Những câu Kinh Thánh phổ biến từ 1 Corinthians 3

Chia sẻ

သင်တို့ကိုယ်တိုင်သည် ဘုရားရှင်၏ ဗိမာန်တော်ကဲ့သို့ဖြစ်ကြပြီး ဘုရားရှင်၏ဉာဏ်အလင်းတော်သည် သင်တို့အထဲ၌ကိန်းဝပ်တော်မူသည်ကို သင်တို့မသိကြသလော။

အကြောင်းမူကား ယေရှုခရစ်တော်ချထားခဲ့ပြီးဖြစ်သော အုတ်မြစ်မှတစ်ပါး အခြားသောအုတ်မြစ်ကို မည်သူမျှ မချနိုင်ပေ။

ထို့ကြောင့်စိုက်ပျိုးသောသူနှင့် ရေလောင်းသောသူနှစ်ဦးစလုံးသည်အရေးပါသောသူများမဟုတ်ပေ။ အပင်အားကြီးထွားစေသော ဘုရားရှင်သာလျှင်အရေးပါသောသူဖြစ်ပေသည်။

အကျွန်ုပ်တို့သည် ဘုရားရှင်ထံ၌ အလုပ်လုပ်သောသူများဖြစ်ကြသည်။ သင်တို့သည် ဘုရားရှင်၏လယ်ယာများ ဖြစ်ကြသည်။ သင်တို့သည်ဘုရားရှင်၏အဆောင်အအုံလည်းဖြစ်ကြသည်။

ထိုသူ၏လုပ်ဆောင်မှုများသည် တစ်နေ့ထင်ရှားလာလိမ့်မည်ဖြစ်သည်။ အဘယ်ကြောင့်ဆိုသော် ယေရှုခရစ်တော်ပြန်လာသောအခါတွင် ထိုအရာများကိုကိုယ်တော်သည်ရှင်းလင်းအောင်ပြုလုပ်လိမ့်မည်ဖြစ်သည်။ ထိုနေ့သည် မီးနှင့်အတူပေါ်ထွန်းလာလိမ့်မည်ဖြစ်သည်။ မီးသည် လူတစ်ဦးတစ်ယောက်ခြင်းစီ၏လုပ်ဆောင်မှု အရည်အသွေး အားစမ်းသပ်စစ်ဆေးလိမ့်မည့်ဖြစ်သည်။

စိုက်ပျိုးသောသူနှင့် ရေလောင်းသောသူသည် ရည်ရွယ်ချက်တစ်ခုတည်းသာရှိပြီး နှစ်ဦးစလုံးသည် မိမိလုပ်ဆောင်သည့်အတိုင်း အကျိုးကျေးဇူးကိုခံစားကြရလိမ့်မည်ဖြစ်သည်။

မည်သူမျှ မိမိကိုယ်ကိုမလှည့်စားကြနှင့်။ သင်တို့ထဲမှတစ်စုံတစ်ယောက်သည် ဤလောက၌ ပညာရှိဖြစ်သည်ဟု ကိုယ့်ကိုကိုယ်ထင်နေလျှင် ထိုသူသည် ပညာရှိအဖြစ်သို့ရောက်လိုသောလူမိုက်တစ်ဦးပင် ဖြစ်မည်ဖြစ်သည်။