Números 26
26
Israel miraykuna musoqmanta yupasqa kasqankumanta
1Peste onqoy taniruptinmi Moisestawan sacerdote Aaronpa churin Eleazarta Tayta Dios nirqa:
2 #
Nm 1.1-46. Israelpa mirayninkunamantam, ayllunkuman hina iskay chunka watayuqmanta hanayman guerraman riqpaq hina qarikunata yupankichik, nispa.
3Chaymi Jordán mayupa hichpan Moab law pampapi otaq Jericó llaqtapa chimpanpi, llapa runakunata Moiseswan sacerdote Eleazar nirqaku, 4Tayta Diospa kamachisqanman hina, iskay chunka watayuqmanta hanayman yupasqa kanankupaq.
Egipto nacionmanta lloqsimuq Israelpa mirayninkunam kaykuna karqaku:
5Israelpa piwi churin Rubenmantam karqa: Enocpa, Falupa, 6Hezronpa hinaspa Carmipa mirayninkuna. 7Rubén aylluta yuparuptinkum tawa chunka kimsayuq waranqa qanchis pachak kimsa chunka qarikuna karqaku. 8Falupa churinmi karqa: Eliab, 9Eliabpañataqmi Nemuel, Datán hinaspa Abiram. Datanwan Abirammi Coreywan kuska llapa runakunata Moisespa hinaspa Aaronpa contranpi umachaspanku Tayta Diospa contranpi hatarirqaku. 10Chaymi allpa kichakuykuspan Datantawan Abiramta chaynataq Coreytapas millpururqa. Chaypitaqmi iskay pachak pichqa chunka runakunapas ninapa rupasqan wañururqaku. Chayqa pasakurqa hamuq punchawkunapi chaynata mana pipas hatarinanpaqmi. 11Coreypa churinkunam ichaqa mana wañurqakuchu.
12Simeón ayllumantam karqaku: Nemuelpa, Jaminpa, Jaquinpa, 13Zerapa hinaspa Saulpa mirayninkuna. 14Simeón aylluta yuparuptinkum iskay chunka iskayniyuq waranqa iskay pachaknin qarikuna karqaku.
15Gad ayllumantam karqaku: Zefonpa, Haguipa, Sunipa, 16Oznipa, Eripa, 17Arodpa hinaspa Arelipa mirayninkuna. 18Gad aylluta yuparuptinkum tawa chunka waranqa pichqa pachaknin qarikuna karqaku.
19Judapa churinkunam karqa Er hinaspa Onán, ichaqa paykunam Canaán allpapi kachkaspallaraq wañukurqaku. 20Judá ayllumantam karqaku: Selapa, Farespa hinaspa Zerapa mirayninkuna. 21Farespa churinkunañataqmi karqa Hezrón hinaspa Hamul. 22Judá aylluta yuparuptinkum qanchis chunka soqtayuq waranqa pichqa pachaknin qarikuna karqaku.
23Isacar ayllumantam karqaku: Tolapa, Fuapa, 24Jasubpa hinaspa Simronpa mirayninkuna. 25Isacar aylluta yuparuptinkum soqta chunka tawayuq waranqa kimsa pachaknin qarikuna karqaku.
26Zabulón ayllumantam karqaku: Seredpa, Elonpa hinaspa Jahleelpa mirayninkuna. 27Zabulón aylluta yuparuptinkum soqta chunka waranqa pichqa pachaknin qarikuna karqaku.
28Joseypa churinkunam ayllunkuman hina karqa Manaseswan Efraín. 29Manasés ayllumantam karqaku: Maquirpa mirayninkuna hinaspa Maquirpa churin Galaadpa mirayninkuna. 30Galaadpa mirayninkunamantam karqaku Jezerpa, Helecpa, 31Asrielpa, Siquempa, 32Semidapa hinaspa Heferpa mirayninkuna. 33Heferpa churin Zelofehadpaqa manam qari churinkuna karqachu, warmikunallam karqa. Paykunam karqa Maala, Noa, Hogla, Milca hinaspa Tirsa. 34Manasés aylluta yuparuptinkum pichqa chunka iskayniyuq waranqa qanchis pachaknin qarikuna karqaku.
35Efraín ayllumantam karqaku: Sutelapa, Bequerpa hinaspa Tahanpa mirayninkuna. 36Sutelapa mirayninkunam karqa Eranpa mirayninkuna. 37Efraín aylluta yuparuptinkum kimsa chunka iskayniyuq waranqa pichqa pachaknin qarikuna karqaku. Chaynam Joseypa ayllumanta qarikuna karqaku.
38Benjamín ayllumantam karqaku: Belapa, Asbelpa, Ahirampa, 39Sufampa hinaspa Hufampa mirayninkuna. 40Belapa mirayninkunam karqa Ardpa mirayninkuna hinaspa Naamanpa mirayninkuna. 41Benjamín aylluta yuparuptinkum tawa chunka pichqayuq waranqa soqta pachaknin qarikuna karqaku.
42Dan ayllumantam karqaku: Suhampa mirayninkuna. Paykunam Danpa mirayninkuna karqaku. 43Súham aylluta yuparuptinkum soqta chunka tawayuq waranqa tawa pachaknin qarikuna karqaku.
44Aser ayllumantam karqaku: Imnapa, Isuipa hinaspa Beriapa mirayninkuna. 45Bería ayllumantam karqaku Heberpa, Malquielpa mirayninkuna. 46Aserpaqa warmi churinpas karqam Sera sutiyuq. 47Aser aylluta yuparuptinkum pichqa chunka kimsayuq waranqa tawa pachaknin qarikuna karqaku.
48Neftalí ayllumantam karqaku: Jahzeelpa, Gunipa, 49Jezerpa hinaspa Silempa mirayninkuna. 50Neftalí aylluta yuparuptinkum tawa chunka pichqayuq waranqa tawa pachaknin qarikuna karqaku.
51Israelpa mirayninkunata yuparuptinkum soqta pachak hukniyuq waranqa qanchis pachak kimsa chunka qarikuna karqaku.
Diospa prometesqan allpa imaynam rakinasqa kananmanta
52Moisestam Tayta Dios nirqa:
53Allpataqa haykam kasqankuman hinam rakinanki. 54Achka kaqkunamanmi hatunta qonki, aslla kaqkunamanñataqmi taksallata. Chay allpataqa sapa ayllumanmi paykunapaña kananpaq haykam kasqankuman hina qonki. 55Chay allpataqa sorteaspam rakinanki, sapakamam ñawpaq taytankupa ayllunman hina tupaqninta chaskinqaku. 56#Nm 34.13; Jos 14.1-2.Chaynaqa, sorteaspam achkapas otaq asllapas kasqankuman hina rakinanki.
Leví ayllu yupasqa kasqanmanta
57Leví ayllumanta yupasqa kaqkunam karqaku Gersonpa, Coatpa hinaspa Meraripa mirayninkuna. 58Leví ayllumanta kaqkunam karqaku: Libnipa, Hebronpa, Mahlipa, Musipa hinaspa Coreypa mirayninkunapas.
Coatpa mirayninmi karqa Amram. 59Egipto nacionpiraq Leviypa mirayninkuna kachkaptinkum Jocabed sutiyuq warmi nacerqa, chay warmiwanmi Amram casarakurqa. Paykunapa wawa-churinmi karqa: Aarón, Moisés hinaspa paninku Mariapas. 60#Nm 3.2.Aaronpa churinkunam karqa: Nadab, Abiú, Eleazar hinaspa Itamar. 61#Lv 10.1-2; Nm 3.4.Nadabwan Abium ichaqa, Tayta Diospa mana kamachisqanman hina inciensota qontichisqankurayku wañururqaku.
62Leví ayllumanta kaqkunata huk killayuqmanta hanayman yuparuptinkum iskay chunka kimsayuq waranqa qarikuna karqaku. Leví ayllukunaqa manam wakin Israel ayllukunawan kuskaqa yupasqachu karqaku. Chaynaqa, karqaku Israel wakin ayllukunawan herencia allpata mana chaskisqankuraykum.
63Israelpa mirayninkunatam Moisespiwan Sacerdote Eleazar yuparqaku Jordán mayupa hichpan Jericó llaqtapa chimpan Moab pampakunapi. 64Kay yupasqankupiqa manañam karqakuñachu Moiseswan sacerdote Aaronpa Sinaí chunniqpi yupasqan runakunaqa. 65#Nm 14.26-35.Chay wañuruq runakunamantaqa Tayta Diosmi kaynata nirqaña:
Paykunaqa lliwmi chunniqpi wañunqaku, manam huk qaripas puchunqachu, puchuspaqa-puchunqa Jefonepa churin Calebwan Nunpa churin Josueyllañam, nispa.
ที่ได้เลือกล่าสุด:
Números 26: RCHQ2
เน้นข้อความ
แบ่งปัน
เปรียบเทียบ
คัดลอก
ต้องการเน้นข้อความที่บันทึกไว้ตลอดทั้งอุปกรณ์ของคุณหรือไม่? ลงทะเบียน หรือลงชื่อเข้าใช้
Chuya Qellqa Revisión @ Sociedad Bíblica Peruana, 2012