Yòhánà 5

Yèésù bɔ arɔ-kã̀ nɔ́dzɔ́-ìmíra, tsí ó dza onùgbó-ɔma-Ìyúɖà ŋa nára

1Náànyì-bɛ́ɛ̀#ɛ́, ɔma-Ìyúɖà† ŋa bòkó dzɛ ɔɖɔ̃́-ŋa-kã̀, tsí Yèésù ǹɖe ńGàlìlé, tsí sɛ̃̀ lɔ ńYèrúsàlɛ́mì. 2Ìlú#ɛ́, à ma oɖi kòdzá‐ɛ̀ kpó, tsí nya ɔ̀nà ŋa si ńnɛ̀ wérí kpó, tsí à náa sé ŋa. Ńbɛ̀ɛ́, Èkũ̀-kã̀ wà, tsí à náa kpèé ní Èkũ̀-àgùɖã̀. Sɔ́má arũ-Èkũ̀#ɛ́, à ɖɛ̃ àɖágúlɛ̀-kã̀ si bɛ̀, tsí à kɔ́ ìfáfɛ́ mɛ́ɛrú wérí‐ɛ̀. À náa kpe àɖágúlɛ̀#ɛ́ ńhèbérù† ní Bɛ̀tɛ̀sàɖá. 3Àkɔ̃̀rɔ̃̀ ŋa náa káà sũ̀ ńnɔ́-ìfáfɛ́ ŋa#á si. Àkɔ̃̀rɔ̃̀ ŋa#á wà ńǹrɔ́ǹrɔ́, afɔ́dzú ŋa, arɛ̃̀ ńǹgbákú ŋa, arɔ ŋa gbo. [À náa lɔ káà sũ̀ si bɛ̀, tsí wà ɖóro wo omi#ɛ́ ní kó wó. 4Ìɖéǹɖè#ɛ́, ńǹwèrè kã̀ŋa, adzítsɛ́-ɔ̀rɔ̃†-kã̀ náa tì wá náàɖágúlɛ̀#ɛ́, tsí náa tse tsí omi#ɛ́ náa wó. Bí omi#ɛ́ wó bɛ́ɛ̀, àkɔ̃̀rɔ̃̀ yèé nyáa tsɛ̃̀tsɛ̃̀ tó bɛ̀, tsí wɔ̀ nómi#ɛ́, náa ɖi abarakpá. Bí àrɔ̃̀#ɛ́ wà nɔ́ɔ̀kã̀lɔ́ɔ̀kã̀ kpó gìɖì#ɛ́, náa ɖi abarakpá gé ni.]

5Ńbɛ̀ɛ́, àkɔ̃̀rɔ̃̀-kã̀ gbo káà sũ̀ si bɛ̀. Ó wà rɔ̃̀ báàyí, ɔɖɔ̃́ méèdzì ɖí nógóòdzì‐ɛ̀ ńnɛ̀ɛ́. 6Tsí Yèésù tó bɛ̀, tsí ó ríi kíbí ó sũ̀ si#ɛ́, tsí ó mà ní ó wà tsàkɔ̃̀rɔ̃̀, ó ti dzɛ̃̀. Tsí ó wà bèrèé ní: Ó wà wò ní ara#á kó tùúù?

7Tsí àkɔ̃̀rɔ̃̀#ɛ́ wà wí fúu ní: Ɔ̀gá, bí omi#ɛ́ wà wó, òŋu kò nɛ́ ɔ̀nyà-kã̀, tsí kó kɛ́ òŋu bɔ̀ ńnɛ̀. Ó ɖi, títí òŋu kó réré tã́ná tó ńbɛ̀#ɛ́, olòmírɛ̃̀ náa ti tsúwádzú-òŋu, tsí náa wɔ̀ ńnɛ̀ bɔ̀ fú òŋu.

8Tsí Yèésù wí fúu ní: Kó ǹɖe, tsí kó kɛ́ aní‐ɛ̀, tsí kó rɛ̃̀.

9Gbòkã́#á, àrɔ̃̀#ɛ́ tã́ fúu kpó. Tsí ó kɛ́ aní‐ɛ̀, tsí kpé rírɛ̃̀.

Ńbɛ̀ɛ́, ɔdzɔ́#ɛ́ wà dzɛ́ ɔdzɔ́-ìmíra†. 10Tsí onùgbó-ɔma-Ìyúɖà ŋa kpe ɛnɛ yèé à bɔ#ɛ́, tsí wà wí fúu ní: Ɔdzɔ́-òníbɛ́ ni ɔdzɔ́-ìmíra ni. Ó ɖi, ɛkpa-àŋa kò fú ɔ̀nà ní kó kɛ́ aní‐ɛ̀ banɛ́.

11Tsí òŋu gbo wà wí fú ŋa ní: Ɛnɛ yèé bɔ òŋu#ɛ́ fɔ̀ fú òŋu ní: Kɛ́ aní‐ɛ̀ɛ, tsí o rɛ̃̀.

12Tsí à wà bèrèé ní: Nɛ̀ɛ́ dzɛ́ ɛnɛ yèé wí fúu bɛ́ɛ̀#ɛ́?

13Ńbɛ̀ɛ́, kò ma ɛnɛ yèé bɔɔ́#ɛ́. Iŋɛ́ yèé tse#ɛ́, ɔ̀nyà kpíkpɔ̀ kã̀ŋa wà bɛ̀, tsí Yèésù ti nyí gbà náàŋírĩ-ŋa, tsí lɔ.

14Náànyì-bɛ́ɛ̀#ɛ́, Yèésù wáa múu, tsí ń kpàɖé ńlé-Ɔ̀ɖáyé, tsí wà wí fúu ní: Kó rí gé! Ó ɖi abarakpá ńǹkɛ̀ɛ́. Ó ɖi, kó máa wà tse íbàɖí ró, tsí iŋɛ́ yèé lárè bɛ́ɛ̀#ɛ́ kó wáa tseé.

15Tsí àkɔ̃̀rɔ̃̀#ɛ́ lɔ, tsí káà wí fú onùgbó-ɔma-Ìyúɖà ŋa ní Yèésù ní bɔ òŋu#ɛ́.

16Kíbí à gbɔ́ bɛ́ɛ̀#ɛ́, à ɖɔ́kpɔ fú Yèésù kpíkpɔ̀. Iŋɛ́ yèé tse#ɛ́, nɔ́dzɔ́-ìmíra ní ó bɔɔ́#ɛ́. 17Tsí Yèésù wà wí fú ŋa ní: Boba-òŋu wà ńtsɛ́ si títí fú òní. Tsí òŋu gbo, òŋu wà ńtsɛ́ si làkóò.

18Àtsùgbé-afɔ̀ nyɛ̀ŋɛ̀#ɛ́, onùgbó-ɔma-Ìyúɖà ŋa wà wo Yèésù nódzúùkpã́ máa ró, tsí ká kpaá nóòkú. Kò tsi àtsùgbée kíbí ó dzɛ̀wɔ̀-ɔdzɔ́-ìmíra#á gé#ɛ́ ní tse tsí à wo ká kpaá#á. Ó ɖi, kíbí ó tɔ́ mú Ɔ̀ɖáyé, tsí ń kpe boba‐ɛ̀ yèé bíi#ɛ́, tsí wà mú ara‐ɛ̀ ɖé báa#á ní dzà ŋá nára#á.

Yèésù ní: Afɔ̀ yèé òŋu wà fɔ̀ ŋa kpó#ɛ́, òŋu iŋɛ́ yèé òŋu wà tse ŋa kpó#ɛ́, à ti ńɖi-Ɔ̀ɖáyé Boba ni

19Ńbɛ̀ɛ́, Yèésù wà dzɔ́ŋù fú ŋa ní: Òŋu wí fú ŋa ní fee, òŋu, Ɔma bíbí-Ɔ̀ɖáyé, òŋu ká-òŋu, òŋu kàkó nyáa tse iŋɛ́-kã̀ kpókpó. Ó ɖi, iŋɛ́ yèé Boba-òŋu náa tse, tsí òŋu náa rí#ɛ́ gé ní, òŋu gbo, òŋu wà tse#ɛ́. Iŋɛ́ ɔ̀kã̀lɔ́ɔ̀kã̀ kpó yèé Boba-òŋu náa tse#ɛ́, òŋu, Ɔma bíbí‐ɛ̀, òŋu gbo, òŋu náa tseé. 20Boba-òŋu nɛ́ àmúɖɔ̃̀ fú òŋu yèé dzɛ́ Ɔma bíbí‐ɛ̀#ɛ́, tsí iŋɛ́ ɔ̀kã̀lɔ́ɔ̀kã̀ kpó yèé náa tse#ɛ́, ó ń ɖíre fú òŋu. Ó ɖi, nákó ɖíre iŋɛ́ lákṹ lákṹ yèé láre yèé ŋa ró#ɛ́ fú òŋu, tsí òŋu nákó tseé, tsí nákó mù ŋá. 21Boba-òŋu náa dzí òkú ŋa, tsí fú ŋa náàyɛ̀. Bɛ́ɛ̀ ké ní òŋu, Ɔma bíbí‐ɛ̀, òŋu gbo, ɛnɛ yèé ó wu òŋu#ɛ́, òŋu náa fúu náàyɛ̀#ɛ́.

22Èkéèdzì‐ɛ̀#ɛ́, Boba-òŋu kà kpɛdzɔ́ fú ɔ̀nyà-kã̀ kpókpó. Ó mú ɛdzɔ́ ɔ̀kã̀lɔ́ɔ̀kã̀ kpó, tsí ń bɔwɔ́-òŋu, Ɔma bíbí‐ɛ̀, 23àtsùgbée ɔ̀nyà kpó kó nɛ́ àrísá fú òŋu kíbí à náa nɛ́ fú Boba-òŋu gbo#ɛ́. Ó ɖi, ɛnɛ yèé kò nɛ́ àrísá fú òŋu, kò nɛ́ fú Boba-òŋu, ɛnɛ yèé bɛ òŋu wá#á gbo ńnɛ̀ɛ́. 24Ó ɖi, òŋu wà wí òtítɔ́ fú ŋa ní fee, bí ɔ̀nyà-kã̀ gbɔ́ afɔ̀ yèé òŋu wà wí#ɛ́, tsí mú àkaralé‐ɛ̀ si ńǹtá-ɛnɛ yèé bɛ òŋu wá#á, ɛnɛ nyɛ̀ŋɛ̀ nɛ́ àyɛ̀-àrìtã́. Ɔ̀ɖáyé kàkó kpɛdzɔ́ múu ró. Tsí ikú gbo kò nɛ́kpá si ńǹtá‐ɛ̀ ró, àyɛ̀ wà fúu si.

25Òŋu wà wí òtítɔ́ fú ŋa ní fee, àsòkò-kã̀ nákó wáa wá, tsí ó ti tó gìɖì ná, tsí òkú ŋa nákó gbɔ́ oŋù-òŋu, Ɔma bíbí-Ɔ̀ɖáyé. Tsí ɛnɛ yèé nákó rɛ̃tígbè‐ɛ̀ rere ŋa#á, à nákó rí àyɛ̀. 26Ńɖi-Boba-òŋu ní àyɛ̀ náa ti#ɛ́, tsí ó tse tsí àyɛ̀#ɛ́ kó tó ńɖɔ̀-òŋu gbo. 27Tsí kíbí òŋu dzɛ́ Ɛnɛ yèé ɔ̀nyà bí#ɛ́†, ó fú òŋu náàmí ní òŋu kó kpɛdzɔ́ fú ɔ̀nyà ŋa. 28Ó ɖi, òŋu wà wí fú ŋa ní kó máa mù ŋá. Àsòkò-kã̀ nákó wáa wá, tsí ɔ̀nyà kpó yèé kú lɔ, tsí à rìí#ɛ́, à nákó gbɔ́ oŋù-òŋu, 29tsí à nákó dzí fùɖá. Ńbɛ̀ɛ́, ɛnɛ yèé tse ire wáa lɔ ŋa#á, à nákó rí àyɛ̀. Tsí ɛnɛ yèé tse íbàɖí ŋa#á, à nákó kpɛdzɔ́ mú ŋa. 30Òŋu, òŋu kà nyáa tse iŋɛ́-kã̀ kpókpó nɔ́wɔ́-ara-òŋu. Ó ɖi, Ɔ̀ɖáyé náa wí fú òŋu, tsí òŋu náa kpɛdzɔ́ fúnɛ gbà ńǹtá-afɔ̀‐ɛ̀. Tsí ɛdzɔ́-òtítɔ́ ní òŋu náa kpè#ɛ́. Iŋɛ́ yèé tse#ɛ́, òŋu kò wà wo òŋu kó tse awù tòŋu ká-òŋu. Awù-Ɔ̀ɖáyé, ɛnɛ yèé bɛ òŋu wá#á, ní òŋu wà wo òŋu kó tse#ɛ́.

31Bí òŋu níìkã̀ntso, òŋu nya àyídzá ti nára-ara-òŋu ké#ɛ́, àyídzá#á kàkó dzɔ òtítɔ́ nódzú-ŋa. 32Ó ɖi, olí-àyídzá-òmírɛ̃̀ wà fú òŋu, Boba-òŋu gìɖì ni, tsí òŋu mà ní iŋɛ́ yèé ó wí ti nára-òŋu#ɛ́, òtítɔ́ ni. 33Àŋa ká-ŋa, à bɛ ɔ̀nyà ŋa lɔ fú Yòhánà† ní ká lɔ káà bèrèé náfɔ̀ ti nára-òŋu, tsí Yòhánà fɔ òtítɔ́-òŋu fú ŋa. 34Òŋu, òŋu kò wà wo àyídzá-ɔ̀nyà. Òŋu wà tédzú ŋa náfɔ̀ yèé Yòhánà fɔ̀#ɛ́, àtsùgbée ká nɛ́ àkaralé, tsí ká rí ɔlà ni. 35Yòhánà#á, ó wà kíbí kanɖé bɛ́, tsí wà gbã̀, tsí wà fṹ si ńnɛ̀. Tsí àŋa òŋu, ó wù ŋá ní àŋa kó táyè ńmímá‐ɛ̀ fú ìwèrè-kã̀ gé ni.

36Ó ɖi, àyídzá yèé wà fú òŋu#ɛ́, ó wówo láre-afɔ̀-Yòhánà. Òŋu ní dzɛ́ iŋɛ́ yèé Boba-òŋu ń bɔwɔ́-òŋu ní òŋu kó tse tã́#á. Ìɖéǹɖè#ɛ́, iŋɛ́ yèé òŋu wà tse ŋa#á wà wíìnyɛ̀ ti nára-òŋu, tsí wà nyà ɖíre ní Boba-òŋu ní bɛ òŋu wá#á. 37Tsí Boba-òŋu, ɛnɛ yèé bɛ òŋu wá#á, òŋu ká‐ɛ̀ gbo nya àyídzá ti nára-òŋu. À kò gbɔ́ oŋù‐ɛ̀ wòrí, tsí à kò rí odzú‐ɛ̀ gbo wòrí. 38Afɔ̀‐ɛ̀ ŋa kà kí néwo fú ŋa. Iŋɛ́ yèé tse#ɛ́, à kɔ̀ ní àŋa kàkó gba ɛnɛ yèé ó bɛ̀ wá#á. 39À ɖédzú àŋa nákó rí àyɛ̀ ńŋɛ́ yèé à kɔ si ńǸwé-Ɔ̀ɖáyé#ɛ́. Tsí à náa wà tã iŋɛ́ yèé wà ńǸwé-Ɔ̀ɖáyé#ɛ́ wò nɛ́kpa nɛ́kpa. Ìwé-Ɔ̀ɖáyé† gìɖì ní sì wà nya àyídzá ti nára-òŋu#ɛ́, 40tsí à kò sì wà wo ká wá ńɖɔ̀-òŋu, tsí ká wáa gba àyɛ̀-àrìtã́.

41Òŋu, bí ɔ̀nyà ŋa nyɛ òŋu nàmí à kò nyɛ òŋu#ɛ́, kò tsɛdzɔ́ òŋu. 42Ó ɖi, tiŋa kò dzɛ́ bɛ́ɛ̀. Òŋu ma ɔ̀nyà-ìrɔ́ mɛ̀ɛ́ à dzɛ́#ɛ́. Òŋu mà ní à kò nɛ́ àmúɖɔ̃̀ fú Ɔ̀ɖáyé. 43Òŋu, òŋu wá ńɖi-ŋa nárũ-Boba-òŋu, tsí à kò gba òŋu. Tsí bí olòmírɛ̃̀-kã̀ ǹɖe nɔ́wɔ́-ara‐ɛ̀ gé, tsí wá, à náa gbàá. 44Kò mu òŋu ní à kò nɛ́ àkaralé si ńǹtá-òŋu. Iŋɛ́ yèé tse#ɛ́, à náa wà wò ní ɔ̀nyà ŋa kó wà nyɛ àŋa, tsí à kà wò ní àŋa kó ɖìgírí, tsí wo nyínyɛ̀ ńɖi-Ɔ̀ɖáyé ɔ̀kã̀ntso yèé wà#á. 45Ká máa tsèsérè ní òŋu ní bòkó ɖóro ńwádzú-Boba-òŋu, tsí ɖáàbi fú ŋa#á. Mɔ̀ɔ́sè†, ɛnɛ yèé àŋa ká-ŋa mú àkaralé-ŋa si ńǹtá‐ɛ̀#ɛ́, òŋu ní bòkó ɖáàbi fú ŋa#á. 46Ó ɖi, ó má tsi à gba Mɔ̀ɔ́sè gbɔ́#ɛ́, à má gba òŋu gbo gbɔ́. Iŋɛ́ yèé tse#ɛ́, Mɔ̀ɔ́sè kɔ iŋɛ́ ti nára-òŋu si ńǹwé si. 47Tsí kíbí à kò nyáa gba afɔ̀ yèé ó kɔ si ŋa#á gbɔ́#ɛ́, bí à nákó nyáa tse fáà, tsí gba iŋɛ́ yèé òŋu wà fɔ̀ fú ŋa#á gbɔ́?

Đang chọn:

Yòhánà 5: ngl

Tô màu

Sao chép

So sánh

Chia sẻ