Paghahanap ng Iyong Paraang PananalapiHalimbawa

Hindi kayo maaaring magmahal nang sabay sa Diyos at sa kayamanan.

Tayo ay nakakatanggap ng milyun-milyong mga mensahe araw-araw. Ang mga gumagawa ng patalastas ay gumagamit ng magagaling na sawikain, magagandang tao at nakakatuwang mga hayop upang maakit tayo sa anumang ipinagbibili nila, ito man ay burger o sasakyan. Nais mong magmukhang makapangyarihan? Magmaneho ng magarang sasakyan. Nais mong akitin ang magagandang babae? Gumamit ng mamahaling pabango.

Kapag hinayaan natin ang mga gumagawa ng patalastas na kumbinsihin tayo na ating mga pag-aari ang nagtatakda ng kabuluhan natin, hinahayaan nating panghawakan tayo ng kasakiman at ito ay hahantong lamang sa pagkawasak. Ang nagtatakda ng kabuluhan natin ay siya ring magtataguyod sa atin. Ang katanyagan ay kumukupas at ang mga uso ay nagbabago. Ang mga materyal na bagay ay hindi kailanman magiging sapat upang bigyan tayo ng kasiyahan.

Tanging ang pag-ibig ng Diyos ang mananatili magpakailanman at hindi kailanman magbabago. Kapag hinayaan nating Siya ang magbigay kabuluhan sa ating buhay sa halip na ang susunod na pinakamahusay na bagay, tayo ay maitataguyod magpakailanman.

Isipin ito:
1. Sino ang higit na nakakaimpluwensiya sa iyong mga desisyon sa paggastos: ang Biblia o ang mga patalastas? Bakit?
2. Paano mo hahayaan ang Diyos na magtakda sa iyong pananalapi ngayon?

Manalangin:
Mahal na Jesus, tulungan Mo akong makuntento sa kung anong mayroon ako. Ituro Mo sa akin kung paano sasalain ang mga mensahe na naririnig ko sa araw-araw at mananatiling nakatuon sa Iyo.