Isaias 66:12-14

Sapagkat sinasabi ng PANGINOON, “Pauunlarin ko ang Jerusalem at itoʼy magiging payapa. Dadalhin ko sa kanya ang kayamanan ng mga bansa na parang umaapaw na daluyan ng tubig. Kayoʼy matutulad sa isang sanggol na aalagaan, hahawakan, pasususuhin, at kakalungin ng kanyang ina. Aaliwin ko kayo doon sa Jerusalem, katulad ng isang inang umaaliw sa kanyang anak.” Kapag itoʼy nakita ninyong ginagawa ko na, magagalak kayo, at lalago na parang sariwang tanim. Ipapakita ng PANGINOON ang kanyang kapangyarihan sa kanyang mga lingkod, ngunit ipapakita niya ang kanyang galit sa kanyang mga kaaway.

Bersikulong Larawan para sa Isaias 66:12-14