Những câu Kinh Thánh phổ biến từ Salmos 147

Chia sẻ

Te sa'a ya ja jin ndusii ini ñayii ka kuxii ka kunda'vi ini ma, te xtandiyo ya nawa kúu ja sa'a ja ka ndo'o ka neni i ma.

Su'si o a chi ja játna ini ya kúu in ñayii yu'u, nasa yukan, te sa'a i in ja u'vi ja ñatuu játna ini ya ma, te ni‑yu'u ni‑ini i kúkanu ini i ya ja kútoo ña'a ya te kúnda'vi ini ña'a ya.

Su'si o ya chi iya ka'nu xeen kúu ya, te iyo xeen tnu'u ndee tnu'u ndatnu ya, te ndichi xen‑xeen ya.

Te maa ya chi na'a ya na saa tiuxini ma ka iyo andivi ma, te na'a ya nawa ka nani ndi‑in ndi‑in tiuxini ma.

Su'si iya tátnuni nuu o a chi ûni sa'a ya ja koo jayiñu'u ñayii ndákunitnuni ja masu nawa kuu sa'a i ja maa i ma, nú masu ja onde maa ya chindee ña'a ma. Kovaa ñayii sa'a ja u'vi ma chi sa'a ya ja ûni tna'a i ja kan‑nuu.