Yòhánà 19

1Ńbɛ̀ɛ́, Kpìlátò† fú sɔ́dzà ŋa nɔ́ɔ̀nà ní ká gbɛ̃́ Yèésù lɔ, tsí ká káà tsɔ̀ɔ́ náàtàmì. 2Tsí sɔ́dzà ŋa#á gbɛ̃́ɛ̃ lɔ, tsí mú akpá-egi-agúgú kã̀ŋa, tsí ń ŋɔ òkúkú-kã̀ kíbí òkúkú-ólú ŋa bɛ́, tsí ń ɖé fúu. Tsí à mú ìwɔ̀ra kpíkpa-kã̀ gbo, tsí ń wɔ̀ fúu. 3Tsí à sɔ́má‐ɛ̀, tsí wà kíi ní: Ólú-ɔma-Ìyúɖà† ŋa, kɔ́ɔkpɔ! Kɔ́ɔkpɔ títí! Tsí à wà kpa ìgbètí ŋa fúu.

4Tsí Kpìlátò sɛ̃̀ fùɖá wá ró, tsí wà wí fú èrò#ɛ́ ní: Ká rɛ̃tígbè! Òŋu nákó gbɛ̃́ɛ̃ wá fú ŋa nóòɖe bí, tsí àŋa ká-ŋa ká mà ní òŋu kò rí iŋɛ́-kã̀ nára‐ɛ̀ yèé òŋu kó ń ɖáàbi fúu#ɛ́.

5Ńbɛ̀ɛ́, Yèésù fùɖá wá. Tsí ó ɖé òkúkú-agúgú#ɛ́ si, tsí wɔ ìwɔ̀ra kpikpa#á gbo si. Tsí Kpìlátò wà wí fú èrò#ɛ́ ní: Ká rí gé, ɛnɛ#ɛ́ ní!

6Kíbí onùgbó-atsɛbɔ-Ɔ̀ɖáyé† ŋa òŋu àɖèlé-ilé-Ɔ̀ɖáyé ŋa#á rí Yèésù gé#ɛ́, à wà ɖúgbe ní: Kã̀ã́ si ńǹtá-egi-ìɖáàgàlàdzà†! Kã̀ã́ si ńǹtá-egi-ìɖáàgàlàdzà!

Tsí Kpìlátò wà wí fú ŋa ní: Àŋa ká-ŋa ká wáa gbɛ̃́ɛ̃ lɔ, tsí ká káà kã̀ã́ si ńǹtá-egi-ìɖáàgàlàdzà#á. Ó ɖi òŋu, òŋu kò rí ńŋɛ́ yèé òŋu kó ń ɖáàbi fúu#ɛ́.

7Tsí à ní: Àŋa òŋu, ɛkpa-kã̀ wà fú àŋa. Tsí iŋɛ́ yèé ɛkpa#á wà fɔ̀#ɛ́, ó wà ní ká kpaá nóòkú. Iŋɛ́ yèé tse#ɛ́, ó wà fɔ̀ ní òŋu dzɛ́ Ɔma bíbí-Ɔ̀ɖáyé.

8Kíbí Kpìlátò gbɔ́ afɔ̀ nyɛ̀ŋɛ̀#ɛ́, ó tɔ́ nódzo máa fúu ró. 9Tsí ó sɛ̃̀ wɔlé lɔ ró, tsí wà bere Yèésù ní: Ńbisí ó ti?

Tsí Yèésù kò dzɔ́ŋù-kã̀ kpókpó fúu. 10Ńbɛ̀ɛ́, Kpìlátò wà wí fúu ní: Kò wà wo kó wíìnyɛ̀-kã̀ fú òŋuù? Kò mà ní òŋu nɛ́kpá, tsí òŋu kó nyáa gbàá dzɔ̀ɔ́, tsí òŋu nɛ́kpá gbo, tsí òŋu kó nyáa kã̀ã́ si ńǹtá-egi-ìɖáàgàlàdzàà?

11Tsí Yèésù wà wí fúu ní: Kàá tsi Ɔ̀ɖáyé ní fúu ńkpá#á, kàá nyáa nɛ́kpá-kã̀ kpókpó si ńǹtá-òŋu. Ńnɛ̀ ní, ɛnɛ yèé mú òŋu bɔwɔ́‐ɛ̀#ɛ́, àbi‐ɛ̀ láre tɛ̀ɛ̀#ɛ́.

12Ti náàsòkò nyɛ̀ŋɛ̀#ɛ́, Kpìlátò wà wo ifɛ̀ɛ́nɔ́ yèé nákó tse, tsí ń gba Yèésù dzɔ̀ɔ́#ɛ́. Tsí ɔma-Ìyúɖà ŋa wà ńgbe si ní: Bí ó kɔ idza#á dzɔ̀ɔ́, ni kò wà náànyì-ɔ̀gã́-ìdzɔba ńlɛ̀-Rómà† ró. Ó ɖi, ɔ̀nyà ɔ̀kã̀lɔ́ɔ̀kã̀ yèé náa mú ara‐ɛ̀ kpe ólú#ɛ́, ó wà kɔ ɔ̀gã́-ìdzɔba#á ńnɛ̀ɛ́.

13Kíbí Kpìlátò gbɔ́ afɔ̀ nyɛ̀ŋɛ̀#ɛ́, ó wí, tsí à gbɛ̃́ Yèésù fùɖá. Tsí Kpìlátò lɔ káà dzokó náàntã̀ yèé náa dzokó, tsí kpɛdzɔ́#ɛ́. Àntã̀#á wà ńǹɖì-kã̀, tsí à tɛ́ bɛ̀ nóòkúta, tsí à náa kpèé ní Ìɖì-òkúta títɛ́. À náa kpèé ńhèbérù† ní Gàbàta. 14Ó bɔ ilɛ̀ kó má, tsí ká dzɛ ɔɖɔ̃́-Àɖádzɔ̀ɔ́† ní à wà tse iŋɛ́ ŋa#á. Ńǹwèrè nyɛ̀ŋɛ̀#ɛ́, òsã́ ti kpã́. Tsí Kpìlátò wà wí fú ŋa ní: Ólú-ŋa ńnɛ̀ɛ́!

15Tsí à wà ɖúgbe ró ní: È kpòkú‐ɛ̀! È kpòkú‐ɛ̀! È kã̀ã́ si ńǹtá-egi-ìɖáàgàlàdzà!

Tsí Kpìlátò wà bèrè ŋá ní: Òŋu kó kã ólú-ŋa si ńǹtá-egi-ìɖáàgàlàdzàà?

Tsí onùgbó-atsɛbɔ-Ɔ̀ɖáyé ŋa#á wà dzɔ́ŋù fúu ní: Àŋa kò nɛ́ ólú-kã̀ kpókpó láre ɔ̀gã́-ìdzɔba#á.

À kã Yèésù si ńǹtá-egi-ìɖáàgàlàdzà

(Màtéwò 27:32-44; Mákò 15:21-32; Lúkà 23:26-43)

16Ńbɛ̀ɛ́, Kpìlátò† mú Yèésù bɔwɔ́-ŋa ní ká káà kã̀ã́ si ńǹtá-egi-ìɖáàgàlàdzà†#á. Tsí à múu, tsí gbɛ̃́ɛ̃ dzì nɔ́ɔ̀nà. 17À gbɛ̃́ɛ̃ fùɖá ńnɔ́-ìlú#ɛ́ lɔ ńǹɖì-kã̀. À náa kpe ibɛ̀ ní Korogbo-éwo. Tsí à náa kpèé ńhèbérù† ní Gɔ̀gɔ̀ta. Kíbí à làkóò#ɛ́, Yèésù òŋu ká‐ɛ̀ ní ru egi yèé à làkóò káà kã̀ã́ si ńǹtá‐ɛ̀#ɛ́. 18Kíbí à tó ńKorogbo-éwo#ɛ́, sɔ́dzà ŋa kã Yèésù si ńǹtá-egi-ìɖáàgàlàdzà#á. Tsí à kã ɔ̀nyà méèdzì kã̀ŋa gbo si ńǹtá-egi-ìɖáàgàlàdzà kã̀kã̀ gbèé gbòkã́. À kã ɔ̀kã̀ si nákpálà-àwóòtã́‐ɛ̀, tsí kã ɔ̀kã̀ gbo si nákpálà-àwóòsì‐ɛ̀, tsí Yèésù òŋu ká‐ɛ̀ kí náàŋírĩ-ŋa.

19Kpìlátò wí fú ŋa ní ká tse ɔkpɔ̃́-kã̀, tsí ká kɔ si ńnɛ̀ ní: “Yèésù ti Nàsàrɛ́tì, ólú-ɔma-Ìyúɖà† ŋa”, tsí ká ń kã̀ si ńǹtá-egi-ìɖáàgàlàdzà-Yèésù#ɛ́. 20Ńbí à kã Yèésù si#ɛ́ sɔ́má-ìlú-Yèrúsàlɛ́mì, tsí ɔma-Ìyúɖà ŋa kpíkpɔ̀ náa wáa kã iŋɛ́ yèé à kɔ si nɔ́kpɔ̃́#ɛ́. À kɔɔ́ ńǹlú mɛ́ɛta ni. À kɔɔ́ ńhèbérù, tsí kɔɔ́ ńlàtínì, ìlú-ɛnɛ-Rómà† ŋa, tsí kɔɔ́ ńgɛ̀rɛ́kì gbo.

21Ńbɛ̀ɛ́, onùgbó-atsɛbɔ-Ɔ̀ɖáyé† ŋa#á, à wá ńɖi-Kpìlátò, tsí wà wí fúu ní: Kó máa kɔ si nɔ́kpɔ̃́#ɛ́ ní: Ólú-ɔma-Ìyúɖà ŋa. Ó ɖi, kó kɔ si ńnɛ̀ ní: Ɛnɛ yèé ní òŋu dzɛ́ ólú-ɔma-Ìyúɖà ŋa.

22Tsí Kpìlátò kɔ̀ ní: Iŋɛ́ yèé òŋu kɔ#ɛ́, òŋu kɔɔ́ ni. Kò nɛ́ ká nɔ̀ɔ́.

23Kíbí sɔ́dzà ŋa#á kã Yèésù si ńǹtá-egi-ìɖáàgàlàdzà#á tã́#á, à kɛ́ iŋɛ́ yèé ó wɔ̀ ŋa#á, tsí kpɛ̃́ɛ̃ ìɖì mɛ́ɛrɛ̃, tsí ɛnɛ kṹnukṹ kɛ́ ìɖì kã̀kã̀. Tsí à kɛ́ ìwɔ̀ra gúgù‐ɛ̀ gbo. Ìwɔ̀ra#á, à ŋɔɔ́ nɔ́ɔ̀kã̀ntso wáa lɔ ni, à kò kòó. 24Tsí sɔ́dzà ŋa#á wí fú ara-ŋa ní: Àŋa kó máa ya ìwɔ̀ra#á. Ó ɖi, àŋa kó ɖìbò‐ɛ̀, tsí àŋa kó ma ɛnɛ yèé nákó kí fú#ɛ́.

Iŋɛ́ ŋa#á lɔ bɛ́ɛ̀, àtsùgbée afɔ̀ yèé à kɔ si ńǸwé-Ɔ̀ɖáyé†#ɛ́ kó tsɛ ìɖéǹɖè. À kɔ si ńǸwé-Ɔ̀ɖáyé ní:

“À kpɛ̃́ ìwɔ̀ra-mi ŋa náàŋírĩ-ara-ŋa,

tsí à ɖìbò si ńǹtá-ìwɔ̀ra-mi.”#19:24 Ìwé-Orĩ ŋa 22:19 (Psaumes 22:19)

Iŋɛ́ nyɛ̀ŋɛ̀ tútútú ní sɔ́dzà ŋa#á tse#ɛ́.

25Ɔnɔbɛ̃̀ɛ̃ kã̀ŋa gbo ɖóro gbe Yèésù si ńbí à kã̀ã́ si#ɛ́. Ɔ̀kã̀ dzɛ́ ìnà-Yèésù, tsí ɔ̀kã̀ gbo dzɛ́ ìnàbí-ìnà-Yèésù, tsí ɔ̀kã̀ dzɛ́ Màríyà† aya-Kàlòkpá, tsí ɔ̀kã̀ gbo dzɛ́ Màríyà† ti ìlú-Màɖàlá. 26Ńbɛ̀ɛ́, Yèésù rí ìná‐ɛ̀, tsí ó rí ɔmatsɛ́‐ɛ̀, àrínódzú‐ɛ̀, tsí ó ɖóro gbèé si. Tsí ó wí fú ìná‐ɛ̀ ní: Rí, ɔma‐ɛ̀ɛ ńnɛ̀ɛ́!

27Tsí ó wí fú ɔmatsɛ́‐ɛ̀#ɛ́ gbo ní: Rí, ìnà-ɛ̀ɛ ńnɛ̀ɛ́!

Ti nɔ́dzɔ́ nyɛ̀ŋɛ̀#ɛ́, ɔmatsɛ́#ɛ́ gbɛ̃́ ìnà-Yèésù káà si ńɖɔ̀-ara‐ɛ̀.

Yèésù kú

(Màtéwò 27:45-56; Mákò 15:33-41; Lúkà 23:44-49)

28Náànyì-bɛ́ɛ̀#ɛ́, kíbí Yèésù mà ní itsɛ́-òŋu tã́#á, àtsùgbée iŋɛ́ yèé à kɔ si ńǸwé-Ɔ̀ɖáyé†#ɛ́ kó tsɛ#ɛ́, ó ní: Àŋgbɛ̃ wà gbɛ̃ mí.

29Àmɔ̀-kã̀ wà gbè ŋá si, tsí ɔtí kíkã kɔ̃́ɔ̃ si. Tsí à mú ɔ̀gbɔ̀gbɔ́, tsí ń bɔ̀ nɔ́tí#ɛ́, tsí ń kã̀ nɔ́ɔ̀kpá-kã̀, tsí nàá sɔ́má-arũ‐ɛ̀ ní kó kpèé mɔ. Egi-ɔ̀kpá#á, à náa kpèé ní hùsófù†. 30Ńbɛ̀ɛ́, Yèésù kpe ɔtí#ɛ́ mɔ gé, tsí ní: Afɔ̀ tã́.

Tsí ó ɖeékoɖò gé, tsí mímí‐ɛ̀ dzilɛ̀.

31Kíbí ó dzɛ́ ní ó bɔ ilɛ̀ kó má fú ɔdzɔ́-ìmíra†#á, tsí ɔdzɔ́-ìmíra nyɛ̀ŋɛ̀ dzɛ́ ɔdzɔ́ lákṹ-kã̀ fú ŋa#á, ɔma-Ìyúɖà† ŋa kò wà wò ní ɔ̀nyà-kã̀ kó wà ńǹtá-egi-ìɖáàgàlàdzà† si nɔ́dzɔ́-ɔdzɔ́ nyɛ̀ŋɛ̀. Ńbɛ̀ɛ́, à káà wí fú Kpìlátò† ní kó fɔ̀, tsí ká tsɛ́ ɛsɛ̀-ɛnɛ yèé ŋa à kã̀ si négi-ìɖáàgàlàdzà#á, àtsùgbée ká yáa kú kóyá, tsí ká nya òkú-ŋa ǹɖe ńǹtá-egi ŋa#á. 32Ńbɛ̀ɛ́, sɔ́dzà ŋa#á wá, tsí à tsɛ́ ɛsɛ̀-ɛnɛ yèé à tsɛ̃̀tsɛ̃̀ kã̀ gbe Yèésù#ɛ́, tsí tsɛ́ ti enìkéèdzì gbo. 33Kíbí à tó ńǹtá-Yèésù#ɛ́, à rí ní ó ti kú si. Ńnɛ̀ ní à kò tsɛ́ ɛsɛ̀ tɛ̀ɛ̀ ró#ɛ́. 34Ó ɖi, sɔ́dzà ŋa#á-kã̀ mú ɔ̀tsɔ̀, tsí ń gú igbã̀-Yèésù, tsí àmbara òŋu omi fùɖá gbòkã́. 35(Ɛnɛ yèé wà wí afɔ̀ yèé fú ŋɛ́#ɛ́, òŋu ká‐ɛ̀ rí iŋɛ́ ŋa#á òŋu odzú‐ɛ̀. Tsí àyídzá‐ɛ̀ gbo#ɛ́, òtítɔ́ ní ó dzɛ́#ɛ́. Òŋu ká‐ɛ̀ mà ní iŋɛ́ yèé òŋu wà fɔ̀#ɛ́ ni òtítɔ́ ni, tsí ó wà nya àyídzá‐ɛ̀ fú ŋɛ́, àtsùgbée ɛ̀ŋɛ gbo, e gbàá gbɔ́ ni).

36Ìɖéǹɖè#ɛ́, iŋɛ́ ŋa#á lɔ bɛ́ɛ̀, àtsùgbée iŋɛ́ yèé à kɔ si ńǸwé-Ɔ̀ɖáyé†#ɛ́ kó tsɛ. À kɔ si ńǸwé-Ɔ̀ɖáyé ní: “À kàkó tsɛ́ ekũkũ‐ɛ̀-kã̀ kpókpó.”#19:36 Ìwé-Fúfùɖá 12:46, Ìwé-Orĩ ŋa 34:21 (Exode 12:46, Psaumes 34:21)

37Tsí ńǹɖì-kã̀ ró ńnɔ́-Ìwé-Ɔ̀ɖáyé†#ɛ́ ké, à tɔ́ kɔ si ró ní: “À nákó rí ɛnɛ yèé àŋa ká-ŋa, à gú nɔ́ɔ̀tsɔ̀#ɛ́.”#19:37 Ìwé-Sàkàríyà 12:10 (Zacharie 12:10)

À ri Yèésù

(Màtéwò 27:57-61; Mákò 15:42-47; Lúkà 23:50-56)

38Náànyì-bɛ́ɛ̀#ɛ́, ɔ̀nyà-kã̀ wà, tsí à náa kpèé ní Yòsɛ́fù†. Tsí ó dzɛ́ ɔma-ìlú-Àrìmàté ŋa. Òŋu gbo dzɛ́ atɛ̀náànyì-Yèésù. Ó ɖi, kò wíi fú ɔ̀nyà-kã̀ kpókpó, iŋɛ́ yèé tse#ɛ́, ó wà sá onùgbó-ɔma-Ìyúɖà† ŋa. Tsí ó lɔ káà rí Kpìlátò† ní kó fú òŋu nɔ́ɔ̀nà, tsí òŋu kó káà kɛ́ òkú-Yèésù. Tsí Kpìlátò dzɛ́. Ńbɛ̀ɛ́, Yòsɛ́fù wáa lɔ káà kɛ́ òkú-Yèésù#ɛ́ lɔ. 39Tsí Nìkòɖɛ́mì gbo wáa báa. Nìkòɖɛ́mì#ɛ́ ní wáa lɔ káà rí Yèésù nóoru nɔ́dzɔ́-kã̀ bɛ́#ɛ́. Tsí òŋu gbo lɔ bá Yòsɛ́fù. Ó banɛ́ àɖɛ̃́ rṹrũ̀ fĩ́rĩ́fĩ́rĩ́-kã̀, tsí ó wówo tó kìlóŋù ɔgbã̀wó. À náa kpe iŋɛ́-kã̀ ní mírì, tsí ɔ̀kã̀ gbo dzɛ́ àlòwé. Iŋɛ́ méèdzì nyɛ̀ŋɛ̀ ní à ń ròmá, tsí ń tse àɖɛ̃́#ɛ́. 40Ńbɛ̀ɛ́, àŋa méèdzì#ɛ́, à kɛ́ òkú#ɛ́, tsí mú àɖɛ̃́ rṹrũ̀ fĩ́rĩ́fĩ́rĩ́#ɛ́ ɖà nátsɔ-kã̀, tsí ń wée kíbí ɔma-Ìyúɖà ŋa náa tse fú òkú gbà tã́ná rìí#ɛ́.

41Oko-kã̀ wà sɔ́má ńbí à kã Yèésù si ńǹtá-egi-ìɖáàgàlàdzà†#á, tsí à ɖɛ̃ òkúta-kã̀ bɛ̀ titɔ̃ si ńfò-òkú, tsí à kò ri ɔ̀nyà-kã̀ kpókpó ńnɛ̀ wòrí. 42Kíbí ɔdzɔ́#ɛ́ dzɛ́ ɔdzɔ́ yèé ɔma-Ìyúɖà ŋa náa kpaɖí fú ɔdzɔ́-ìmíra†#á, tsí à wà wo ká tse kóyá#á, à kɛ́ Yèésù káà rì ńfò#ɛ́, iŋɛ́ yèé tse#ɛ́, ifò#ɛ́ sɔ́má ŋa.

Đang chọn:

Yòhánà 19: ngl

Tô màu

Sao chép

So sánh

Chia sẻ