Những câu Kinh Thánh phổ biến từ ཡོ་ཧ་ནཱན་ལེའུ་ 1

Chia sẻ

དེ་འབདཝ་ད་ ཁོ་ལུ་ཞུ་སྟེ་ ཁོ་གི་མཚན་ནང་དད་པ་བསྐྱེད་མི་ཆ་ཁྱབ་ལུ་ ཁོ་གིས་དཀོན་མཆོག་གི་སྲས་སྲསམོ་ལུ་འགྱུར་ནིའི་འོས་འབབ་གནང་ནུག

འགོ་ཐོག་རང་ གསུང་བཞུགས་ཡོདཔ་ཨིན་མས་ གསུང་འདི་དཀོན་མཆོག་དང་གཅིག་ཁར་ཡོདཔ་ཨིན་མས་ གསུང་འདི་དཀོན་མཆོག་ཁོ་རང་ཨིན་མས།

འོད་ཟེར་དེ་གནག་དུང་ནང་ཤར་ཏེ་ཡོདཔ་ཨིན་མས་ གནག་དུང་གིས་འོད་ཟེར་དེ་ལུ་བཀབ་སྟེ་སྦ་མ་ཚུགས་པས།

ད་གསུང་འདི་ཤ་དང་ཁྲག་ལུ་འགྱུར་ཞིནམ་ལས་ སྙིང་རྗེ་དང་བདེན་པ་གིས་གང་སྟེ་ ང་བཅས་དང་གཅིག་ཁར་འཛམ་བུ་གླིང་ནང་བཞུགས་ནུག་ ང་བཅས་ཀྱིས་གཟི་བརྗིད་འདི་མཇལཝ་ད་ འདི་ཡབ་ལས་ ཨིན་མིའི་སྲས་གཅིགཔ་གི་གཟི་བརྗིད་སྦེ་མཇལ་ཡི།

འབྱུང་བ་ཚུ་ག་ར་གསུང་གི་ཐོག་ལས་སྦེ་མཛད་ནུག་ ཁོ་མེད་པར་འབྱུང་བ་ཚུ་གཅིག་ཡང་མ་འབྱུང་པས། ཁོ་གི་ནང་ལུ་ཚེ་ཡོདཔ་ཨིན་མས་ ཚེ་འདི་མི་ག་ར་གི་དོན་ལུ་འོད་ཟེར་ཨིན་མས།

འདི་གི་ནངས་པ་ ཡོ་ཧ་ནཱན་གྱིས་ཡེ་ཤུ་ཁོ་སྡོད་སར་འབྱོནམ་མཇལ་ཏེ་ དེ་སྦེ་སླབ་ནུག་ བལྟ་ཞིག་ འཛམ་བུ་གླིང་གི་སྡིག་པ་བསྣམས་པ་འབྱོན་མི་ དཀོན་མཆོག་གི་ལུག་གི་ཕྱུག་ཀུ་བྱོན་དོ།

འོད་ཟེར་ཨིན་མི་ཁོ་ འཛམ་བུ་གླིང་ནང་བཞུགས་ཏེ་ ཁོ་ལས་རྒྱུད་དེ་འབྱུང་བ་ཚུ་ག་ར་མཛད་དེ་ཡོད་རུང་ འཛམ་བུ་གླིང་གི་མི་དེ་ཚུ་གིས་ཁོ་ངོ་མ་ཤེས་པས། ཁོ་རང་གི་མི་དེ་ཚུ་སྡོད་སར་བྱོན་རུང་ ཁོ་གི་མི་དེ་ཚུ་གིས་ཁོ་ལུ་བྱོན་ཟེར་ཞུ་མ་བཏུབ་པས།

མི་ག་ར་ལུ་སྐྱ་སི་སི་བཟོ་མི་འོད་ཟེར་ངོ་མ་དེ་ འཛམ་བུ་གླིང་ནང་འབྱོན་ནི་སྦེ་ཡོདཔ་ཨིན་མས།

ག་ཅི་སྨོ་ཟེར་བ་ཅིན་ བཀའ་ཁྲིམས་འདི་ མོ་སཱེས་ཀྱི་ཐོག་ལས་སྦེ་གནང་ནུག་ དེ་འབདཝ་ད་ ཐུགས་རྗེ་དང་བདེན་པ་འདི་ ཡེ་ཤུ་ཁིརཱིས་ལས་སྦེ་འབྱུང་འོངས་ནུག