Những câu Kinh Thánh phổ biến từ Mar thehr liq 18

Chia sẻ

Awg lawn ghod ver chaw ni ghad seh ghad ngag ved awg meh haq cud lehq phawng daq chehd ver, u huh i hehd geh ngag chehd tug yaog,” lehd koz che yaog.

Kheh te lehq ngag nig hehd haq kawq koz ax laq, mig gig khod-aq lo nig hehd awg khuhn ve chaw ni ghad ni ma hawr daq lehq ted ceng cear lawg ver, muhd nuh maq lo chehd che ngag ved Awr pa awr lehr, ix maq lawg che heh te vid tug yaog.

Kheh te lehq Yer suq chaw yad nehax te ghad haq kug veha lehq i hehd teq pa kanr hox vid lar lehq koz che, “Ngag nig hehd haq awg cehg mag koz ax laq, nig hehd ni ma maq pa lehq chaw yad nehax teq pa heh maq te ver, muhd nuh maq muhd mig khuhn nig hehd maq gha gehe hawg.

Kheh te cheaq te lehq, a sug te ghad lehd ma koz chaw yad nehax che ve heh te lehq ni ma nehr ghad tar che chaw awr lehr, muhd nuh maq muhd mig awg khuhn suaq keh ir jad che chaw te ghad phehq che yaog.

Chaw a sug te ghad lehd ma koz chaw yad nehax heh te che te ghad haq ngag ved awg meh awg khuhn haq yug ver, ngag haq haq yug che yaog.

Ngag nig hehd haq awg cehg mag koz ax laq, mig gig khod-aq lo nig hehd kha pheh lar che teq pa haq muhd nuh maq lo liz pheh lar tug yaog. Mig gig khod-aq lo nig hehd kha phehd kha vid che teq pa haq muhd nuh maq lo liz phehd kha vid tug yaog.

Nig hehd teq pa liz a sug yawd ved a vix a nax te yaq che teq pa haq ni ma awg tawg kha gag vend bax ma phehd vid ver, muhd nuh maq lo chehd che ngag ved Awr pa liz nig hehd haq che kheh tea tug yaog,” lehz Yer suq i hehd haq koz vid che yaog.

Kheh te lehq ngag haq yonr che chaw yad nehax che ve teq pa khuhn ve te ghad haq maq yonr vid tug te che chaw khar ve te ghad lehd ma koz, yawd ved kuhr pehg haq huhx meh mawr nux pheh ku li lehq nax jad che lad chuhd ghig khuhn chid bag ke pe ver, yawd awg pun daq jad vehr che yaog.

Nig hehd khawd-ehg kheh duhd-aq le. Chaw te ghad ghad yawd ved yawg teq ha kheh cawg lehq teq kheh mehx vehr ver, kuhd chi kuhd kheh haq keh thag lo teh lar haz lehq mehx vehr che teq kheh haq yawd ghaq ca ngawx veh tug yaog ma hez hawg la.