Números 3
3
Leví ayllukunamanta
1Sinaí orqopi Moisesta Tayta Diospa rimapayasqan tiempopim, Aaronpa chaynataq Moisespa churinkuna kaykuna karqaku: 2#Nm 26.60.Aaronpa piwi churinmi karqa Nadab, paypa qatiqkunañataqmi Abiú, Eleazar hinaspa Itamar. 3Kay tawankum sacerdote kanankupaq Diospa akllasqan kaspanku aceitewan tallisqa karqaku. 4#Lv 10.1-2; Nm 26.61.Ichaqa sacerdote Abiú hinaspa sacerdote Nadabmi Tayta Diospa qayllanpi Sinaí chunniqpi wañururqaku, altarpi inciensota mana Diospa kamachisqanman hina ofrecesqankurayku. Paykunaqa manaraq churiyuq kachkaspam wañukurqaku. Chaynapim Eleazarwan Itamarllaña taytanku Aaronpa qawasqanta sacerdote kayninkupi servikurqaku.
5Moisestam Tayta Dios nirqa:
6Leví aylluta qayay chaynapi sacerdote Aaronta yanapanankupaq. 7Paykunam Aaronpa rantinpi chaynataq llapa runakunapa rantinpi asuykamuwanaykichik carpapi servikunqaku. 8Asuykamuwanaykichik carpapi serviciokunatam nanachikunqaku, hinaspam Israel mirayninkunapa rantinpi ñoqaman asuykamuwanaykichik carpapi servikunqaku. 9Israelpa mirayninkunamantam Leví aylluta Aaronman hinaspa mirayninkunaman qonki. 10Aaronwan churinkunam sacerdotekunapa imam ruwananta ruwanqaku. Pipas mana sacerdote kachkaspa santuarioman asuykuqqa wañunqam, nispa.
Leví ayllu sapaqchasqa kasqankumanta
11Moisestam Tayta Dios kaynata nirqa:
12 #
Ex 32.26-29. Ñoqam Israelpa piwi churinkunapa rantinpi Leví aylluta akllakuni. Leví ayllukunam ñoqallapaqña kanqa. 13#Ex 13.2.Egipto nacionpi piwi wawakunata wañuchisqaymantapunim Israel ayllukunapa piwi churinkunataqa ñoqallapaqña sapaqchakurqani. Animalkunapa punta wawantapas ñoqallapaqñam sapaqchakurqani, Tukuy chaykunam ñoqapaq kanqa. Ñoqaqa Tayta Diosmi kani, nispa.
Leví ayllukuna yupasqa kasqankumanta
14Sinaí chunniqpim Moisesta Tayta Dios nirqa:
15Leviypa mirayninkunatam ayllunkuman chaynataq mirayninkuman hina, huk killayuqmanta hanayman qari wawakunata yupanki, nispa.
16Chaymi Tayta Diospa nisqanman hina Moisés yuparqa.
17Leviypa churinkunam karqa: Gersón, Coat hinaspa Merari.
18Gersonpa churinkunam ayllunman hina karqaku, Libni hinaspa Simei.
19Coatpa churinkunam ayllunman hina karqaku: Amram, Izhar, Hebrón hinaspa Uziel.
20Meraripa churinkunam ayllunman hina karqaku Mahli hinaspa Musi.
Kaykunam Leviypa churinkuna ayllunkuman hina karqaku.
21Libnipa chaynataq Simeipa ayllunkunaqa Gersonpa mirayninkunam karqaku. 22Gersonpa mirayninkunam huk killayuqmanta hanayman yupaptinku qanchis waranqa pichqa pachaknin qarikuna karqaku. 23Gersonpa ayllunkunam Diosman asuykuna carpapa qepanpi otaq intipa seqaykunan lawninpi samarqaku. 24Gersonpa mirayninkunapa kamachiqninmi karqa Laelpa churin Eliasaf. 25Diosman asuykuna carpapim Gersonpa mirayninkuna nanachikuqku: Santuariota, carpapa cortinankunata, carpapa punkunpi telakunata, carpapa qatankunata, 26patiopa muyuriqninpi cortinakunata, patiopa punkunpi telakunata, altarpa muyuriqninpi telakunata chaynataq waskankunatapas.
27Coatpa mirayninkunam karqaku: Amram, Izhar, Hebrón hinaspa Uziel. 28Coatpa mirayninkunata huk killayuqmanta hanayman yuparuptinkum pusaq waranqa soqta pachaknin qarikuna karqaku. Paykunam Diosman asuykuna carpata nanachikurqaku. 29Coatpa mirayninkunam Diosman asuykuna carpapa sur lawninpi otaq alleq lawninpi samarqaku. 30Coatpa mirayninkunapa kamachiqninmi karqa Uzielpa churin Elizafán. 31Paykunam nanachikurqaku: Arcata, mesata, candelabrota, altarkunata, santuariopi imapas serviciokunata, carpa rakinaq velota chaynataq tukuy ima servichikuna kaqkunatapas.
32Leví ayllumanta kamachikuqkunapa kamachiqninmi karqa sacerdote Aaronpa churin Eleazar. Paymi santuario nanachikuqkunata kamachirqa.
33Meraripa mirayninkunam karqa mahlitakuna hinaspa musitakuna. 34Meraripa mirayninkunata huk killayuqmanta hanayman yuparuptinkum soqta waranqa iskay pachaknin qarikuna karqaku. 35Meraripa mirayninkunapa kamachiqninmi karqa Abihailpa churin Zuriel. Paykunam Diosman asuykuna carpapa norte lawninpi otaq ichoq lawninpi samarqaku. 36Meraripa ayllunkunam nanachikurqaku: Diospa carpanpa marconkunata, qerunkunata, pilarninkunata, chay pilarkunapa tiyanankunata, tukuy ima servichikuna kaqkunata, 37patiopa muyuriqninpi pilarkunata, chay pilarkunapa tiyanankunata, estacankunata chaynataq waskankunatapas.
38Santuariopa ñawpaqninpim otaq intipa qespimunan lawninpim Moisés, Aarón hinaspa churinkuna samarqaku. Paykunam carpata Israelpa mirayninkunapa rantinpi nanachikurqaku. Mana sacerdote kachkaspa pipas santuarioman asuykuqqa wañuchisqam kanan karqa. 39Tayta Diospa nisqanman hinam Leviypa mirayninkunata ayllunkuman hina Moiseswan Aarón yuparqaku. Chaymi huk killayuqmanta hanayman iskay chunka iskayniyuq waranqa qarikuna karqaku.
Piwi churikuna imaynam reclamasqa kanankumanta
40Moisestam Tayta Dios nirqa:
Israelpa mirayninkunamantam huk killayuqmanta hanayman llapa piwi kaq qarikunata sutin-sutin yupaspa listaman churanki. 41Israel miraykunapa piwi churikunapa rantinpim Leví aylluta rakipuwanki. Llapa animalninkunapa piwinkunapa rantinpiñataqmi Leví ayllupa animalninkunata rakipuwanki. Ñoqaqa Tayta Diosmi kani, nispa.
42Tayta Diospa kamachisqanman hinam Israelpa mirayninkunapa llapa piwi churinkunata Moisés yuparqa. 43Llapa piwi churikunata huk killayuqmanta hanayman yuparuptinmi iskay chunka iskayniyuq waranqa iskay pachak qanchis chunka kimsayuq qarikuna karqaku.
44Moisestam Tayta Dios nirqa:
45Israelpa mirayninmanta llapa piwi churikunapa rantinpim Leví aylluta rakipuwanki, animalninkupa rantinpipas Leví ayllupa animalninkunatam rakipuwanki; Leví aylluqa ñoqapam. Ñoqaqa Tayta Diosmi kani, nispa. 46Israel miraykunapa piwi churinkunaqa achkallañam kachkanku, Leví ayllukunam ichaqa aslla. Chaynaqa, chay iskay pachak qanchis chunka kimsayuq puchuq churikunata reclamanankupaqmi, 47sapa churimanta santuariopi pesoman hina iskay onza qollqeta mañanki. Chay santuariopi pesoqa yaqa media onzam. 48Chay puchuq piwi churikunata reclamasqanku qollqetaqa Aaronmanwan churinkunamanmi qonki, nispa.
49-50Leví ayllukuna aslla kasqankurayku Israelpa mirayninmanta puchuq piwi churikunata reclamasqanku qollqetam Moisés chaskirqa chunka soqtayuq kilo tumpa masninta, santuariopi pesoman hina. 51Chay qollqetam Aaronmanwan churinkunaman qoykurqa. Chaynataqa ruwarqa Tayta Diospa kamachisqanman hinam.
ที่ได้เลือกล่าสุด:
Números 3: RCHQ2
เน้นข้อความ
แบ่งปัน
เปรียบเทียบ
คัดลอก
ต้องการเน้นข้อความที่บันทึกไว้ตลอดทั้งอุปกรณ์ของคุณหรือไม่? ลงทะเบียน หรือลงชื่อเข้าใช้
Chuya Qellqa Revisión @ Sociedad Bíblica Peruana, 2012