What are you busy with?🐝

What is your main role in your life season right now? Estudyante ka ba? Nagtatrabaho ka ba? Housewife and mother?

At ano-ano ba ang mga ginagawa mo bawat araw sa mga roles mong ganito? Malamang may mga gawaing nararamdaman mong mahalaga, at meron ding mga parang paulit-ulit na lang. Mas madaling isipin na mahalaga kay Lord ang mga ginagawa nating malalaki; at mas madaling mawalan naman ng gana sa mga gawaing parang ang liliit, like our daily chores.

Pero alam mo bang mahalaga kay Lord ang mga ginagawa mo, whether they feel big, or routine, mundane things?

In church history, may isang monk na tinatawag nilang Brother Lawrence. Naging kilala siya sa kanyang librong ang title ay “Practicing the Presence of God.” Sa librong ito, ikinuwento niya ang kanyang pinagdaanan bilang isang miyembro sa monasteryo. Ilan sa mga trabaho niya araw-araw ay ang paghuhugas ng pinggan at pagbabalat ng patatas para sa kanyang mga kasamahan. Natutunan niyang kausapin si Lord habang ginagawa ang mga ito, and he experienced God’s presence even through these mundane tasks.

Basahin natin ang verse na ito:

At anuman ang ginagawa nʼyo, sa salita man o sa gawa, gawin nʼyo ang lahat bilang mananampalataya sa Panginoong Jesus, at magpasalamat kayo sa Dios Ama sa pamamagitan niya (Colosas 3:17 ASND).

Nakikita mo ba? This shows us that everything we do can be an act of worship to the Lord, kaya masasabi nating mahalaga pala ang mga ito sa Kanya.

Isipin mo ngayon ang mga ginagawa mo araw-araw, and let’s practice thanking God for them. Puwede mong dasalin, “Lord, salamat na kasama Mo ako bawat oras at nakikita Mo ako habang nag-________ ako. Amen.”

Tandaan mo, isa kang miracle!