Yòhánà 20

Yèésù dzí ti náàŋírĩ-òkú ŋa wá náyé

(Màtéwò 28:1-10; Mákò 16:1-8; Lúkà 24:1-12)

1Ó ɖi nɔ́dzɔ́ɔ̀sɛ̃̀ ńfɛ̀ɛ̀-ilɛ̀ɛ́má kíbí òkùkù tɔ́ kù si ró#ɛ́, tsí Màríyà† ti ìlú-Màɖàlá lɔ nérì#ɛ́. Tsí ó rí ní à tsí òkúta yèé à ń ɖí arũ-ifò#ɛ́ ǹɖe. 2Ńbɛ̀ɛ́, ó yáré lɔ káà rí Sìmɔ́nì Òkúta òŋu ɔmatsɛ́-Yèésù†-kã̀, àrínódzú‐ɛ̀, tsí wà wí fú ŋa ní: À kɛ́ òkú-Ɔlá-àŋa ǹɖe ńfò#ɛ́, tsí àŋa kò ma ńbí à kɛ́ɛ káà si báàyí#ɛ́.

3Kíbí Òkúta òŋu ɔmatsɛ́-èkéèdzì#ɛ́ gbɔ́ bɛ́ɛ̀#ɛ́, à ǹɖe, tsí lɔ néèkpò#ɛ́. 4Àŋa méèdzì#ɛ́ kpó, à wà yáré, tsí ɔmatsɛ́-èkéèdzì#ɛ́ òŋu yáré láre Òkúta, tsí tsúwádzú‐ɛ̀ tó nérì#ɛ́. 5Kíbí ó tó#ɛ́, ó balɛ̀, tsí wà kpalɛwo inɔ́-ifò#ɛ́, tsí ó rí ní ɔ̀dzá yèé ŋa à ń wé òkú#ɛ́ wà si. Ńbɛ̀ɛ́, kò wɔ̀ ńnɔ́-ifò#ɛ́.

6Tsí Sìmɔ́nì Òkúta gbo wáa tó, tsí òŋu wɔ̀ ńnɔ́-ifò#ɛ́. Tsí ó rí ní ɔ̀dzá yèé ŋa à ń wé òkú#ɛ́ wà si. 7Tsí ó rí atsɔ yèé à ń ɖi éwo gbo fúu#ɛ́. Atsɔ nyɛ̀ŋɛ̀ òŋu kò wà má àtíbɔ̀ ŋa. À kpa òŋu ɖé, tsí múu si níìkã̀. 8Tsí ɔmatsɛ́-èkéèdzì#ɛ́, ɛnɛ yèé tsúwádzú tó néèkpò#ɛ́, òŋu gbo wɔ̀ ńfò#ɛ́ ńǹkɛ̀ɛ́. Tsí ó rí iŋɛ́ ŋa#á bɛ́ɛ̀, tsí ó gbàá gbɔ́ ní Yèésù sɛ̃̀ dzí ti náàŋírĩ-òkú ŋa wá náyé ìɖéǹɖè. 9(Náàsòkò nyɛ̀ŋɛ̀#ɛ́, à kò gbɔ́ òkpì-iŋɛ́ yèé à kɔ si ńǸwé-Ɔ̀ɖáyé†#ɛ́ wòná. À kɔ si ńǸwé-Ɔ̀ɖáyé ní: Yèésù nákó sɛ̃̀ dzí ti náàŋírĩ-òkú ŋa wá náyé. Afɔ̀ nyɛ̀ŋɛ̀ kò yé ŋa dzɔ̀ɔ́.)

10Ńbɛ̀ɛ́, ɔmatsɛ́-Yèésù méèdzì ŋa#á sɛ̃̀ lɔ ńlé.

Yèésù mú ara‐ɛ̀ ŋa Màríyà ti ìlú-Màɖàlá

(Mákò 16:9-11)

11Tsí Màríyà† òŋu ɖóro nérì#ɛ́ si, tsí wà sɔkṹ. Ó wà nɔ́kṹ#ɛ́ si, tsí balɛ̀, tsí wà kpalɛwo inɔ́-ifò#ɛ́, 12tsí ó rí adzítsɛ́-ɔ̀rɔ̃† méèdzì. À wɔ ìwɔ̀ra fũfũ si kpó, tsí dzokó si ńbí à mú Yèésù tɛ́ tútútú#ɛ́. Ɔ̀kã̀ dzokó ńǹgbèrí-éwo‐ɛ̀, tsí ɔ̀kã̀ gbo dzokó ńǹsàlɛ̀-ɛsɛ̀‐ɛ̀.

13Tsí adzítsɛ́-ɔ̀rɔ̃ ŋa#á wà bèrèé ní: Ìɖá-wa, kí tse tsí ò wà sɔkṹ?

Tsí ó dzɔ́ŋù fú ŋa ní: À kɛ́ òkú-Ɔlá-òŋu lɔ, tsí òŋu kò ma ńbisí à kɛ́ɛ si.

14Kíbí ó fɔ̀ fú ŋa bɛ́ɛ̀#ɛ́, ó nyíwò, tsí ó rí Yèésù, tsí ó ɖóro si, tsí kò mà ní òŋu ni. 15Tsí Yèésù wà bèrèé ní: Ìɖá-wa, kí tse tsí ò wà sɔkṹ? Nɛ̀ɛ́ ò wà wò ná?

Ńbɛ̀ɛ́, Màríyà ɖédzú ɛnɛ yèé wà nárũ-oko#ɛ́ ni. Tsí ó wà wí fúu ní: Ɔ̀gá, bí ó tsi òŋu ní kɛ́ òkú-Ɔlá-òŋu lɔ#ɛ́, ni kó ɖíre ńbí ó kɛ́ɛ káà si#ɛ́ fú òŋu, tsí òŋu kó káà kɛ́ɛ.

16Tsí Yèésù kpèé ní: Màríyà!

Ńbɛ̀ɛ́, Màríyà nyíwò, tsí kpe Yèésù ńhèbérù† ní: Ràbónì. (Òkpì‐ɛ̀ ní dzɛ́ Akɔ́nɛ#ɛ́.)

17Tsí Yèésù wí fúu ní: Kó máa dzi òŋu banɛ́, iŋɛ́ yèé tse#ɛ́, òŋu kò lɔ nɔ́ɔ̀rɔ̃ ńɖi-Boba-òŋu wòná. Ó ɖi, kó lɔ káà wí fú tòŋu ŋa ní: Òŋu làkóò nɔ́ɔ̀rɔ̃ ńɖi-Boba-òŋu. Òŋu ké ní dzɛ́ Boba tiŋa gbo#ɛ́. Òŋu làkóò ńɖi-Ɔ̀ɖáyé-òŋu. Òŋu ké ní dzɛ́ Ɔ̀ɖáyé tiŋa gbo#ɛ́.

18Ńbɛ̀ɛ́, Màríyà ti ìlú-Màɖàlá bɔ̀ lɔ ńlé, tsí lɔ káà rí ɔmatsɛ́-Yèésù† ŋa#á, tsí wí fú ŋa ní: Òŋu rí Ɔlá-àŋa.

Tsí iŋɛ́ yèé Yèésù fɔ̀ fúu ŋa#á, ó múu, tsí ń wí fú ŋa.

Yèésù nya ara‐ɛ̀ ɖíre ɔmatsɛ́‐ɛ̀ ŋa

(Màtéwò 28:16-20; Mákò 16:14-18; Lúkà 24:36-49)

19Ó ɖi nalɛ́-ɔdzɔ́ nyɛ̀ŋɛ̀ ké nɔ́dzɔ́ɔ̀sɛ̃̀#ɛ́, tsí ɔmatsɛ́-Yèésù ŋa#á kpérí si ńnɔlé-kã̀ si. À wà sá onùgbó-ɔma-Ìyúɖà† ŋa, tsí à kã èkũ̀ ɖí ara-ŋa si. Ńbɛ̀ɛ́, Yèésù wá, tsí wáa ɖóro náàŋírĩ-ŋa, tsí wà wí fú ŋa ní: Ɔ̀ɖáyé kó fú ŋɛ́ ńtútùúrɔ̀‐ɛ̀.

20Kíbí ó wí fú ŋa bɛ́ɛ̀ tã́#á, ó mú ɔwɔ́‐ɛ̀ ŋa ńbí à mú ekìkã̀-irɛ̃, tsí ń kã̀ã́#á òŋu igbã̀‐ɛ̀ ńbí à gúu nɔ́ɔ̀tsɔ̀#ɛ́, tsí ń ŋà ŋá. Ńbɛ̀ɛ́, kíbí ɔmatsɛ́ ŋa#á rí Ɔlá-ŋa bɛ́ɛ̀#ɛ́, ayè tɛ́ ŋa gìɖì héŋú.

21Tsí Yèésù tɔ́ sɛ̃̀ wí fú ŋa ró ní: Ɔ̀ɖáyé kó fú ŋɛ́ ńtútùúrɔ̀‐ɛ̀. Ó ɖi, kíbí Ɔ̀ɖáyé Boba bɛ òŋu wá#á, òŋu gbo, òŋu wà bɛ̀ ŋá.

22Kíbí ó wí bɛ́ɛ̀ tã́#á, ó fɛ́fù si ńǹtá-ŋa, tsí wà wí fú ŋa ní: Mímí-Ɔ̀ɖáyé† kó tì wɔ̀ ńǹtá-ŋa. 23Ó ɖi, bí à mú àbi-ɔ̀nyà-kã̀ tɔrɛ fúu, Ɔ̀ɖáyé gbo nákó múu tɔrɛ fúu. Bí à kɔ̀, tsí à kò mú àbi-ɔ̀nyà-kã̀ tɔrɛ fúu#ɛ́, Ɔ̀ɖáyé gbo kàkó múu tɔrɛ fú ɛnɛ nyɛ̀ŋɛ̀.

24Ɔ̀nyà-kã̀ wà náàŋírĩ-ɔmatsɛ́ máàméèdzì ŋa#á, tsí à náa kpèé ní Tòmá. Èdzìrɛ́ ní ó dzɛ́#ɛ́. Ńǹwèrè yèé Yèésù wá ńɖi-ŋa#á, òŋu kò wà bɛ̀ ńǹwèrè nyɛ̀ŋɛ̀. 25Ńbɛ̀ɛ́, ɔmatsɛ́-àtíbɔ̀ ŋa#á lɔ káà wí fúu ní: Àŋa rí Ɔlá-àŋa.

Tsí Tòmá#á wà wí fú ŋa ní: Bí òŋu kò rí ɔwɔ́‐ɛ̀ ŋa, tsí rí ńbí à mú ekìkã̀-irɛ̃, tsí ń kã̀ã́#á, òŋu kàkó gbàá gbɔ́. Bí òŋu kò mú ɔmalɔ́wɔ́-òŋu bɔ̀ ńfò-ekìkã̀-irɛ̃ ŋa#á, tsí mɔ́wɔ́-òŋu bɔ̀ ńgbã̀‐ɛ̀, òŋu kàkó gbàá gbɔ́ láyé ní ó dzí ti náàŋírĩ-òkú ŋa wá náyé.

26Ɔdzɔ́ mɛ́ɛdzɔ náànyì-bɛ́ɛ̀ ró#ɛ́, ɔmatsɛ́-Yèésù ŋa#á tɔ́ kpérí si ńnɔlé-kã̀ si ró, tsí Tòmá#á gbo wà náàŋírĩ-ŋa ńǹkɛ̀ɛ́. À tɔ́ kã èkũ̀ si ró. Tsí Yèésù wá, tsí wáa ɖóro náàŋírĩ-ŋa, tsí wà wí fú ŋa ní: Ɔ̀ɖáyé kó fú ŋɛ́ ńtútùúrɔ̀‐ɛ̀. 27Tsí ó wà wí fú Tòmá ní: Kó na ɔmalɔ́wɔ́‐ɛ̀ wá bí, tsí kó rí ɔwɔ́-òŋu ŋa. Kó nawɔ́, tsí kó ń bɔ̀ ńgbã̀-òŋu. Ó ɖi, kó nɛ́ àkaralé. Kó máa wà dzèrèbe ró.

28Tsí Tòmá ní: Ɔlá-mi! Ɔ̀ɖáyé-mi!

29Tsí Yèésù wà wí fúu ní: Yèé ó rí òŋu#ɛ́ ní ó gba òŋu gbɔ́#ɛ́ɛ̀? Ó ɖi, ɛnɛ yèé ŋa kò rí òŋu, tsí à gba òŋu gbɔ́#ɛ́, à wɛ éwo-ire.

30Ńbɛ̀ɛ́, Yèésù tɔ́ tse iŋɛ́-àwùsì kpíkpɔ̀ nódzú-ɔmatsɛ́‐ɛ̀ ŋa ró. Iŋɛ́-àwùsì ŋa#á, à kò kɔ ŋá si ńǹwé yèé. 31Ó ɖi, à kɔ iŋɛ́ yèé wà bí ŋa#á fú ŋɛ́, àtsùgbée e gbàgbɔ́ ní Yèésù ni Kírísítò, Ɔma bíbí-Ɔ̀ɖáyé ni. Tsí bí è nɛ́ àkaralé si ńǹtá‐ɛ̀ ńǹkɛ̀ɛ́, ni e rí àyɛ̀ gbà ńǹtá‐ɛ̀.

Đang chọn:

Yòhánà 20: ngl

Tô màu

Sao chép

So sánh

Chia sẻ