Những câu Kinh Thánh phổ biến từ Galacia 6

Chia sẻ

Cyja'tzun mi'n ko sict tu'n kbinchante aju ba'n; porque oc kc'ma' t-xel oc tpon tk'ijlalil, ka minti' ma ko cub numj.

Cyja'tzun tcyakil maj ka at tumel, kbincham ba'n cye cycyakil, ex tnejelxix cye ke erman tuj ocslabl.

Che onine ti'j cyikatz mastl, cyja'tzun tten tu'n tjapun tley Crist cyu'ne.

Mi'n che el tzpete ti'j: Ate Dios mlay bant t-xmayinjtz, porque alcyeju in cu'x tawa'n xjal, axtzunju cjawil tchmo'n.

Porque aju xjal in tbincha'n tajbil tchibjal, cnajel tu'n tajbil tchibjal. Atzunju in tbincha'n tajbil Xewbaj Xjan, ctel tchwinklal te jumajx tu'n Xewbaj Xjan; ic tten jlu ic tza'n jun awal in cu'x awet ex in jaw chmet twitz.

Erman, ka at jun cyxole ma cub tz'ak tuj jun til, cywa'banctze juntl maj akeye at tipumal Xewbaj Xjan cyuc'ile, tuj cheba cymanxe te. Ten cycwente cyi'je, mya yajcu icx cyeye che oque tuj joybil cyi'je.

Porque alcye in ximan ti'jx ka at toclen ex minti' toclen, in cub t-sbun tib. Teyle junjun tu'n tic' twitz ti'j tex tak'unben; cyja'tzun ba'n tu'n ttzalaj ti'j tak'unben ex mya ti'j tak'unben juntl. Porque teyle junjun tu'n t-xi tikan tex tikatz.