Yòhánà 18
18
À mú Yèésù
(Màtéwò 26:47-56; Mákò 14:43-52; Lúkà 22:47-53)
1Kíbí Yèésù wúùre bɛ́ɛ̀ tã́#á, ó ǹɖe, tsí òŋu ɔmatsɛ́‐ɛ̀ ŋa, à lɔ náàtàkè-ɔ̀gbɔ̃-Kɛ̀ɖìrɔ̃́. À tsoko-egi kã̀ŋa si bɛ̀, tsí à wɔ̀ nóko#ɛ́ lɔ. 2Yúɖà atanɛ#ɛ́ gbo ma ibɛ̀, iŋɛ́ yèé tse#ɛ́, Yèésù náa lɔ bɛ̀ kpeékpeé, tsí káà tse ìkpàɖé òŋu ɔmatsɛ́‐ɛ̀ ŋa. 3Ńbɛ̀ɛ́, Yúɖà#á gbɛ̃́ ɛgbɛ́-sɔ́dzà-kã̀ òŋu àɖèlé-ilé-Ɔ̀ɖáyé kã̀ŋa, tsí à lɔ nóko#ɛ́. Àɖèlé-ilé-Ɔ̀ɖáyé ŋa#á, onùgbó-atsɛbɔ-Ɔ̀ɖáyé† ŋa òŋu ɔma-ɛgbɛ́-Fàrísì† ŋa ní bɛ̀ ŋá tɛ̀ náànyì‐ɛ̀#ɛ́. Kíbí à làkóò#ɛ́, à banɛ́ kanɖé ŋa, tsí à tɔ́ òsùmà ŋa banɛ́, tsí banɛ́ iŋɛ́-ìdzògu ŋa gbo.
4Yèésù òŋu ká‐ɛ̀ ti ma kíbí iŋɛ́ ŋa#á nákó lɔ fúu gbà#á. Ńbɛ̀ɛ́, ó rɛ̃̀ sɔ́má-ŋa, tsí wà bèrè ŋá ní: Nɛ̀ɛ́ à wà wò?
5Tsí à wí fúu ní: Àŋa wà wo Yèésù ti Nàsàrɛ́tì.
Tsí Yèésù wí fú ŋa ní: Òŋu ká-òŋu ní.
Yúɖà atanɛ#ɛ́ gbo ɖóro si náàŋírĩ-ŋa. 6Kíbí Yèésù wí fú ŋa ní: “Òŋu ká-òŋu ní”#ɛ́, à sɔ́ tì náànyì, tsí à tsubú kpó.
7Kíbí à ǹɖe ɖóro ró#ɛ́, Yèésù sɛ̃̀ wà bèrè ŋá ró ní: Nɛ̀ɛ́ à wà wò?
Tsí à ní: Yèésù ti Nàsàrɛ́tì.
8Tsí Yèésù ní: Òŋu ti wí fú ŋa ní òŋu ká-òŋu ní nɔ̀! Ó ɖi, bí ó dzɛ́ ní òŋu ní à wà wò ná#á, ni ká kɔ ɛnɛ-àtíbɔ̀ ŋa dzɔ̀ɔ́, tsí ká lɔ.
9Ó wí fú ŋa bɛ́ɛ̀, àtsùgbée afɔ̀ yèé ó fɔ̀ wáa lɔ#ɛ́ kó tsɛ ìɖéǹɖè. Ó fɔ̀ wáa lɔ ní: “Boba-mi, ɛnɛ yèé ò ń bɔwɔ́-mi ŋa#á, ɔ̀kã̀ kpókpó kò nɔ̀ nɔ́wɔ́-mi.” Ńbɛ̀ɛ́, ó wà ní afɔ̀ nyɛ̀ŋɛ̀#ɛ́ kó tsɛ ìɖéǹɖè.
10Ńǹwèrè nyɛ̀ŋɛ̀#ɛ́, Sìmɔ́nì Òkúta gbo wà bɛ̀, tsí tàsú-kã̀ wà fúu. Ńbɛ̀ɛ́, ó kpɔ tàsú#ɛ́ fùɖá, tsí ń tsá arú-ɔ̀gã́-atsɛbɔ-Ɔ̀ɖáyé ŋa†#á, tsí fá etí-àwóòtã́‐ɛ̀ ǹɖe. Arú#ɛ́, à náa kpèé ní Màkúsù. 11Ńbɛ̀ɛ́, Yèésù fɔ̀ fú Òkúta ní: Kó sɛ̃ tàsú‐ɛ̀ bɔ̀ náàkɔ̀. Ó ɖi, ó ɖédzú òfò yèé Boba-òŋu bòkó ń bɔwɔ́-òŋu#ɛ́, òŋu nákó kɔ̀ɔ́ niì?
À gbɛ̃́ Yèésù lɔ fú Hánà
12Tsí sɔ́dzà ŋa#á òŋu ɔ̀gá-ŋa má nára-àɖèlé-ilé-Ɔ̀ɖáyé ŋa#á, à káà dzi Yèésù, tsí múu, tsí ɖèé. 13Tsí à tsɛ̃̀tsɛ̃̀ gbɛ̃́ɛ̃ lɔ fú Hánà. Hánà#á wà dzɛ́ àna-Kàyáfà. Kàyáfà#á ní dzɛ́ ɔ̀gã́-atsɛbɔ-Ɔ̀ɖáyé ŋa† nɔ́ɖɔ̃́ nyɛ̀ŋɛ̀#ɛ́. 14Òŋu ké ní fú onùgbó-ɔma-Ìyúɖà† ŋa ńǹsérè ní: Ó sã̀ fú àŋa lárè ní ɔ̀nyà ɔ̀kã̀ntso kó kú fú ɔ̀nyà kpó#ɛ́.
Òkúta wà sɛ̃́ ní òŋu kò ma Yèésù
(Màtéwò 26:69-70; Mákò 14:66-68; Lúkà 22:55-57)
15Ńǹwèrè yèé à gbɛ̃́ Yèésù làkóò#ɛ́, ɔmatsɛ́‐ɛ̀-kã̀ òŋu Sìmɔ́nì Òkúta tɛ̀ náànyì‐ɛ̀. Ɔmatsɛ́#ɛ́ dzɛ́ ɔ̀nyà mímà fú ɔ̀gã́-atsɛbɔ-Ɔ̀ɖáyé ŋa†#á. Ńbɛ̀ɛ́, ó wɔ̀ ńkpàtá-ɔ̀gã́-atsɛbɔ-Ɔ̀ɖáyé ŋa#á bá Yèésù gbòkã́. 16Tsí Òkúta òŋu ɖóro si nóòɖe nárũ-ɔ̀nà-kpàtá#á. Ńbɛ̀ɛ́, ɔmatsɛ́#ɛ́, ɛnɛ yèé dzɛ́ ɔ̀nyà mímà fú ɔ̀gã́-atsɛbɔ-Ɔ̀ɖáyé ŋa#á, fùɖá wá, tsí wáa wíìnyɛ̀ fú ɔnɔbɛ̃̀ɛ̃ yèé wà ɖe arũ-ɔ̀nà#á, tsí ó kɔ Òkúta dzɔ̀ɔ́, tsí ó wɔ̀ ńkpàtá#á.
17Tsí ɔnɔbɛ̃̀ɛ̃ yèé wà ɖe arũ-ɔ̀nà#á wà wí fú Òkúta ní: Òŋu gbo dzɛ́ ɔmatsɛ́-ɛnɛ#ɛ́ nɔ̀?
Tsí Òkúta ní: Òò, òŋu kò dzɛ́ ɔmatsɛ́‐ɛ̀.
18Ńǹwèrè nyɛ̀ŋɛ̀#ɛ́, otútù wà tse, tsí àtsìtsɛ́-ɔ̀gã́-atsɛbɔ-Ɔ̀ɖáyé ŋa#á òŋu àɖèlé-ilé-Ɔ̀ɖáyé ŋa#á, à fɛ́ná-ɛnyɛ́, tsí súwérí‐ɛ̀ si, tsí wà yɛ́. Tsí Òkúta gbo káà wà náàŋírĩ-ŋa si, tsí wà yɛ́ná bá ŋa.
19Náàsòkò nyɛ̀ŋɛ̀#ɛ́, ɔ̀gã́-atsɛbɔ-Ɔ̀ɖáyé ŋa#á wà bere Yèésù náfɔ̀ ti nára-ɔmatsɛ́‐ɛ̀ ŋa òŋu ɛ̀kɔ́ yèé náa wà tse fú ɔ̀nyà ŋa#á. 20Tsí Yèésù dzɔ́ŋù fúu ní: Òŋu náa wà wíìnyɛ̀ ńgbaŋgba fú ɔ̀nyà kpó ni. Tsí òŋu náa wà tsɛ̀kɔ́ fú ɔ̀nyà ŋa ńlé-ìkpàɖé-ɔma-Ìyúɖà ŋa† òŋu nɔ́gbà-ilé-Ɔ̀ɖáyé†, ńbí ɔma-Ìyúɖà† ŋa kpó náa kpérí si#ɛ́ ni. Òŋu kò wíìnyɛ̀-kã̀ kpókpó ńǹɖúkù wòrí. 21Kí tse tsí nákó wà bere òŋu náfɔ̀ nyɛ̀ŋɛ̀ ŋa báàyí? Ó ɖi, kó bere ɛnɛ yèé ŋa náa rɛ̃tígbè-òŋu ŋa#á náfɔ̀ yèé òŋu náa fɔ̀ fú ŋa#á. Àŋa òŋu, à ma afɔ̀ yèé òŋu fɔ̀#ɛ́.
22Kíbí ó fɔ̀ bɛ́ɛ̀#ɛ́, ɔ̀nyà-kã̀ náàŋírĩ-àɖèlé-ilé-Ɔ̀ɖáyé ŋa#á ǹɖe gé, tsí kpa ìgbètí fúu kpáyì, tsí wà bèrèé ní: Ɔ̀gã́-atsɛbɔ-Ɔ̀ɖáyé ŋa ní ó dzɔ́ŋù fú bɛ́ɛ̀#ɛ́ɛ̀?
23Tsí Yèésù wà wí fúu ní: Bí òŋu fɔ afɔ̀ yèé kò sã̀#á, ni kó fɔ ńbí kò sã̀#á fú òŋu nɔ̀! Tsí kíbí òŋu kò wí afɔ̀-íbàɖí-kã̀#á fee, kí tse tsí ó wà kpa òŋu báàyí?
24Ńbɛ̀ɛ́, Hánà wí, tsí à gbɛ̃́ɛ̃ lɔ fú Kàyáfà, ɔ̀gã́-atsɛbɔ-Ɔ̀ɖáyé ŋa#á. À mú okù ɖèé si, tsí gbɛ̃́ɛ̃ lɔ bɛ̀ ni.
Òkúta tɔ́ sɛ̃́ ró ní òŋu kò ma Yèésù
(Màtéwò 26:71-75; Mákò 14:69-72; Lúkà 22:58-62)
25Ńǹwèrè nyɛ̀ŋɛ̀#ɛ́, Sìmɔ́nì Òkúta òŋu wà nóòkpì-iná si, tsí wà yɛ́ná fú ara‐ɛ̀. Tsí à wà bèrèé ní: Òŋu gbo wà náàŋírĩ-ɔmatsɛ́-ɛnɛ#ɛ́ ŋa nɔ̀?
Tsí ó sɛ̃́ ní òŋu kò tsi ɔmatsɛ́‐ɛ̀.
26Àtsìtsɛ́-ɔ̀gã́-atsɛbɔ-Ɔ̀ɖáyé ŋa†#á-kã̀ gbo wà bɛ̀, tsí ó dzɛ́ ɛnɛ-idza yèé Òkúta fá etí‐ɛ̀#ɛ́. Ńbɛ̀ɛ́, òŋu gbo wà bere Òkúta ní: Òŋu kò ríi nóko-egi ŋa#á, tsí ó wà bá Yèésù siì?
27Tsí Òkúta tɔ́ sɛ̃́ ró. Gbòkã́ gé#ɛ́, àkìkɔ-kã̀ kɔ.
À mú Yèésù lɔ fú Kpìlátò
(Màtéwò 27:1-2,11-14; Mákò 15:1-5; Lúkà 23:1-5)
28Náàwúrɔ̀ kùtùkùtù#ɛ́, à ǹɖe ńlé-Kàyáfà, tsí gbɛ̃́ Yèésù lɔ ńɖi-kɔ̀màɖã́ã̀-ìlú#ɛ́. Ɔma-Ìyúɖà† ŋa kò wɔ̀ ńlé-kɔ̀màɖã́ã̀#á, iŋɛ́ yèé tse#ɛ́, à wà wo ká dzɛ ɔɖɔ̃́-Àɖádzɔ̀ɔ́†-ŋa, tsí bí à wɔ̀ ńlé-kɔ̀màɖã́ã̀#á, à nákó gbɛ̃ɛ̃́rĩ́ nódzú-Ɔ̀ɖáyé, tsí à kàkó nyáa dzɛ dzídzɛ-ɔɖɔ̃́#ɛ́ ró. 29Kɔ̀màɖã́ã̀#á, à náa kpèé ní Kpìlátò†. Ńbɛ̀ɛ́, Kpìlátò fùɖá, tsí wáa kpàɖé ŋa nóòɖe, tsí wà bèrè ŋá ní: Íbàɖí mɛ̀ɛ́ ó tse fú ŋa, tsí à wà mú afɔ̀ báa ni?
30Tsí àŋa gbo, à dzɔ́ŋù fúu ní: Bí kò tse íbàɖí-kã̀#á, àŋa kàkó gbɛ̃́ɛ̃ wá fúu.
31Tsí Kpìlátò ní: Àŋa ká-ŋa ká gbɛ̃́ɛ̃ lɔ, tsí ká káà kpɛdzɔ́ fúu kíbí ɛkpa-ŋa wíi si gbà#á.
Tsí à ní: Ìdzɔba-Rómà† kò fú àŋa nɔ́ɔ̀nà ní àŋa kó kpa ɔ̀nyà-kã̀ nóòkú.
32Yèésù òŋu ká‐ɛ̀ ti ɖíre ikú yèé nákó kú#ɛ́. Ńbɛ̀ɛ́, ó wà ní iŋɛ́ ŋa#á kó lɔ bɛ́ɛ̀, tsí kíbí ó fɔ̀ɔ́#ɛ́, kó tsɛ bɛ́ɛ̀.
33Ńbɛ̀ɛ́, Kpìlátò sɛ̃̀ wɔlé lɔ, tsí kpe Yèésù ní kó wá. Tsí Yèésù lɔ, tsí ó wà bèrèé ní: Òŋu ní dzɛ́ ólú-ɔma-Ìyúɖà ŋa#áà?
34Tsí Yèésù wà bèrèé ní: Òŋu ká‐ɛ̀ ní wà tsèsérè bɛ́ɛ̀#ɛ́ nàmí ɔ̀nyà-kã̀ wíìnyɛ̀-òŋu fúu ni?
35Tsí Kpìlátò wà bèrèé ní: Òŋu gbo, òŋu dzɛ́ ɔma-Ìyúɖà ŋaà? Ó ɖi, tɛ̀ɛ̀ ŋa òŋu onùgbó-atsɛbɔ-Ɔ̀ɖáyé† ŋa ní múu wá fú òŋu#ɛ́. Kí ó tse ni?
36Tsí Yèésù wà wí fúu ní: Òŋu kò wà dzoyè kíbí ólú-ìtalɛ̀ bí ŋa. Ó ɖi, oyè dzídzɛ-òŋu má dzɛ́ ti ìtalɛ̀ bí, àtsìtsɛ́-òŋu ŋa má dzà, tsí à kàá nyáa mú òŋu bɔwɔ́-onùgbó-ɔma-Ìyúɖà ŋa ró. Ìɖéǹɖè#ɛ́, ikpá yèé òŋu wà ń dzoyè#ɛ́ kò ti ńǹtalɛ̀ bí.
37Ńbɛ̀ɛ́, Kpìlátò wà bèrèé ní: Ó dzɛ́ ólú ńnɛ̀ɛ́ nɔ̀?
Tsí Yèésù wí fúu ní: Òŋu ká‐ɛ̀ ní wà wí ní òŋu dzɛ́ ólú#ɛ́. À bí òŋu, tsí òŋu wá ńǹtalɛ̀ bí, àtsùgbée òŋu kó wáa nya àyídzá ti nára-òtítɔ́ ni. Ó ɖi, bí ɔ̀nyà-kã̀ dzɛ́ ti òtítɔ́, náa rɛ̃tígbè-iŋɛ́ yèé òŋu wà wí#ɛ́.
38Tsí Kpìlátò ní: Kí dzɛ́ òtítɔ́?
Kpìlátò nya ɔwɔ́ nára-Yèésù ní ká kpaá nóòkú
(Màtéwò 27:15-26; Mákò 15:6-15; Lúkà 23:13-25)
Kíbí Kpìlátò† wí bɛ́ɛ̀ tã́#á, ó fùɖá wá ńɖi-ɔma-Ìyúɖà† ŋa#á, tsí wà wí fú ŋa ní: Òŋu kò rí iŋɛ́ yèé òŋu kó nyáa ń ɖáàbi fúu#ɛ́. 39Ó ɖi, kíbí ó dzɛ́ ní òŋu náa ti tsí ɔ̀nyà-kã̀ nɛ́ɛ̀ŋà fú ŋa nɔ́ɖɔ̃́-Àɖádzɔ̀ɔ́† kã̀kã̀#á fee, à wà wò ní òŋu kó kɔ ólú-ɔma-Ìyúɖà ŋa dzɔ̀ɔ́ fú ŋaà?
40Kíbí ó fɔ̀ fú ŋa bɛ́ɛ̀#ɛ́, à wà ɖúgbe fúu ní: Láyé! Kò tsi òŋu ní àŋa wà wò#ɛ́. Àŋa wà wo Bàràbá ni.
Bàràbá#á sì wà nɛ́gbɛ́-kã̀, tsí ɛgbɛ́#ɛ́ sɔ́ ɔ̀nyà-ìlú-ŋa ní ká kɔ ìdzɔba.
Đang chọn:
Yòhánà 18: ngl
Tô màu
Sao chép
So sánh
Chia sẻ
Bạn muốn lưu những tô màu trên tất cả các thiết bị của mình? Đăng ký hoặc đăng nhập
© (Active), Wycliffe Bible Translators, Inc. All rights reserved.
