: Ɛnɛ yèé ti ɖonùgbó tã́#á, bí à nákó nyáa sɛ̃̀ bíi titɔ̃ fáà ró? Nákó nyáa sɛ̃̀ wɔ̀ ńnɔ́-ìná‐ɛ̀, tsí ìná‐ɛ̀ kó sɛ̃̀ bíi nóláànkéèdzì róò?

5Tsí Yèésù dzɔ́ŋù fúu ró ní: Òŋu wà wí òtítɔ́ fúu ní fee, bí ɔ̀nyà-kã̀ wà, tsí Ɔ̀ɖáyé kò wɛ̀† fúu, tsí Mímí-Ɔ̀ɖáyé† kó fúu náàyɛ̀ titɔ̃, Ɔ̀ɖáyé kàkó gbàá si nóyè‐ɛ̀. 6Ó ɖi ɔ̀nyà, bí ó bíma, náa fú ɔma‐ɛ̀ náàyɛ̀ yèé wà fú òŋu ká‐ɛ̀#ɛ́ gé ni. Ó ɖi Mímí-Ɔ̀ɖáyé òŋu náa fúnɛ náàyɛ̀ titɔ̃, àyɛ̀ yèé ti ńɖi-Ɔ̀ɖáyé#ɛ́. 7Ó ɖi, kó máa kí dzã̀maa ní òŋu wà wí fúu ní àŋa kpó, ó wà ní ká sɛ̃̀, tsí bí ŋa titɔ̃ ró. 8Mímí-Ɔ̀ɖáyé wà kíbí afɛ́fɛ́ bɛ́ ni. Tsí afɛ́fɛ́ náa fɛ́ ńbí ó wùú#ɛ́ ni. Tsí bí ó fɛ́#ɛ́, nàa gbɔ́ ìtsèntse‐ɛ̀ gé ni. Ò kàkó ma ńbí ó ti#ɛ́, tsí ò kàkó ma ńbí ó làkóò#ɛ́ gbo. Bɛ́ɛ̀ ní ó wà fú ɔ̀nyà kpó yèé Mímí-Ɔ̀ɖáyé fú náàyɛ̀ titɔ̃#ɛ́.

9Kíbí Yèésù wí bɛ́ɛ̀ tã́#á, Nìkòɖɛ́mì wà bèrèé ní: Bí iŋɛ́ nyɛ̀ŋɛ̀ ŋa nákó nyáa tse fáà tsí tse?

10Tsí Yèésù wà wí fúu ní: Ó dzɛ́ akɔ́nɛ lákṹ-kã̀ fú ɔma-Ìsàràyɛ́lì† ŋa, tsí kò nyáa gbɔ́ òkpì-iŋɛ́ yèé ŋa nyíì? 11Ó ɖi, òŋu wà wí òtítɔ́ fúu ní fee, iŋɛ́ yèé àŋa mà rere#ɛ́, òŋu ní àŋa wà fɔ̀#ɛ́. Tsí iŋɛ́ yèé àŋa rí#ɛ́, òŋu ní àŋa wà wí#ɛ́. Tsí àŋa òŋu, à kò wà mú àyídzá-àŋa, tsí wà ń kpe òtítɔ́. 12Òŋu wà wíìnyɛ̀ ti nára-iŋɛ́-ìtalɛ̀ bí ŋa fú ŋa, tsí à kò wà gbàá gbɔ́. Bí òŋu wíìnyɛ̀ ti nára-iŋɛ́-ɔ̀rɔ̃ ŋa fú ŋa fee, bí à nákó tse fáà, tsí nyáa gbàá gbɔ́? 13Ɔ̀nyà-kã̀ kpókpó kò lɔ nɔ́ɔ̀rɔ̃ wòrí, tsí kó ma iŋɛ́ yèé wà bɛ̀#ɛ́. Ó ɖi, òŋu Ɛnɛ yèé ɔ̀nyà bí#ɛ́†, òŋu gé ní ti nɔ́ɔ̀rɔ̃ wá#á.

14Dzɔ̀ɔ́ dzɔ̀ɔ́#ɛ́, ńǹwèrè yèé ɔma-Ìsàràyɛ́lì ŋa wà nɔ́ɔ̀ɖã̀ si#ɛ́, Mɔ̀ɔ́sè† mú irɛ̃, tsí ń tse edzò-kã̀, tsí ɖìí si nɔ́ɔ̀kpá, tsí kɛ́ɛ lɔ ńǹgbèrí. Bɛ́ɛ̀ ké ní ó wà ní òŋu, Ɛnɛ yèé ɔ̀nyà bí#ɛ́, ká kɛ́ òŋu lɔ ńǹgbèrí gbà#á.#3:14 Afɔ̀ yèé ŋa Yèésù wà fɔ̀ bɛ́#ɛ́, ó wà wíìnyɛ̀-ikú yèé nákó kú si ńǹtá-egi-ìɖáàgàlàdzà#á òŋu kíbí nákó sɛ̃̀ lɔ ńɖi-Ɔ̀ɖáyé#ɛ́ ni. 15Ká kɛ́ òŋu lɔ ńǹgbèrí bɛ́ɛ̀, tsí ɔ̀nyà ɔ̀kã̀lɔ́ɔ̀kã̀ kpó yèé nákó nɛ́ àkaralé si ńǹtá-òŋu#ɛ́, kó rí àyɛ̀-àrìtã́.

16Ɔ̀ɖáyé nɛ́ àmúɖɔ̃̀ fú ɔ̀nyà-ìtalɛ̀ bí ŋa, títí ó mú Ɔma bíbí‐ɛ̀ ɔ̀kã̀ntso#ɛ́, tsí ń fú ŋa. Ó tse bɛ́ɛ̀, tsí ɔ̀nyà ɔ̀kã̀lɔ́ɔ̀kã̀ kpó yèé nákó nɛ́ àkaralé si ńǹtá‐ɛ̀#ɛ́, ká máa tsɛ̀rá, ká rí àyɛ̀-àrìtã́. 17Ɔ̀ɖáyé kò bɛ Ɔma‐ɛ̀ wá fú ɔ̀nyà ŋa, tsí kó wáa ɖáàbi fú ŋa. Ó bɛ̀ɛ́ wá fú ŋa, àtsùgbée kó gbà ŋá là gbà ńǹtá‐ɛ̀ ni.

18Bí ɔ̀nyà-kã̀ nɛ́ àkaralé si ńǹtá‐ɛ̀, Ɔ̀ɖáyé kò wà ɖáàbi fúu. Ó ɖi, ɛnɛ yèé kò nɛ́ àkaralé si ńǹtá‐ɛ̀#ɛ́, Ɔ̀ɖáyé ti ɖáàbi fúu. Iŋɛ́ yèé tse#ɛ́, kò nɛ́ àkaralé si ńǹtá-Ɔma bíbí‐ɛ̀ ɔ̀kã̀ntso#ɛ́. 19Mímá wá ńǹtalɛ̀ bí, tsí ɔ̀nyà ŋa dzáfɔ̀-òkùkù láre mímá, iŋɛ́ yèé tse#ɛ́, iŋɛ́-íbàɖí gé ní à náa tse#ɛ́. Ńnɛ̀ ní Ɔ̀ɖáyé ɖáàbi fú ŋa#á. 20Ɔ̀nyà ɔ̀kã̀lɔ́ɔ̀kã̀ kpó, bí náa tse íbàɖí, kà dzáfɔ̀-mímá, tsí kà dzɛ́ kó sɔ́má‐ɛ̀ gìɖì. Iŋɛ́ yèé tse#ɛ́, náa wà sá ní íbàɖí yèé òŋu wà tse#ɛ́, kó máa kí ńgbaŋgba, tsí ɔ̀nyà kpó kó ríi. 21Ó ɖi, ɛnɛ yèé wà tse òtítɔ́#ɛ́, òŋu náa mú ara‐ɛ̀ si ńmímá, tsí ɔ̀nyà ŋa kó rí ìtsèntse‐ɛ̀, tsí ká mà ní òŋu Ɔ̀ɖáyé méèdzì wà tsitsɛ́ náàdzɔ́.

Yòhánà Awɛ̀fúnɛ ní Yèésù láre òŋu

22Náànyì-bɛ́ɛ̀#ɛ́, Yèésù òŋu ɔmatsɛ́‐ɛ̀ ŋa ǹɖe, tsí lɔ nérè-Yùɖéyà. Tsí ó gbé bɛ̀ bá ŋa fú àsòkò-kã̀, tsí wà wɛ̀† fú ɔ̀nyà ŋa.

23Ńǹwèrè nyɛ̀ŋɛ̀#ɛ́, Yòhánà† gbo wà wɛ̀ fú ɔ̀nyà ŋa ńǹlú-Ɛ̀nɔ́nì. Ìlú#ɛ́ wà sɔ́má-ìlú-Sàlímì. Ó lɔ bɛ̀, tsí ɔ̀nyà kpíkpɔ̀ wá ńɖɔ̀‐ɛ̀, tsí ó wà wɛ̀ fú ŋa, iŋɛ́ yèé tse#ɛ́, omi wà bɛ̀ kpíkpɔ̀. 24Náàsòkò nyɛ̀ŋɛ̀#ɛ́, à kò mú Yòhánà si nɛ́ɛ̀ŋà wòná.

25Ńbɛ̀ɛ́, ó ɖi nɔ́dzɔ́-kã̀, tsí ɔma-Ìyúɖà ŋa-kã̀ òŋu ɔmatsɛ́-Yòhánà kã̀ŋa wà bɛ̀, tsí à wà tse àrã́dzìnyà ti nára-ìwɛ̀#ɛ́. 26Tsí à ǹɖe, tsí lɔ ńɖi-Yòhánà, tsí wà wí fúu ní: Akɔ́nɛ, ńǹwèrè yèé ó wà náàtàkè-oɖò-Yòɖánì nɔ́wɔ́-ɔ̀nɔ̀ɔ́#ɛ́, ɛnɛ yèé gbé ńɖɔ̀‐ɛ̀ bɛ̀, tsí ó wíìnyɛ̀ ti nára‐ɛ̀ fú àŋa#á fe, òŋu gbo wà wɛ̀ fú ɔ̀nyà ŋa báàyí, tsí ɔ̀nyà kpó wà lɔ ńɖɔ̀‐ɛ̀.

27Tsí Yòhánà wà wí fú ŋa ní: Bí Ɔ̀ɖáyé kò fú ɔ̀nyà-kã̀ ńŋɛ́-kã̀, ɛnɛ nyɛ̀ŋɛ̀ kàkó nyáa gbàá. 28Àŋa ká-ŋa, à nákó nyáa nya àyídzá-òŋu ní òŋu fɔ̀ ní: Òŋu kò dzɛ́ Kírísítò Agbanɛlà yèé Ɔ̀ɖáyé tsã̀, tsí bɛ̀ wá#á. Ó ɖi, Ɔ̀ɖáyé bɛ òŋu dzì ńwádzú fúu ni. 29Ti ɔkɔláya ní dzɛ́ aya#á. Ídza-ɔkɔláya òŋu, náa wà ɖóro ɖe wíwá-ídza‐ɛ̀, tsí náa wà rɛ̃tígbè-oŋù‐ɛ̀. Tsí bí ó gbɔ́ oŋù‐ɛ̀#ɛ́, ayè náa tɛ́ɛ. Ó ɖi, bɛ́ɛ̀ ní tòŋu dzɛ́#ɛ́. Báàyí#ɛ́, ayè tɛ́ òŋu dzálɛ̀ ńǹkɛ̀ɛ́. 30Ó ɖi, ó wà ní ɛnɛ nyɛ̀ŋɛ̀ kó wà lɔ ńwádzú, tsí òŋu, òŋu kó wà lɔ náànyì.

31Ɛnɛ yèé ti nɔ́ɔ̀rɔ̃ wá#á òŋu, ó wà néwo fú iŋɛ́ ɔ̀kã̀lɔ́ɔ̀kã̀ kpó. Ó ɖi, ɛnɛ yèé ti ńlɛ̀#ɛ́, òŋu dzɛ́ ti ìtalɛ̀ bí, tsí náa wà wíìnyɛ̀-iŋɛ́-ìtalɛ̀ bí ŋa gé ni. Ɛnɛ yèé ti nɔ́ɔ̀rɔ̃#ɛ́ òŋu, ó wà néwo fú iŋɛ́ ɔ̀kã̀lɔ́ɔ̀kã̀ kpó. 32Tsí iŋɛ́ yèé ó rí nàmí ó gbɔ́#ɛ́, òŋu ní náa fɔ̀#ɛ́, tsí ɔ̀nyà ŋa kà sì mú afɔ̀‐ɛ̀, tsí ń kpe iŋɛ́-kã̀. 33Bí ɔ̀nyà-kã̀ gbà si ńǹtá-afɔ̀‐ɛ̀#ɛ́, náa mɔ́wɔ́ kpɛ̀ɖɔ̃̀ ní Ɔ̀ɖáyé wà wí òtítɔ́.

34Ɛnɛ yèé Ɔ̀ɖáyé bɛ̀ wá#á, náa fɔ afɔ̀-Ɔ̀ɖáyé. Iŋɛ́ yèé tse#ɛ́, Ɔ̀ɖáyé mú Mímí‐ɛ̀ kpó fúu, kò bɔ̀. 35Ɔ̀ɖáyé Boba, ó nɛ́ àmúɖɔ̃̀ fú Ɔma‐ɛ̀, tsí ó mú iŋɛ́ ɔ̀kã̀lɔ́ɔ̀kã̀ kpó bɔwɔ́‐ɛ̀. 36Bí ɔ̀nyà-kã̀ nɛ́ àkaralé si ńǹtá-Ɔma bíbí-Ɔ̀ɖáyé, ɛnɛ nyɛ̀ŋɛ̀ nákó rí àyɛ̀-àrìtã́. Ó ɖi, bí ɔ̀nyà-kã̀ wà, tsí kà tse si ńǹtá-afɔ̀-Ɔma bíbí-Ɔ̀ɖáyé#ɛ́, ɛnɛ nyɛ̀ŋɛ̀ òŋu kàkó rí àyɛ̀-àrìtã́, tsí Ɔ̀ɖáyé náa wà bínɔ́ fúu.

Đang chọn:

Yòhánà 3: ngl

Tô màu

Sao chép

So sánh

Chia sẻ