Những câu Kinh Thánh phổ biến từ Yohanis 17

Chia sẻ

Tolong dong par jadi Bapa pung orang-orang yang iko Bapa pung mau tarus sa, tagal dong parcaya Bapa pung ajarang yang batul tu. Apa sa yang Bapa bilang tu, itu ajarang yang batul.

Hidop tarus-tarus tu pung arti, dong kanal Bapa deng Yesus Kristus ni. Bapa tu Allah yang batul, seng ada yang laeng. La Yesus Kristus ni orang yang dapa utus dari Bapa par datang ka dunya ni.

Bapa e! Beta sombayang bukang cuma par dong sa, mar par samua orang yang nanti parcaya Beta tagal dengar apa yang dong ajar lai. La Beta minta biar Bapa biking dong samua satu hati, sama deng Katong dua jua satu hati. Beta jua minta biar Bapa biking dong deng Katong satu hati, biar samua orang di dunya parcaya kalo Bapa yang utus Beta.

Beta seng minta Bapa ambe dong dari dunya ni, mar Beta minta biar Bapa jaga dong dari Setang pung Raja yang tukang biking kajahatang tu.

Beta su biking dong dapa hormat, sama deng Bapa biking Beta dapa hormat. Beta biking bagitu biar dong samua satu hati, sama deng Katong dua jua satu hati. Beta satu hati deng dong la Bapa satu hati deng Beta, biar dong samua batul-batul satu hati. Hal itu jadi biar orang-orang di dunya ni tau kalo Bapa yang utus Beta deng kalo Bapa jua sayang dong, sama deng Bapa sayang Beta.