Những câu Kinh Thánh phổ biến từ Mencrer Xà 139

Chia sẻ

Na wa itỳj amji mã apejti na garẽ. Ampo na? He ate ampo ton xà atajê cunea pihho ne hahkre pej xà pimxur tu, ne ajtea mã, ne quêt impejti. Wa ite amji kam ijapac xà cunea to gàpên xà ita na, ite gahkre pej pejtu.

Ỹhỹ, ijõ Pahpãm! Gapacta ne ikôpĩ ne icaxwỳn na awcapi, ne ite amji kam ijapac xà cunea na ijahkre pej. Ne imã, ihhêaj to ite ijõ pry cupan xà nõ ata jarẽ, ne quêt mehtĩr rohnỳtti mã xà ata jõ pry wỳr ca ito mõ, ne kam imẽ, wa ihkôt mõ.

Ne caa pê ca ahpỹanre na imã icukrã xà ton pa, ne inxê cahã xà caxwãm pê ajkam ipyxwỳr pa.

Ne pê ca ipỳm xwỳjrea na ramã ipupu. Ne caa ramã imã jũ mã ite amji to ipijapar xà na amcro atajê na gõ kàhhôc kam ihhôc hiahpuro, mã hikwa, cormã amcro jamre reria mã.

Ijõ Pahhiti, ca ramã ate ipupun pejtu na ri amã ijahkre pej.

Ne jũ kam wa ha apê tẽ? Ca pjê cunea kam apa xà ita kam, jũ mã wa ha ajte ne jũ kam apê hawry? He wa nee jũ kam, apê ijũjawry nare.

Ne ramã ite ampo ton xà atajê cunea na amã ijahkre pej. Ne ampỳa mã amã ite amji kam ijapac xà cunea na ijahkre pej.

Ne ite jũm mã ampo jarẽn xà ata xwỳjrea na, ramã ite harẽn xà ata na amã ijahkre pej.

Ca ijàpên xà cunea me, ite apu ikôt xà atajê cunea kam ipupu, ne ite ampo ton xà atajê cunea na amã ijahkre pej.