Mga Debosyon para sa Mahal na Araw mula sa Holy Bible: MosaicHalimbawa

Pag-asa Ang pag-asa ay tila kakaibang kasama kapag ito ay ipinapares sa ibang mga bagay tulad ng pananampalataya, pag-ibig at iba pang mga napakahalagang katangian. Ang pag-asa ay isang bagay na inaasahan, isang pagnanais na magkaroon ng kaganapan, subalit ito'y nagbibigay ng damdamin ng pagkabalisa sa kasalukuyan. Umaasa tayong ang ating mga pangarap ay matutupad, ngunit gusto rin nating malaman kung ano pa ang ating maaaring asahan kapag sila ay natupad na. Parang napakalupit kapag sinabi natin sa ating kaibigan na mahal natin sila, na naniniwala tayo sa kanila, at umaasa tayo sa kanila, na para bang hindi pa nila tinataglay ang katangian ng pagiging pinakamagaling na kaibigan na ninanais nating maabot nila Gayunman hinihikayat tayo ng Diyos na ilagay ang ating pag-asa sa Kaniya. Habang ito'y maaari nating ituring na direksyon patungo sa pagkabigo, na siya namang madalas nangyayari sa mga pag-asa nating makamundo, ang uri ng katangian na kasing dakila ang hangarin gaya ng pananampalataya at pag-ibig ay nagpapaalaala sa atin na ang mga pangako ng Diyos ay tunay ngang maaari nating paglagakan ng ating pinakamatinding pag-asa.