Những câu Kinh Thánh phổ biến từ SAWLTAK 4

Chia sẻ

Ama hang bek tawh hotkhiatna kingah thei ding hi. Bang hang hiam cih leh eite in hotkhiatna i ngahtheih nadingin leitung khempeuhah Pasian in hong piak min dang khat zong om lo hi,” ci-in a gen hi.

Tua bangin thu a nget khit uh ciangin amaute’ kikhopna mun hong kilinggawp hi. Amaute khempeuh Kha Siangtho tawh kidim uh a, hang takin Pasian’ thu gen ding a kipan uh hi.

Tua ahih ciangin Topa aw, amaute in kote hong tawnnate thei inla, nangma nasem kote in lungsim han’ mahmahna tawh nangma thu ka gentheih nadingun hong huh in.

Lai Siangtho in, ‘No innlamte in na nilkhiat uh suangtum pen innkiu suang bulpi a suak hi,’ ci-in a gen pen hih Jesuh ahi hi.

Uliante in Peter le Johan a han’ mahmahna thu le amaute pilna sang a nei lo mi mawkmawk ahihna thu a theih uh ciangin lamdang a sa mahmah uh hi. Tua ciangin Jesuh tawh a kikhawl khin ngeite ahihna uh a phawk uh hi.

Thu um mi khempeuh a lungsim uh le a ngaihsutna uh kikhat uh a, kuamah in ama neihsa kei-a’ tuam ci loin, a neih khempeuh uh a neikhawm ciat uh hi.